Owi kpe dati 8:4 - WE NU GALE 1995

⁴ Do 'da fala ni, nɛ Zedeoni do owinɔ 'da a kama talɛ ni, wa hɔ nu lì Yɔrdanɛ, nɛ wa kũ dɛ kulu nɛ. Gɛnɛ kɔ wa mbɔkɔ zi wena, nɛ nde wa là zi fala ndaka 'do owi sɛnɛ wa gɔ.

Owi kpe dati 8:4 Iomraidhean Croise

2 KORINTƐ 4:16

We duzu ma, lɛ mbɔ́kɔ́ fala kpo gɔ. Mba gɔ, gɛnɛ kɔ kili tɛ lɛ tɛ 'danga nɛ gɛɔ do gɛɔ, nɛ nde sila lɛ tɛ nganda dɛ dati fai.

GALATI 6:9

Ní nɛ lɛ tɛ mbɔ̀kɔ̀ tɛ dɛ de mɔ gɔ. Mba gɔ, 'da fala kɛ lɛ mbɔ̀kɔ̀ gɔ, nɛ lɛ kpa sɛ si olo nɛ do li zɔlɔ nɛ.

Owi kpe dati 7:25

Nɛ Oefraimɛ wa kala zi ogã wi ngɔ Omadianɛ bɔa, kɛ li wa a Orɛbɛ do Zɛbɛ, nɛ wa gbɛ Orɛbɛ tɛ ngɔ kpangba ta, nɛ wa sa li ma na: “Kpangba ta 'da Orɛbɛ.” Nɛ wa gbɛ Zɛbɛ dɔ̃ɔ do fala wa kpĩlĩ do wala te vinɔɛ ni, nɛ wa sa li fala ni na: “Fala kpĩlĩ wala vinɔ 'da Zɛbɛ.” Nɛ 'do ki ni, nɛ wa la dɛ dati we ndaka 'do Omadianɛ. Nɛ Oefraimɛ wa kala kpongbolo zu Orɛbɛ do Zɛbɛ, nɛ wa nɛ do ma hã Zedeoni tɛ kulu lì Yɔrdanɛ i.

Owi kpe dati 8:3

Mba gɔ, Gale 'dɔla Orɛbɛ do Zɛbɛ, ogã wi ngɔ Omadianɛ hã nɛ, nɛ nɛ gbɛa wa. Ki ni, ma nɛa ngɔ kɛ mi dɛa ni wena.” Owi nu kpala Efraimɛ wa zila ní, nɛ nɔ̃lɔ̃ zã 'da wa ma gbɛsɛ.

1 SAMUƐLƐ 30:10

nɛ Owele kama bɔa wa 'bana dɛ di ni, we kɛ wa mbɔkɔ wena, nɛ wa wè tɛ kũ fua lì ni gɔ. Nɛ Davidi la do mbe wanɔ kama nalɛ ni.

1 SAMUƐLƐ 30:8

nɛ Davidi aka NWA na: “Fala kɛ mi ndaka 'do owinɔ wa 'danga le gɛ, nɛ mi kala sɛ wa nde?” Nɛ NWA gese hã a na, a nɛ, nɛ a kala sɛ wa, nɛ a kpasa sɛ 'bɔ winɔ wa kala wa la do wa ni.