Owi kpe dati 8:24 - WE NU GALE 1995

²⁴ Nɛ Zedeoni tɔ̃ 'bɔ hã wa na: “Mi nɛ aka nɛ we mɔ kpo. Mi kɔ̃a na, wele do wele hã pɛtɛ mɔ mbali kɛ a kala ma tɛ li bolo i ni hã mi.” Pɛtɛ a aka we nɛ ni, mɛ a pɛtɛ mɔ mbalinɔ kɛ Omadianɛnɔ wa he'de zi ma ɔ nɛ owinɔ vɛ̃ kɛ wa ɔ li gba zɔ́ i ni.

Owi kpe dati 8:24 Iomraidhean Croise

Ndo Nyanga Dɛ Mɔ 24:22

Nɛ fala kɛ osamonɔ wa nɔa lì ia ni, nɛ wi toe ba pɛtɛ mɔ mbali, kɛ dĩ ma wia do gramɛ gazɛlɛ ni, nɛ a kɔ'bɔ nu zɔ̃ Rebɛka. Nɛ a kala 'bɔ mɔ nu kɔ wi bɔa, kɛ wa dɛa ma do mɔ mbali, nɛ dĩ nɛ kpo kpo nɛa ngɔ gramɛ kama ni, nɛ a fi nu kɔ a.

Ndo Nyanga Dɛ Mɔ 24:53

'Do nɛ, nɛ a fi kɔ̃ a kɔ tole 'da a, nɛ a kala otulu do omɔ 'dafa tɛ wi, kɛ wa dɛa ma do mɔ mbali do fɛ̃a mɔ bolo ní, nɛ a hã ma hã Rebɛka. Nɛ a hã 'bɔ omɔ olo gã gole hã nya a do naa a.

Ndo Nyanga Dɛ Mɔ 25:12

Nɛ zélé li obe zã Ismaɛlɛ, bulu be kɛ Agarɛ, wuko Ezipetoe, wi toe 'da Sara kua zi a do Abrahama ni.

Ndo Nyanga Dɛ Mɔ 25:13

Li benɔ 'da Ismaɛlɛ yolo ngɔ kuti wele kɛ gbaa we hɔ ngɔ tala be ma kɛ: Nɛbayɔtɛ, Kedarɛ, Adbeɛlɛ, Mibsamɛ,

Ndo Nyanga Dɛ Mɔ 35:4

Wa zila ni, nɛ wa kala kpikimanɔ kɛ wa zi do ma ni, mba do mɛnɔ kɛ wa a zi ma zala wa ni vɛ̃, nɛ wa hã ma hã Yakɔbɔ. Nɛ Yakɔbɔ mi ma tɛ ti gba gbɛlɛ te kɛ ma dɔ̃ɔ do Sikɛmɛ ni.

Ndo Nyanga Dɛ Mɔ 37:25

Wa zumu a dɛ kɔ kɔ i do'do, nɛ wa dungu nù we nyɔngɔ mɔ. 'Da fala wa tɛ nyɔngɔ mɛ ni, nɛ wa ka mɔ, nɛ wa zɔ owi nu kpala Ismaɛlɛ kɛ wa a owi be golenɔ ni, nɛ nde wa yula ngɔ nù Galadɛ, kɔ wa la si Ezipeto. Nɛ osamonɔ 'da wa, wa kala zi otole kpi do kpi ɔ nɛ mɔpaka, do ndibili, do nɔ yɔmbɔ dɛ li 'do wa.

Ndo Nyanga Dɛ Mɔ 37:28

'Da fala nɛ ni, nɛ mbe Oismaɛlɛ kɛ wa sa mbe 'bɔ li wa na, Omadianɛ ni, wa la do wala ni. Nɛ onya Yozɛfu wa nɛ, nɛ wa ba a kɔ kɔ̃ɛ i dɛ nza, nɛ wa be gole a hã owinɔ ni. Nɛ wa oso Yozɛfu we mbili 'bu nɛ bɔa. Nɛ owinɔ ni wa la do a dɛ tɛ Ezipeto i.

1 Onwanɔ 20:11

Nɛ Akabɛ, nwa ngɔ nu Israɛlɛ gese hã Bɛnɛ-Hadadɛ do gba we na: “Mɔ tɛ bì bolo gɔ, nɛ mɔ dɔnggɔ tɛ mɔ nde?”

Kulu Tɔa 12:35

Obe Israɛlɛ wa nɛa zi 'da Oezipeto, nɛ wa gɔ otulu, do odia mɔ kɛ wa dɛa do mɔ mbali, tabi do fɛ̃a mɔ bolo ni, ɔ nɛ kɛ Mɔizɛ tɔ̃a zi hã wa ni.

Kulu Tɔa 32:3

Obe Israɛlɛ vɛ̃ wa nɛa, nɛ wa hɔlɔ mɔ zala wi mɔ mbalinɔ 'da wa, nɛ wa hã ma hã Aroni.

Kulu Tɔa 32:4

Nɛ a kala, nɛ a gi, nɛ ma yeke, nɛ a a lì nɛ dɛ kɔ mɔ a 'dafa ma, nɛ a dɛ do kpikima be wili ngɔmbɔ. Obe Israɛlɛ wa nɛa we zɔ ní, nɛ wa he mɔ na: “Nɛ zɔ gale 'da lɛ, kɛ a fua lɛ ngɔ nù Ezipeto gɛ, a kɛ!”

Kulu Tɔa 32:8

Wa gbini mbula kɛ mi ba hã wa ni dɔ do'do. Wa gi mɔ mbali, hã wa dɛa do kpikima be wili ngɔmbɔ, nɛ wa gu nù ti nɛ, nɛ wa hã 'bɔ odɔnggamɔ hã ma. Nɛ wa tɔ̃ 'bɔ na: ‘Nɛ zɔ́ gale 'da lɛ, kɛ a fua lɛ ngɔ nù Ezipeto, a kɛ!’

EZEKIƐLƐ 7:20

Wa dɔnggɔ zi tɛ wa do kpamɛnɔ 'da wa, nɛ wa dula ma do osɔ̃ kpikima. Ma kɛ mi dɛ sɛ na, kpamɛnɔ ni kifi 'dã mɔ we wa.

Owi kpe dati 8:25

Nɛ obe Israɛlɛ wa tɔ̃ hã Zedeoni na: “Lɛ dɛ sɛ yangga we hã pɛtɛnɔ ni hã mɔ.” Nɛ wa fi gba tulu nù, nɛ wele do wele da pɛtɛ 'da a kɛ a ba ma li bole i ni dɛ ngɔ nɛ.

1 SAMUƐLƐ 25:11

Kɔ nɛ lengge na, mi wia tɛ ba mapa, do lì, do sa'de kɛ mi 'dafa hã Owi kɛlɛ sala tɛ batanɔ 'da mi ni, nɛ mi hã ma hã nɛ gɛ, kɛ mi ĩ̀ ti nɛ gɔɛ gɛ nde? Ma wé sɛ gɔ!”