Owi kpe dati 9:5 - WE NU GALE 1995

⁵ Nɛ a la do wa dɛ nu tɔa 'da baa a tɛ Ofra i, nɛ a gbɛ onya a, benɔ 'da Zedeoni 'bu wa sambo ni vɛ̃, dɛ ngɔ kpangba ta kpo. Nɛ nde tati a Yotamɛ, tala hɔ dɛ 'do wa vɛ̃ ni, hã a kpasa zi, we kɛ a usu zi tɛ̃ a usu.

Owi kpe dati 9:5 Iomraidhean Croise

1 Onwanɔ 1:12

Kɔ fala kɛ mɔ kɔ̃ we kpasa kili tɛ mɔ, do kɛ 'da be 'da mɔ Salɔmɔ, nɛ nde mi tɔ̃ hã mɔ na,

1 Onwanɔ 1:21

Kɔ fala kɛ mɔ dɛ̃ ni gɔ, kɔ mɔ fe, nɛ wa zɛlɛ sɛ tɛ mi do be 'da mi Salɔmɔ, ɔ nɛ kɛ lɛ a Owi vũ to tɛ nwa ni.”

2 Onwanɔ 10:17

Wa hɔa i mɔ, nɛ Yehu gbɛ tala onu fɛlɛ Akabɛ kɛ wa ɔ zi di ni ni, nɛ a kumu wa vɛ̃, ɔ nɛ kɛ NWA Gale tɔ̃a zi do wala 'da Elia, wi gba olo nu a ni.

2 Onwanɔ 10:7

Hã fala kɛ wa nɛa we kpa mbɛti 'da Yehu ni, nɛ wa kala obe zã nwa Akabɛ, nɛ wa 'bili gɛlɛ wa vɛ̃, nɛ wa ngɛmɛ zu wa dɛ kɔ ogã sanggi, nɛ wa tombo do nɛ hã Yehu dɛ Yizreɛlɛ i.

2 Onwanɔ 11:3

Nɛ Yoseba usu be ni dɛ kɔ tɔa Tɛmpɛloe 'da nwa gbaa sabɛlɛ gazɛlɛ, do 'da kɛ Atali dungu zi nwa ngɔ nùi ni.

2 Sakonɔ 21:4

'Da fala kɛ a ba to nwa olo baa a ni, nɛ a dɛa na, to nwa 'da a ma nganda. Nɛ a ba nu a na, wa gbɛ onya a vɛ̃, mba do mbe owi ti nu a kɛ wa ngɔ nùi ni.

MATIE 2:16

Herodɛ nɛa we zɔ na, owi hãnɔ wa ɔlɔ ɛ ni, nɛ zã a nɔ̃lɔ̃ wena. Nɛ a ba nu a na, wa gbɛ obulu benɔ kɔ le Bɛtleɛmɛ vɛ̃, yolo ngɔ obe sabɛlɛ bɔa we zĩlĩ dɛ nù. Mba gɔ, a ndua nyanga tɔlɔ sabɛlɛ do ngba soe kɛ Owi hãnɔ wa tɔ̃a hã a na, lo zɔa do sɔla ni.

MATIE 2:20

nɛ a tɔ̃ hã Yozɛfu na: “Mɔ kúlú ngɔ, kɔ mɔ bá be do naa a, hã nɛ kpóló tɛ nɛ dɛ Israɛlɛ i. Mba gɔ, winɔ wa fa zi we gbɛ a ni, wa fia ia.”

Owi kpe dati 6:11

Mbe tũ kpo, nɛ anzɛ 'da nwa nɛa kɔ le Ofra. A hɔa i mɔ, nɛ a dungu nù ti gba te sɛnɛ, tɛ ngɔ nùi 'da Yoasi, wi nu fɛlɛ Abiezɛrɛ. Nɛ be 'da Yoasi kpo, li a a Zedeoni, a zi tɛ zɛ kpalɛ ble. A dɛ zi ma tɛ fala kɛ wa kpĩlĩ do wala te vinɔɛ ni na, da dɛ kɔ Omadianɛ wa zɔ́ ma gɔ.

Owi kpe dati 6:24

Nɛ Zedeoni dɛa gbagala do ta dɛ fala ni, takɔ a dɔ sa'de ngɔ nɛ we dɔnggɔ do NWA. Nɛ a e li fala ni na: “NWA hã dungu fio.” Gbagala ni 'bana dɛ kɔ nu fɛlɛ kula 'da Abiezɛrɛ, tɛ kɔ le Ofra ni tia do sɔɛ gɛ.

Owi kpe dati 8:30

A zi do obe 'bu wa sambo, we kɛ a kala zi owuko dɛlɛ wena.

Owi kpe dati 9:18

Kɔ nɛ zɔ̀, nɛ siki li nɛ dɛ tɛ nu fɛlɛ kula 'da a, nɛ nɛ gbɛ obenɔ 'da a 'bu wa sambo ni vɛ̃ dɛ ngɔ kpangba ta kpo! Nɛ nɛ e Abimelɛkɛ, be kɛ a kua a do wuko wi dɛa to 'da a ni do nwa ngɔ nɛ, we duzu kɛ a kɔ nu fɛlɛ kula 'da nɛ.

Owi kpe dati 9:2

“Nɛ nɛ́, hã nɛ aka okumu lenɔ, hã wa tɔ̃ linggamɛ zã wa ni hã nɛ. Tabi wa kɔ̃a na obenɔ 'da Zedeoni 'bu wa sambo ni, wa hɔ owi kpe dati wa, tabi wele kpo hã a hɔ wi kpe dati wa nde? Nɛ nde nɛ ĩ do dia nɛ na, mi a kili tɛ nɛ.”

Owi kpe dati 9:6

Nɛ 'do ki ni, nɛ okumu le Sikɛmɛ do owinɔ kɔ le Bɛtɛ-Milo vɛ̃, wa mba li ngba wa, nɛ wa nɛ ti te sɛnɛ tɛ Sikɛmɛ, kɛ ma kɛ zã gã ta kɛ wa zĩ ma ni. Nɛ wa e Abimelɛkɛ do wi kpe dati wa dɛ di ni.