Owi kpe dati 9:4 - WE NU GALE 1995

⁴ Nɛ wa kala mbili fɛ̃a mɔ bolo 'bu nɛ sambo kɔ tɔa 'da gale 'da wa Bala-Bɛritɛ, nɛ wa hã ma hã a. Nɛ Abimelɛkɛ kala mbili ni, nɛ a hã ma hã oyia wi, do Owi dɛ mbuma na, wa si 'do ɛ.

Owi kpe dati 9:4 Iomraidhean Croise

2 SAMUƐLƐ 6:20

Nɛ Davidi si tɛ mɛ 'bɔ dɛ sanga Owi nanɔ 'da a, tɛ nu tɔa 'da a i. Nɛ Mikalɛ gɔnɔ dati a, nɛ a mɔmɔ a, nɛ a tɔ̃ na: “Kɛ nwa ngɔ Israɛlɛ kpa dɔ̃lɔ̃ li sɔɛ gɛ ni ɛ! A bia tɛ̃ a hã owuko ngbánɔ 'da Owi dɛa tonɔ 'da a, nɛ nde mbee tɛ̃ a do wila nɛ ɔ nɛ wi bɔ ni.”

2 Sakonɔ 13:7

Nɛ a kala Owele kɛ gbãlã zã wa bina ni, nɛ a mba do wa, nɛ wa bi Roboamɛ, be 'da Salɔmɔ, kɛ a 'bana zagbãlã iko, nɛ li a tɛ ĩ̀ mɔ gɔ ni, nɛ wa nɛ ngɔ a.

YƆBƆ 30:8

Wa ɔ zi nɛ Owi bɔ, kɛ wele ĩ̀ ti wa gɔ ni. Nɛ winɔ wa ndaka wa do gã dɔ te kɔ̃ wa.

GBA WENƆ 12:11

Wi dɛ to fɔ zɔ́lɔ́ nyɔngɔmɔ gɔ. Nɛ nde wi kɛ a dungu tɛ lengge mɔ iko, nɛ a é ma fala to gɔ ni, a do hã zã bina.

SOFONI 3:4

Owi gba olo nu Gale kɔ le Yeruzalɛmɛ, wa a owi gã zu, wa faka toe 'da wa do'do. Nɛ onganganɔ kɔ le Yeruzalɛmɛ wa dɔ́nggɔ́ mɛnɔ kɛ wa ia hã Gale ni gɔ, wa 'danga mbulanɔ 'da Gale do'do.

Owi Nɛ Tonɔ 17:5

Kɔ Oyudanɔ wa nɛa we zɔ ni, nɛ wa dɛ sɛnɛmɔ. Nɛ wa ngɛmɛ o'dã zu wele kɛ wa yɛnggɛ do li wala iko ni, nɛ wa mu wa dɛ tɛ winɔ, nɛ wa ma ngɔ fi balia kɔ le. Nɛ wa hɔa nu tɔa 'da Yasoni we fa Polo do Silasi, takɔ wa kala wa, hã winɔ wa 'bili we 'da wa.

Owi kpe dati 11:3

Nɛ Yɛfte yu onya a, nɛ a nɛ gbaa, nɛ a ɔ ngɔ nù Tɔbɛ. A hɔa i mɔ, nɛ owi mbuma wa si 'do a we yɛnggɛ do a.

Owi kpe dati 8:33

'Do kɛ Zedeoni fia ni, nɛ obe Israɛlɛ wa ma ngɔ dɔnggɔ ogale Bala. Nɛ wa ba zi Bala-Bɛritɛ ɔ nɛ gale 'da wa,

Owi kpe dati 9:27

Nɛ owinɔ kɔ le ni wa kɔ̃ gɛnɛ a. Wa nɛa kɔ fɔ vinɔnɔ 'da wa i, nɛ wa 'bi wala nɛ, nɛ wa kpĩlĩ dɔ̃ nɛ we dɛ do mɔ dɔ. Nɛ wa nɛa kɔ tɔa gale 'da wa, nɛ wa dɛ mɔ dɔɛ ni i mɔ, nɛ wa tɔ̃ 'dã zu li Abimelɛkɛ.

1 SAMUƐLƐ 22:2

Nɛ ombe wi kpa ngamɔ, do Owi ba ku'da, do Owi nɔ̃lɔ̃ zã, wa mba 'bɔ do wa, nɛ Davidi hɔ nwa ngɔ wa. Wa zi vɛ̃ Owele kama nalɛ.