Owi kpe dati 8:2 - WE NU GALE 1995

² Nɛ Zedeoni gese na: “Mɛ mi dɛa gɛ mɛ a be mɔ sĩ iko, nɛ nde nɛ dɛ mɔ wena. Mɛ kɛ nɛ, owi nu kpala Efraimɛ nɛ dɛa ni, gɛnɛ kɔ ma ga sɔ 'bɔ gɔ, nɛ nde ma nɛa ngɔ kɛ lɛ owi nu fɛlɛ Abiezɛrɛ, lɛ dɛa ni.

Owi kpe dati 8:2 Iomraidhean Croise

Levitɛnɔ 19:9

“Fala kɛ nɛ kala kpalɛ li fɔnɔ 'da nɛ, nɛ nɛ tɛ sɛ̀lɛ̀ kpalɛnɔ kɛ nu ngbaka fɔɛ 'da nɛ ni gɔ. Nɛ nɛ te kpòlò 'bɔ tɛ nɛ we dɔlɔ tala kpalɛnɔ kɛ ma ala olo nɛ ni gɔ.

Tɔlɔ Mɔ 26:30

Nu kɔnggɔ Galadɛ, ma mba li obe zã Yezɛrɛ, Helɛkɛ, Asriɛlɛ, Sekɛmɛ, Sɛmida do Hefɛrɛ.

Owi kpe dati 6:11

Mbe tũ kpo, nɛ anzɛ 'da nwa nɛa kɔ le Ofra. A hɔa i mɔ, nɛ a dungu nù ti gba te sɛnɛ, tɛ ngɔ nùi 'da Yoasi, wi nu fɛlɛ Abiezɛrɛ. Nɛ be 'da Yoasi kpo, li a a Zedeoni, a zi tɛ zɛ kpalɛ ble. A dɛ zi ma tɛ fala kɛ wa kpĩlĩ do wala te vinɔɛ ni na, da dɛ kɔ Omadianɛ wa zɔ́ ma gɔ.

Owi kpe dati 6:34

'Da fala ni, nɛ Hi Wi 'da nwa le kɔ Zedeoni, nɛ a dama mɔtũlũ we sa mɔ hã owi nu fɛlɛ Abiezɛrɛ na, wa nɛ 'do a.

Owi kpe dati 8:1

'Do nɛ, nɛ Oefraimɛ wa tɔ̃ hã Zedeoni na: “Gulu kɛ mɔ dɛa lɛ 'danga ni we ge nde? Fala kɛ mɔ nɛa we bi do Omadianɛ, nɛ mɔ sà mɔ hã lɛ gɔ we ge nde?” Nɛ zã wa nɔ̃lɔ̃ dɛ tɛ̃ a wena.

Owi kpe dati 8:3

Mba gɔ, Gale 'dɔla Orɛbɛ do Zɛbɛ, ogã wi ngɔ Omadianɛ hã nɛ, nɛ nɛ gbɛa wa. Ki ni, ma nɛa ngɔ kɛ mi dɛa ni wena.” Owi nu kpala Efraimɛ wa zila ní, nɛ nɔ̃lɔ̃ zã 'da wa ma gbɛsɛ.