Owi kpe dati 8:23 - WE NU GALE 1995

²³ Nɛ Zedeoni tɔ̃ hã wa na: “Mi hɔ́ sɛ wi kpe dati nɛ gɔ, nɛ be 'da mi hɔ́ sɛ 'bɔ wi kpe dati nɛ gɔ. Nɛ nde NWA Gale sɛ a wi kpe dati nɛ.”

Owi kpe dati 8:23 Iomraidhean Croise

Zumanɔ 10:16

Aa NWA Gale, mɔ a nwa 'da fala fai. Ogele winɔ wa fe sɛ vɛ̃, nɛ wa kumu sɛ kɔ lenɔ 'da wa.

Zumanɔ 149:2

Aa nɛ, obe Israɛlɛ, nɛ dɛ́ yangga, we kɛ wi dɛa nɛ, wi a NWA. Nɛ, owi kɔ le Sioni, nɛ té salangga, we kɛ nwa 'da nɛ, wi a a.

Ezai 33:22

Ofɛlɛnɔ kɛ Owi sɛnɛ lɛ wa kpo do bɛndɛlɛnɔ 'da wa ni, ma gɔnɔ sɛ, nɛ fo sɛ 'bɔ wala na, wa gbɔtɔ bɛndɛlɛnɔ 'da wa dɛ ngɔ bina. Do 'da fala ni, nɛ lɛ kɛ̃ sɛ sanga gba gili mɔ olo wa dɛ kɔ̃ lɛ vɛ̃. Gɛnɛ kɔ Owi 'dã nyanganɔ, nɛ wa kpa sɛ mɔ olo Owi sɛnɛ lɛ. NWA Gale a wi kpasa lɛ. A dungu sɛ nwa ngɔ lɛ, nɛ a gɔnɔ ngbangganɔ 'da lɛ.

Ezai 63:19

'Do nɛ nyɛlɛ wena, mɔ dɛ mɔ do lɛ ɔ nɛ kɛ mɔ a nwa ngɔ lɛ gɔ ni, nɛ lɛ ɔ́ nɛ kɛ lɛ a owinɔ 'da mɔ gɔ ni. Aa NWA, e kɔ mɔ gba sanga li nza hã mɔ zĩlĩ, nɛ okalanɔ ma tana sɛ kili dati mɔ.

2 KORINTƐ 1:24

Lɛ kɔ̃̀ na, lɛ hɛ̃lɛ̃ nɛ we kɔ̃ mɛnɔ kɛ ma wia na nɛ kɔ̃ ma ni hɛ̃lã gɔ, we kɛ lɛ ĩ na, kɔ̃a we 'da nɛ nganda ia. Nɛ lɛ kɔ̃a we dɛ toe do nɛ do tɛlɛ tɛ kɛ na, ma hã yangga hã nɛ.

1 PETRO 5:3

Nɛ nɛ tɛ bà tɛ nɛ ngɔ owinɔ kɛ Gale hã wa hã nɛ ni, ɔ nɛ kɛ nɛ a onwa ni gɔ. Nɛ nde nɛ bé wala hã wa do dia dɛa mɔ tɛ nɛ.

Owi kpe dati 10:18

Nɛ wa mba do ogã wi ngɔ wa, nɛ wa aka ngba wa na: “Wi kɛ a kpe sɛ dati lɛ we bi do Oamoni a wio nde? Wi kɛ a kpe sɛ dati lɛ ni, a hɔ sɛ nwa ngɔ owi ngɔ nù Galadɛ vɛ̃.”

Owi kpe dati 2:18

'Da fala kɛ NWA tombo wi kpe dati owinɔ 'da a ia, nɛ a yolo 'do a kɔ dungu nza 'da a vɛ̃, nɛ a kpasa Oisraɛlɛ tambala kɔ owi sɛnɛ wa. NWA kpasa obe Israɛlɛ, we duzu kɛ a zɔa ngamɛ kɛ owi sɛnɛ wa wa hã hã wa ni, nɛ a zila hia kɔ̃a 'da wa, nɛ a ĩ 'bako hã wa.

Owi kpe dati 8:22

Dɛ 'do nɛ, nɛ obe Israɛlɛ wa tɔ̃ hã Zedeoni na: “Ma wia na mɔ hɔ wi kpe dati lɛ. Kɔ 'da fala mɔ fe nde, nɛ be 'da mɔ do be yaa mɔ, wa dungu sɛ olo mɔ. We kɛ mɔ fua lɛ ti kɔ̃ Omadianɛ.”

1 SAMUƐLƐ 10:19

Wi a mi, Gale 'da nɛ, kɛ mi fua zi ongamɛnɔ, do 'bakonɔ 'da nɛ vɛ. Nɛ nde sɔɛ gɛ, nɛ bɛ̃a gɛnɛ mi, nɛ nɛ aka mi na, mi hã nwa hã nɛ. Ma a dia, kɔ nɛ mbá ngba nɛ, nu kpala nɛ do nu fɛlɛ kpo do kpo, nɛ nɛ hɔ dati mi NWA Gale.’ ”

1 SAMUƐLƐ 12:12

Nɛ nde 'da fala nɛ zɔa Nahasi, nwa ngɔ nù Amoni tɛ tɛ we bi nɛ do osodanɔ 'da a ni, nɛ nɛ bɛ̃a gɛnɛ NWA Gale na, a 'bɔ a nwa 'da nɛ gɔ. Nɛ nɛ tɔ̃a hã mi na: ‘Lɛ kɔ̃a gɛnɛ wele na, a ɔ nwa ngɔ lɛ.’