Owi kpe dati 8:26 - WE NU GALE 1995

²⁶ Nɛ we mba dĩ pɛtɛ mɔ mbalinɔ kɛ wa hã ma hã Zedeoni ni, nɛ nde ma hɔa zi vɛ̃ kilo 'bu nɛ bɔa. A kpa zi 'bɔ omɔ 'dafa tɛ wi, do omɔ zala wi, do odia fila tulunɔ kɛ onwa Omadianɛ wa he'de zi ma ni, do iyaka kɛ Onwanɔ ni wa fi ma gɛlɛ osamonɔ 'da wa ni.

Owi kpe dati 8:26 Iomraidhean Croise

ƐSTƐRƐ 8:15

Mardose nɛa we hɔ nza kɔ tɔa nwa 'di, nɛ nde a he'de tulu nwa, ma a yoo gɛza do fɛ̃a nɛ, nɛ a he'de gba tulu, ma a fila dɛ ngɔ nɛ. Nɛ a gu gã ndasa nwa zu a, ndasa ni wa dɛa do mɔ mbali. Nɛ nde kɔ le Suzɛ vɛ̃, wa zɛ zi kɔ̃ wa, nɛ wa zɛ kaliã.

GBA WENƆ 31:22

A dɛ obolangiti, nɛ a he'de dia tulunɔ kɛ a fulu ma do fɛlɛ linɛnɔ kɛ ma a yoo ni.

Ezai 3:18

Do kɔ̃ tũi ni, NWA a kala sɛ mɔ 'dafa tɛ wa kɔ̃ wa vɛ̃. A kala sɛ mɔ mbali nu gɛlɛ nyanga wa, mɔ walinɔ wa e ngɔ zu wa ni,

Yeremi 10:9

Wa oso fɛ̃a mɔ bolo tɛ kɔ le Tarsisi, tabi mɔ mbali tɛ Ufazi, nɛ wa si nɛ we 'dafa do tɛ okpikimanɔ. Wi sɛ te, a a sɛ okpikimanɔ ni, nɛ wi dolo mɔ nãlã mɔ mbali tɛ nɛ, nɛ wa yulu ofila tulu olo gã gole dɛ tɛ nɛ. Nɛ nde mɛnɔ ni vɛ̃ wele dɛa ma do kɔ̃ ɛ iko.

EZEKIƐLƐ 27:7

Wa fa tulu linɛ tɛ ngɔ nù Ezipeto, takɔ wa kpo ma tɛ masua na, bũi le kɔ nɛ, nɛ ma ba masua la nɛ. Wa gɛzɛ tɛ tuli ni de wena na, mɔ yolo ndũu, nɛ mɔ zɔ, nɛ mɔ ĩ ti ma. Wa ba tulu tɛ Siprɛ, nɛ wa gɛzɛ tɛ nɛ de wena do fila langi, do langi kɛ ma a bɔtɔlɔtɔ ni. Nɛ wa dɛa ma do tande we gu ngɔ tolenɔ.

LUKA 16:19

Nɛ Yezu tɔ̃ gba we na: “Mbe wele zi kpo, a a wi kpamɔ, nɛ a he'de zi fai a dia tulu, kɛ gole nɛ gã wena ni. Nɛ tũ kpo kpo, a nyɔngɔ mɔ ɔ nɛ mɛ a 'da fala ɛngga ni.

YOANƐ 19:2

Nɛ osodanɔ wa kala otɛ̃, nɛ wa fana do ndasa nwa korr ɔ nɛ kali ni, nɛ wa yulu dɛ zu a, nɛ wa he'de 'bɔ gba du fila tulu hã a.

YOANƐ 19:5

Nɛ Yezu hɔa nza do ndasa tɛ̃ dɛ zu a, do fila tuli dɛ tɛ̃ a ni. Nɛ Pilatɛ tɔ̃ hã wa na: “A kɛ!”

USU MƐNƆ 17:4

Nɛ wuke ni hi'da dia fila tulu, nɛ mɔ mbali, do ota olo gã gole, do oiyaka ma ndele tɛ nɛ kpala kpala. Nɛ a 'bia bila mɔ mbali, kɛ ma dunu do sɔkpɔ o'dã mɔ kpi do kpi, nɛ mɛ a ndi mɔ sapenɔ 'da a ni dɛ kɔ̃ a.

USU MƐNƆ 18:12

Wa be zi gole mɛnɔ kpi do kpi: mɔ mbali, fɛa mɔ bolo, odia ta do gã gole, do oiyaka, otulu linɛ, do odia fila tulu kpi do kpi, do tulu sɔa. Gili odia te kpi do kpi, do gili mɛnɔ kɛ wa sɛa ma do gogo fɔlɔ, tabi do odia te, tabi wa dolo do tũ mɔ bolo, do mɔ bolo, tabi wa sɛa do ta marbrɛ.

USU MƐNƆ 18:16

Nɛ wa tɔ̃ sɛ na: “'Bako! Kɛ gɛ a 'bako ge nde! Gã le gɛ ɔ zi nɛ wuko kɛ a hi'da tulu linɛ, do dia fila tulu kpi do kpi, nɛ mɔ mbali, do odia ta olo gã gole, do oiyaka ma ndele tɛ nɛ kpala kpala.

Owi kpe dati 8:21

“Mɔ gbɛ́ lɛ do tɛ mɔ, we kɛ gbɛ lɛ ma wia do sɔ̃a wi wili ngboo sɛ nɛ de.” Nɛ Zedeoni gbɛa wa, nɛ a kala iyaka kɛ wa fi ma gɛlɛ osamonɔ 'da wa ni do mɔ́ a.

Owi kpe dati 8:25

Nɛ obe Israɛlɛ wa tɔ̃ hã Zedeoni na: “Lɛ dɛ sɛ yangga we hã pɛtɛnɔ ni hã mɔ.” Nɛ wa fi gba tulu nù, nɛ wele do wele da pɛtɛ 'da a kɛ a ba ma li bole i ni dɛ ngɔ nɛ.

Owi kpe dati 8:27

Zedeoni kala mɔ mbalinɔ ni, nɛ a dolo ma do kpikima, nɛ a e kɔ le 'da a, tɛ Ofra. Nɛ obe Israɛlɛ vɛ̃ wa kifi 'do wa, nɛ wa lo do Gale, nɛ wa ma ngɔ dɔnggɔ kpikima ni. Na mɛ ni, kpikima ni hɔa zi ɔ nɛ bili we ba Zedeoni do nu fɛlɛ kula 'da a.