Owi kpe dati 9:57 - WE NU GALE 1995

⁵⁷ Nɛ Gale hã zi 'bɔ etumbu hã owi Sikɛmɛ, we duzu 'dã mɛnɔ vɛ̃ wa dɛa ni. Na mɛ ni, ofɔmbanɔ kɛ Yotamɛ fɔmba zi do wa ni, ma dɛa tɛ̃ ɛ.

Owi kpe dati 9:57 Iomraidhean Croise

2 SAMUƐLƐ 3:39

Sɔɛ gɛ, gɛnɛ kɔ mi a nwa, nɛ nde mi mbɔkɔ wena. Nɛ obenɔ 'da Sɛruya ni, sila wa nganda la mi. Nɛ nde e kɔ NWA Gale do tɛ̃ a, a hã etumbu hã wa olo 'dã mɛ wa dɛa ni.”

1 Onwanɔ 16:34

Do 'da fala Akabɛ dungu zi do nwa ni, nɛ Hiɛlɛ, wi kɔ le Betɛlɛ, a zĩ ngbo le Yeriko dɛ olo nɛ. Nɛ wenɔ kɛ Yozue, be 'da Nunɛ tɔ̃a zi do zu li NWA ni, ma dɛa tɛ̃ ɛ. We duzu kɛ, 'da fala wa zi tɛ zĩ ngboe ni, nɛ Abiramɛ, kuti bulu be 'da Hiɛlɛ fe. Nɛ 'da fala wa zi tɛ bɛ̃lɛ̃ omɔ nu ngbonɔ, nɛ Sɛgubɛ, tala bulu be 'da a fe 'bɔ.

1 Onwanɔ 2:32

E kɔ nwa si olo ku'da 'dã mɛ 'da a hã a wele nɛ. Mba gɔ, a gbɛa zi owinɔ ni, nɛ nde baa mi Davidi ĩ̀ zi mɔ kpo gɔ. Yoabɛ gbɛa zi owinɔ kɛ wa nɛa ngɔ a do bɔlɔ zu. Wi zi a Abnɛrɛ, gã wi ngɔ osoda Israɛlɛ, do Amasa, gã wi ngɔ osoda Yuda.

Zumanɔ 7:17

'Dã mɛ kɛ a lengge we dɛ do ngba a ni, ma kifi tɛ̃ ɛ dɛ zu a wele nɛ, nɛ ngamɛ kɛ a 'dafa we hã ma hã ngba a ni, ma siki tɛ̃ ɛ, nɛ ma kpa a.

Zumanɔ 94:23

Mɔ dɛ sɛ na, 'dã mɛ 'da wa te dɛ zu wa, nɛ mɔ gbɛ sɛ wa do kpo 'dã mɛnɔ wa dɛ ni. Mɔ NWA Gale 'da lɛ, mɔ kumu sɛ wa vɛ̃.

GBA WENƆ 5:22

'Dã mɛnɔ kɛ 'dã wi dɛ ni, ma ɔ nɛ bili we a ni. Bili 'dã mɛ 'da a ma ba a, nɛ nde a hɔ̀ sɛ li nɛ gɔ.

Ezai 3:11

'Bako do o'dã winɔ! Mɛnɔ vɛ̃ ma 'danga sɛ do wa, nɛ wa kpa sɛ etumbu olo mɛnɔ wa dɛa ni.

Yozue 6:26

'Do kɛ osoda Israɛlɛ wa 'danga le Yeriko ni, nɛ Yozue kana nu a tɛ nɛ na: “E kɔ NWA fɔmbɔ wi kɛ a yamba sɛ we dɛ 'bɔ le Yeriko dɛ olo nɛ ni. Wele kɛ a ndo zĩ ngbo nu le, nɛ kutu be 'da a a fe nɛ. Wele kɛ a ndo 'dafa ngbo nu le, nɛ tala be 'da a a fe nɛ.”

Owi kpe dati 1:7

Adoni-Bezɛkɛ zɔa na mɛ ni, nɛ a he mɔ na: “Owinɔ 'da mi wa kala zi onwa 'bu wa sambo, nɛ wa 'bili gba 'biti zu kɔ wa, do gba 'biti zu nyanga wa. Nɛ Onwanɔ ni wa dɔlɔ zi be 'bulu nyɔngɔmɛnɔ kɛ ma te dɛ ti mɛsa 'da mi ni, nɛ wa nyɔngɔ. Kɔ Gale si olo 'dã mɛ kɛ mi dɛa zi ni hã mi.” Nɛ Oyuda wa la do a dɛ Yeruzalɛmɛ, nɛ a fe dɛ i mɔ.

Owi kpe dati 10:1

Do 'do kɛ Abimelɛkɛ fia ni, nɛ Tola, be 'da Puva, kɛ li yaa a zi a Dodo ni, a kpasa obe Israɛlɛ ti kɔ̃ owi sɛnɛ wa. Tola a wi kɔ nu kpala Isakarɛ, nɛ a ɔ kɔ le Samirɛ, kɛ ma ngɔ kalanɔ tɛ Efraimɛ.

Owi kpe dati 9:20

Hã ni gɔ, nɛ e kɔ nyɛa we hɔ kɔ Abimelɛkɛ nɛ ma bɛlɛ nɛ, owi Sikɛmɛ do Bɛtɛ-Milo vɛ̃! Nɛ e kɔ we hɔ kɔ nɛ, Owi Sikɛmɛ do Bɛtɛ-Milo, nɛ ma bɛlɛ tɛ mɛ 'bɔ Abimelɛkɛ!”

Owi kpe dati 9:24

Na mɛ ni, wa vɛ̃ wa kpa si olo 'dã mɛ 'da wa: Abimelɛkɛ, kpa si olo kɛ a gbɛa onya a, benɔ 'da Zedeoni 'bu wa sambo ni. Nɛ owi Sikɛmɛ, wa kpa si olo kɛ wa kɔ̃a zi gɛnɛ 'dã mɛ Abimelɛkɛ dɛa, nɛ wa yolo 'do a tɛ 'da fala gbɛ onya a ni.

Owi kpe dati 9:45

Abimelɛkɛ do owinɔ 'da a, wa bi le, yolo titole gbaa tũ, nɛ wa ba ma. Nɛ wa gbɛ winɔ kɔ nɛ ni, nɛ wa 'danga le vɛ̃. Nɛ wa so tɔ̃, nɛ wa pɛsɛ ma do olo tɔanɔ 'da wa vɛ̃.

Owi kpe dati 9:56

Na mɛ ni, Gale si ku'da 'dã mɛ kɛ Abimelɛkɛ dɛa ma dɛ 'da baa a, nɛ a gbɛa onya a 'bu wa sambo ni hã a.