Owi kpe dati 8:6 - WE NU GALE 1995

⁶ Nɛ ogã wi ngɔ le ni wa bɛ̃, nɛ wa aka a na: “Gulu kɛ lɛ nɛ hã nyɔngɔmɔ hã osodanɔ 'da mɔ we ge nde? Mɔ kala wá Zeba do Salmuna ia nde?”

Owi kpe dati 8:6 Iomraidhean Croise

Ndo Nyanga Dɛ Mɔ 25:13

Li benɔ 'da Ismaɛlɛ yolo ngɔ kuti wele kɛ gbaa we hɔ ngɔ tala be ma kɛ: Nɛbayɔtɛ, Kedarɛ, Adbeɛlɛ, Mibsamɛ,

Ndo Nyanga Dɛ Mɔ 37:25

Wa zumu a dɛ kɔ kɔ i do'do, nɛ wa dungu nù we nyɔngɔ mɔ. 'Da fala wa tɛ nyɔngɔ mɛ ni, nɛ wa ka mɔ, nɛ wa zɔ owi nu kpala Ismaɛlɛ kɛ wa a owi be golenɔ ni, nɛ nde wa yula ngɔ nù Galadɛ, kɔ wa la si Ezipeto. Nɛ osamonɔ 'da wa, wa kala zi otole kpi do kpi ɔ nɛ mɔpaka, do ndibili, do nɔ yɔmbɔ dɛ li 'do wa.

Ndo Nyanga Dɛ Mɔ 37:28

'Da fala nɛ ni, nɛ mbe Oismaɛlɛ kɛ wa sa mbe 'bɔ li wa na, Omadianɛ ni, wa la do wala ni. Nɛ onya Yozɛfu wa nɛ, nɛ wa ba a kɔ kɔ̃ɛ i dɛ nza, nɛ wa be gole a hã owinɔ ni. Nɛ wa oso Yozɛfu we mbili 'bu nɛ bɔa. Nɛ owinɔ ni wa la do a dɛ tɛ Ezipeto i.

1 Onwanɔ 20:11

Nɛ Akabɛ, nwa ngɔ nu Israɛlɛ gese hã Bɛnɛ-Hadadɛ do gba we na: “Mɔ tɛ bì bolo gɔ, nɛ mɔ dɔnggɔ tɛ mɔ nde?”

2 Onwanɔ 14:9

Nɛ Yoasi gese hã a do gba we na: “Mbe ngba soe kpo, nɛ te tɛ̃ ngɔ kala Libanɛ aka te sɛdrɛ na, a hã mbe be zɔnga be 'da a, kɔ bulu be 'da ɛ ba a do wuko. Nɛ mbe sa'de zamɔ kpo hɔa, nɛ a zã te tɛ̃ ni, nɛ a fi nù.”

GBA WENƆ 18:23

Wi sã wele we do ala nu, nɛ nde wi kpamɔ wele we do nga gɛlɛ.

FILIPƐ 2:21

Tala winɔ vɛ̃, wa lengge tati a dia mɛ 'da wa wele nɛ iko, wa lénggé do we 'da Yezu Kristo gɔ.

Owi kpe dati 5:23

Nɛ anzɛ 'da NWA tɔ̃a na: “Nɛ fɔ́mbɔ́ le Merɔzɛ, nɛ nɛ fɔ́mbɔ́ 'bɔ winɔ vɛ̃ kɛ wa ɔ kɔ le ni, we duzu kɛ wa nɛ̀ we gala NWA li bolo gɔ, nɛ wa kɔ̃̀ zi 'bɔ we tombo onwa bolonɔ 'da wa hã NWA gɔ.”

Owi kpe dati 8:15

Nɛ Zedeoni nɛa, nɛ a kpa owi kɔ le Sukɔtɛ, nɛ a tɔ̃ hã wa na: “Nɛ hã zi sape hã mi wena. Nɛ tɔ̃a zi hã mi na, gulu kɛ lo nɛ hã nyɔngɔmɔ hã owinɔ 'da mi kɛ wɛ ala wa ni we ge nde? Mi kala wá Zeba do Salmuna ia nde? Hã nɛ ká mɔ hã nɛ zɔ, wa kɛ!”

Owi kpe dati 8:5

Wa hɔa kɔ le Sukɔtɛ, nɛ Zedeoni tɔ̃ hã owinɔ kɔ le ni na: “Nɛ hã́ mbe mapa hã owinɔ 'da mi, we kɛ wa ala wɛ do'do. Nɛ lɛ 'bana 'bɔ tɛ ndaka 'do onwa Madianɛ, Zeba do Salmuna.”