Owi kpe dati 8:10 - WE NU GALE 1995

¹⁰ Do ngba soe ni, nɛ nde Zeba, do Salmuna do osodanɔ 'da wa, wa zi a tɛ le Karkɔrɛ. Nɛ osodanɔ ni wa zi a winɔ kɛ wa ɔ li gba zɔ̃ si 'biti gba wese, nɛ wa 'bana zi osoda koto 'bu ngɔ wa mɔlɔ iko. Mba gɔ, osodanɔ 'da wa koto kama do 'bu wa bɔa wa fia li bole.

Owi kpe dati 8:10 Iomraidhean Croise

2 Onwanɔ 3:26

'Da fala nwa ngɔ nù Moabɛ nɛa we zɔ na, bole tia do ɛ do'do ni, nɛ a ngɛmɛ li osoda kama sambo do odu kɔya dɛ kɔ̃ wa, nɛ wa la si 'da nwa ngɔ nù Edɔmɛ, we nɛ we bi do a. Nɛ nde ma wè 'bɔ do wa gɔ.

2 Sakonɔ 13:17

Nɛ Abia do osodanɔ 'da a wa nɛa ngɔ osoda Israɛlɛ, nɛ wa gbɛa nga sodanɔ 'da wa koto kama mɔlɔ.

2 Sakonɔ 28:6

Nɛ li wese kpo kɔ bole ni, nɛ a gbɛa onga soda kɔ osoda Yuda koto kama do 'bu wa bɔa. NWA Gale kɔ̃a na a gbɛ wa ni, we kɛ wa bɛ̃a gɛnɛ a kɛ a a Gale 'da oyaa wa ni.

2 Sakonɔ 28:8

'Do nɛ, nɛ osoda Israɛlɛ wa kala wukonɔ do benɔ tɛ ngɔ nù Yuda koto kama bɔa, nɛ wa si do wa. Nɛ wa kala 'bɔ mɔ olo winɔ li bole dɛlɛ wena, nɛ wa si nɛ dɛ Samaria i.

Ezai 37:36

'Do nɛ, nɛ anzɛ 'da NWA nɛa tɛ fala ɔi 'da osoda Asiri, nɛ a gbɛ wa koto kama do 'bu wa ngbɛ'dɛ'dɛ ngɔ wa mɔlɔ. Nɛ fala sa do titole, nɛ Owi Yeruzalɛmɛ wa kulu ngɔ, nɛ wa gbanga wɔlɔ owinɔ ni vɛ̃ do li wa.

Ezai 9:4

We ma bɛlɛ sɛ mɔ nyanga owi sɛnɛ wa, kɛ wa ma do nùi nganda nɛ ge nde ni. Nɛ ma te sɛ 'bɔ tɛ tulu tɛ wa, kɛ tɔkɛ 'danga tɛ nɛ ni, nɛ ma ngutu sɛ vɛ̃.

Owi kpe dati 20:15

Wa tɔlɔ zi osodanɔ kɛ wa yula kɔ olenɔ 'da Obɛnzamɛ ni vɛ̃, nɛ nde wa zi a Owele koto 'bu wa bɔa ngɔ wa gazɛlɛ. Nɛ Owi Gibea, kɛ wa tɔlɔ zi wa kɔ owinɔ ni gɔ ni, wa zi a onga soda kama sambo.

Owi kpe dati 20:17

Nɛ tala onu kpala Israɛlɛ wa mba zi li onga sodanɔ 'da wa koto kama nalɛ.

Owi kpe dati 20:2

Tɛ fala mba li ngba wi 'da winɔ 'da Gale ni, ogã winɔ do owinɔ kɔ nu kpala Israɛlɛ, wa nɛa vɛ̃. Nɛ nde dɛ kɔ wa ni, onga sodanɔ kɛ wa ĩ ti bi bolo do du kɔya ni, wa zi koto kama nalɛ.

Owi kpe dati 20:35

Nɛ NWA vĩ zu Obɛnzamɛ li bole dati obe Israɛlɛ, nɛ do ngba soe ni, nɛ obe Israɛlɛ wa gbɛa osodanɔ 'da wa koto 'bu wa bɔa ngɔ wa mɔlɔ do kama kpo.

Owi kpe dati 20:46

Osoda Bɛnzamɛ kɛ wa fia li bole do ngba soe ni zi vɛ̃ a Owele koto 'bu wa bɔa ngɔ wa mɔlɔ. Winɔ ni zi vɛ̃ a onga soda bolo.

Owi kpe dati 6:5

Nɛ 'da fala kɛ wa nɛ zi we bi obe Israɛlɛ ni, nɛ wa kulu ngɔ do onadalamɛnɔ 'da wa, do tɔa tandenɔ do osamonɔ 'da wa, nɛ wa dɛlɛ do tɛlɛ tɛ kɛ na, wele wè tɛ tɔlɔ wa gɔ ni. Nɛ wa hɔ tɛ fala kpo ia, nɛ wa gbini ngɛɔɔ ɔ nɛ tia odɔla ni, nɛ wa 'danga mɛnɔ ngɔ nùi vɛ̃.

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

Owi kpe dati 7:13

Fala kɛ Zedeoni hɔa i mɔ, nɛ a zele gɛlɛ mbe wi wili kpo tɛ tɔ̃ nu yalɛ mɔ a hã ngba a na: “Mi yala zu mi tũi gɛ, nɛ mi zɔ kili mapa, wa dɛa ma do fũ ɔrzɛ, nɛ nde ma tɛ kimili dɛ fala ɔi 'da lɛ nga. Nɛ ma 'dɛnɛ mbe zã tɔa tande kpo, nɛ tɔa ni te, nɛ nyanga nɛ kala dɛ ngɔ.”

Owi kpe dati 7:22

Nɛ 'da fala kɛ obe Israɛlɛ kama talɛ ni, wa ma ngɔ dama mɔtũlĩ ni, nɛ NWA vĩ zu Omadianɛ, nɛ wa ma ngɔ gbɛ ngba wa dɛ sanga tɛ ngba wa do du kɔyanɔ 'da wa. Nɛ tala wanɔ kɛ wa fè gɔ ni, wa yu si 'biti le Sɛreda, nɛ wa hɔ gbaa tɛ Bɛtɛ-Sita, do Abɛlɛ-Mɛhola, dɔ̃ɔ do Tabatɛ.

Owi kpe dati 8:11

Zedeoni do osodanɔ 'da a wa ba wala kɛ owinɔ li gba zɔ̃ i wa si nɛ fai ni. Fala kɛ mɔ a kɔ le Noba do Yogboha, nɛ nde wala ni ma ba do si 'biti gba wese. Wa nɛa, nɛ wa hɔ dɛ 'da owinɔ li gba zɔ̃ɛ ni do gbanga nɛ, nɛ wa bi wa.