Owi kpe dati 9:1 - WE NU GALE 1995

¹ Abimelɛkɛ, be 'da Zedeoni, nɛa tɛ Sikɛmɛ i we zɔ oyamba a, do nu fɛlɛ kula 'da naa a, nɛ a tɔ̃ hã wa na:

Owi kpe dati 9:1 Iomraidhean Croise

Ndo Nyanga Dɛ Mɔ 33:18

Yakɔbɔ yula tɛ Mezopotami, nɛ a si do ba tɛ̃ a gbaa, nɛ a hɔ kɔ le Sikɛmɛ kɛ ma ngɔ nù Kanana ni. Nɛ a zĩ tɔa tande 'da a dɔ̃ɔ do le ni.

Ndo Nyanga Dɛ Mɔ 34:2

Nɛ Sikɛmɛ, zagbãlã be 'da Hamɔrɛ kɛ a zi a nwa 'da Ohivi dɛ di ni ni, a zɔ a, nɛ a ba a, nɛ a wɛlɛ a, nɛ a ɔ do a.

2 SAMUƐLƐ 15:6

Nɛ a dɛa na mɛ ni do winɔ vɛ̃, kɛ wa tɛ zi we 'dafa we dati nwa ni. Nɛ gɛɔ do gɛɔ, nɛ sila obe Israɛlɛ dia dɛ tɛ̃ a.

1 Onwanɔ 12:1

Onu kpala Israɛlɛ wanɔ si gbãlã ngɔ, wa mba zi ngba wa tɛ Sikɛmɛ, we e Roboamɛ do nwa. Nɛ Roboamɛ nɛa we nɛ.

1 Onwanɔ 12:20

Kɔ obe Israɛlɛ wanɔ si gbãlã ngɔ, wa nɛa we zele na Yeroboamɛ yula tɛ Ezipeto, kɔ a si, nɛ wa tombo hã a na, a tɛ kɔ mba li ngba wi 'da wa. A tɛa, nɛ wa e a do nwa ngɔ nù Israɛlɛ. Na mɛ ni, tati a Owi nu kpala Yuda, hã wa 'bana tɛ kɔ̃ gɛnɛ to nwa 'da nu fɛlɛ Davidi.

1 Onwanɔ 12:3

Nɛ nde wa tombo Owele na, wa sa mɔ hã a na a si. Nɛ a si, nɛ a mba ngba a do onu kpala obe Israɛlɛ kɛ wa si gbãlã ngɔ vɛ̃, nɛ wa nɛ, nɛ wa tɔ̃ hã Roboamɛ na:

Yeremi 18:18

Owinɔ wa zila ní, nɛ wa tɔ̃ na: “Lɛ nɛ́, hã lɛ dɛ Yeremi 'danga. Lɛ zɔlɔ onganga we be mɔ hã lɛ gɔ. Lɛ zɔlɔ Owi hã zã we tɔ̃ mbula hã lɛ gɔ. Nɛ lɛ zɔ̀lɔ̀ 'bɔ Owi gba olo nu Gale gɔ. Lɛ tɛ zèlè 'bɔ wenɔ a tɔ̃ ni gɔ. Lɛ fá we 'danga zu li a, sɛ a toe 'da a 'danga de.”

Yeremi 41:5

Nɛ Owele 'bu wa ngbɛ'dɛ'dɛ, wa yula kɔ le Sikɛmɛ, do Silo, do Samaria we nɛ tɛ Yeruzalɛmɛ. Owinɔ ni wa kɛlɛ zi nzɛlɛ wa, nɛ wa he'de ɛ̃a tulu, nɛ wa 'bili tɛ wa do dani bɔ̃ liɔ̃ we be na, wa dungu gɛla. Wa kala zi okpalɛ, do fũ yɔmbɔ, nɛ wa nɛ do ma we dɔnggɔ do Gale tɛ kɔ Tɛmpɛloe 'da a tɛ Yeruzalɛmɛ i. Wa nɛa, nɛ wa kɔlɔ do Mispa,

Yozue 20:7

'Da fala kɛ obe Israɛlɛ wa nɛa we zele ní, nɛ wa saka le talɛ tɛ kulu lì Yɔrdanɛ si 'biti gɛ̃a wese, we usu tɛ wi kɔ nɛ. Lì lenɔ ni zi a: Kedɛsi tɛ Galile, ngɔ kalanɔ ngɔ nùi 'da Nɛftali. 'Do nɛ a Sikɛmɛ ngɔ kalanɔ, ngɔ nùi 'da Efraimɛ, do Kiriatɛ-Arba, ngɔ kalanɔ, ngɔ nùi 'da Yuda. Mbee li Kiriatɛ-Arba zi a Hebroni.

Owi kpe dati 8:30

A zi do obe 'bu wa sambo, we kɛ a kala zi owuko dɛlɛ wena.

Owi kpe dati 8:31

Nɛ a zi 'bɔ do wuko makango tɛ kɔ le Sikɛmɛ. Nɛ a ko zi bulu be do a kpo, nɛ a e li a na Abimelɛkɛ.

Owi kpe dati 8:35

Nɛ obe Israɛlɛ wa lènggè 'bɔ do nu fɛlɛ Zedeoni, olo dia mɛnɔ vɛ̃ kɛ a dɛa we wa ni gɔ.