Owi kpe dati 8:34 - WE NU GALE 1995

³⁴ nɛ ta zu wa ele ngɔ NWA Gale 'da wa, kɛ a kpasa zi wa ti kɔ̃ owi sɛnɛ wa kɛ zã wa vɛ̃ ni do'do.

Owi kpe dati 8:34 Iomraidhean Croise

Zumanɔ 106:18

Nɛ mɔ tumba gba nyɛa we dɛ ngɔ Owi bɛ̃ wenɔ ni, nɛ ma bɛlɛ wa vɛ̃.

Zumanɔ 106:21

Nɛ ta zu wa ila ngɔ Gale, kɛ a dɛa ogba mɛnɔ ngɔ nù Ezipeto, nɛ a kpasa wa ni.

Zumanɔ 78:11

Ta zu wa ila zi ngɔ ogba mɛnɔ, do ɔngbamɛnɔ kɛ a dɛa zi, nɛ wa zɔa ma ni.

Zumanɔ 78:42

Nɛ ta zu wa ila ngɔ gba mɛ kɛ a dɛa zi we wa, do ngba soe kɛ a fua wa ti kɔ̃ Owi sɛnɛ wa ni.

WI LENGGE WE 12:1

Mɔ a be zagbãlã, nɛ ta zu mɔ tɛ èlè ngɔ Gale kɛ a dɛa mɔ ni gɔ. Ma wia na ta zu mɔ gba ngɔ a dati na, ngba soe 'dã kɔ̃ tũnɔ ma hɔ, hã mɔ tɔ̃ na: “Mi 'bɔ do wɔ tɛ dungu nza bina” ni.

Yeremi 2:32

Ta zu be zɔnga ele ngɔ mɔ zɔnganɔ 'da a ila nde? Nɛ ta zu wuko ba wili ele ngɔ 'dɛ̃ kɛ ma be na, a ba wili ni ila nde? Ĩ na, nɛ owinɔ 'da mi, ta zu nɛ ila ngɔ mi zi belee, nɛ wa wè 'bɔ we tɔlɔ kɔ̃ tũ nɛ gɔ.

Yeremi 23:27

Wa lengge na, yalɛnɔ wa tɔ̃ sanga tɛ ngba wa ni, ma dɛ sɛ na, ta zu winɔ 'da mi ele ngɔ mi, ɔ nɛ kɛ ta zu oyaa wa ila zi ngɔ mi, nɛ wa nɛa 'do gale Bala ni nde?

OZE 2:15

Mi hã sɛ etumbu hã a, we duzu ɛngganɔ kɛ a dungu zi, nɛ a gbɛ sa'de we dɔnggɔ do gale Bala, do ogele gale bɛlɛnɔ ni. A hi'da zi 'bɔ pɛtɛ do oiyaka, nɛ a yu 'do ogele wili, nɛ tɛ zu a ele ngɔ mi Gale. Mi NWA, mi tɔ̃a ni.”

Mbulanɔ 4:9

Li nɛ sɔ̃́, nɛ nɛ dɛ́ zĩ na, da dɛ kɔ tɛ nɛ élé ngɔ mɛnɔ vɛ̃ nɛ zɔa zi do li nɛ ngboo ni gɔ. Nɛ lengge ma kɔ dungu nza 'da nɛ vɛ̃. Nɛ nɛ tɔ̃ sɛ we nɛ hã obe zã nɛ do obe yaa nɛ.

Owi kpe dati 3:7

Obe Israɛlɛ wa dɛa zi mɔ kɛ ma dè tɛ NWA Gale 'da wa gɔ ni. Ta zu wa ele ngɔ Gale 'da wa, nɛ wa dɔnggɔ ogale Bala do Asera.