Owi kpe dati 8:11 - WE NU GALE 1995

¹¹ Zedeoni do osodanɔ 'da a wa ba wala kɛ owinɔ li gba zɔ̃ i wa si nɛ fai ni. Fala kɛ mɔ a kɔ le Noba do Yogboha, nɛ nde wala ni ma ba do si 'biti gba wese. Wa nɛa, nɛ wa hɔ dɛ 'da owinɔ li gba zɔ̃ɛ ni do gbanga nɛ, nɛ wa bi wa.

Owi kpe dati 8:11 Iomraidhean Croise

Tɔlɔ Mɔ 32:35

Atrɔtɛ-Sofanɛ, Yazɛrɛ, Yogbaha,

Tɔlɔ Mɔ 32:42

Do Sɔkpɔ nɛ vɛ̃, nɛ Noba bi le Kɛnatɛ, do obe lenɔ kɛ zã nɛ ni, nɛ a ba ma. Nɛ a ia li a wele nɛ dɛ zu le ni na, Noba.

1 TƐSALONIKƐ 5:3

'Da fala kɛ owele wa ma sɛ ngɔ tɔ̃ na: “Lɛ vɛ a dia iko, fo mɔ yɛkɛ lɛ bina” ni, nɛ ngamɔ ma gbanga sɛ wa nɛ́ kɛ zɛlɛ kula gbanga do wi zã ni, nɛ nde fo sɛ wala na wa yu ma bina.

Owi kpe dati 18:27

Nɛ Odanɛ wa la do kpikimanɔ kɛ Mika sɛa ni, do nganga 'da a, nɛ wa ba wala le Laisi, kɛ owi kɔ nɛ wa a wi gɛ̃a sila, nɛ ta zu wa ngɔ bolo bina ni. Odanɛ wa hɔa i mɔ, nɛ wa bi le, nɛ wa gbɛ winɔ kɔ nɛ, nɛ wa dɔ le 'da wa.

Owi kpe dati 8:10

Do ngba soe ni, nɛ nde Zeba, do Salmuna do osodanɔ 'da wa, wa zi a tɛ le Karkɔrɛ. Nɛ osodanɔ ni wa zi a winɔ kɛ wa ɔ li gba zɔ̃ si 'biti gba wese, nɛ wa 'bana zi osoda koto 'bu ngɔ wa mɔlɔ iko. Mba gɔ, osodanɔ 'da wa koto kama do 'bu wa bɔa wa fia li bole.

Owi kpe dati 8:12

Nɛ onwa 'da Omadianɛ bɔa ni, Zeba do Salmuna wa yu, nɛ Zedeoni do owinɔ 'da a, wa ndaka 'do wa gbaa, nɛ wa kala wa, nɛ ma vĩ zu osoda Madianɛ vɛ̃.

1 SAMUƐLƐ 15:32

'Do nɛ, nɛ Samuɛlɛ ba nu ɛ na, wa tɛ do Agagɛ, nwa ngɔ Oamalɛkɛ. Agagɛ tɛa, nɛ nde sila a gɛ̃a, we kɛ a lingga na, ngamɔ fio ma fua tɛ̃ ɛ ngɔ ɛ ia.

1 SAMUƐLƐ 30:16

Wi wili ni kpia ti Davidi gbaa, nɛ wa hɔ 'da Oamalɛkɛ i. Wa kpa wa, nɛ nde wa pɛsɛ do kɔ le vɛ̃, tɛ nyɔngɔ mɔ do nɔ dɔ̃. Wa tɛ dɛ gbalimɔ do gili mɛnɔ kɛ wa kala ngɔ nù Filisti do Yuda ni.