Owi kpe dati 7:8 - WE NU GALE 1995

⁸ Nɛ Zedeoni gisa tala winɔ ni, nɛ wa si vɛ̃ dɛ nu tɔa 'da wa. Nɛ a 'bana do osoda kama talɛ. Nɛ osodanɔ ni wa kala mbɔkɔ nyɔngɔmɛnɔ do mɔtũlũnɔ 'da wanɔ kɛ wa kpula tɛ wa ni. Do fala nɛ ni, nɛ nde Omadianɛ wa ɔa dɛ ti nyanga kala, nɛ obe Israɛlɛ wa 'dafa fala ɔi 'da wa do ngɔ kala i.

Owi kpe dati 7:8 Iomraidhean Croise

Ezai 27:13

Do ngba soe ni, wa dama sɛ gã mɔtũlũ, nɛ owinɔ kɛ wa pɛsɛ zi dɛ ngɔ nu Asiri do Ezipeto ni, wa si sɛ vɛ̃ dɛ kɔ le Yeruzalɛmɛ. Nɛ wa nɛ sɛ ngɔ kala kɛ ma santo we dɔnggɔ NWA.

Levitɛnɔ 23:24

a e mbula gɛ hã obe Israɛlɛ na: “Do zɛkɛ 'da sambo, kɔ nɛ kpo, mɛ sɛ a kɔ tũ ɔmɔ tɛ wi we duzu nɛ. Nɛ do ngba soe ni, nɛ nɛ mba sɛ ngba nɛ do zu li mi, nɛ nɛ zɛ nu nɛ hã mi do yangga, takɔ tɛ zu mi gba ngɔ nɛ fai.

Levitɛnɔ 25:9

Kɔ ma hɔ tɛ zɛkɛ 'da sambo, kɔ nɛ 'bu, kɔ kpo sabɛlɛ ni, nɛ mɛ sɛ a gã ngba soe fo ku'da 'dã mɛnɔ zu winɔ. Nɛ nɛ dɛ sɛ na, wa dama mɔtũlũ ngɔ nùi vɛ̃.

Tɔlɔ Mɔ 10:9

'Da fala nɛ sɛ a ngɔ nùi 'da nɛ, kɔ nɛ nɛ we bi do owi sɛnɛ nɛ, nɛ nɛ dama sɛ mɔtũlũnɔ, nɛ nɛ he hiamɔ bolo, sɛ a tɛ mi gba ngɔ nɛ de. Na mɛ ni, nɛ mi, NWA Gale 'da nɛ, mi kpasa sɛ nɛ ti kɔ owi sɛnɛ nɛ.

1 KORINTƐ 15:52

Ma hɔ ndɔti nùi, nɛ mɔtũlũ ma wele sɛ, nɛ ma dɛ sɛ lɛ ɔ nɛ gbini li ni, nɛ ofionɔ wa za'da sɛ nza kɔ fio do ti. Nɛ kili tɛ wa kɛ ma mbu mbulu ni, ma kifi sɛ kili tɛ wi kɛ ma mbúlú gɔ ni.

Yozue 6:20

Yozue tɔ̃a wenɔ ni vɛ̃ do'do, nɛ onganganɔ wa dama mɔtũlĩ, nɛ wa kpè hi wa gɔ. Owinɔ wa nɛa we zele ní, nɛ wa he gã hiamɔ bolo, nɛ ngboe gbini, nɛ wa le do ti, nɛ wa ba le Yeriko.

Yozue 6:4

Onganga sambo wa kala sɛ mɔtũlũ kpo kpo dɛ kɔ wa, nɛ wa kpe dati Sanduku Gba Tɔkɛ. Kɔ ma hɔ tɛ sambo tũi, nɛ nɛ vɛ̃ nɛ zĩ sɛ do 'do ngbo nu le fala sambo. Onganganɔ wa kpe sɛ dati Sanduku Gba Tɔkɛ, nɛ wa dama mɔtũlĩ. Nɛ nɛ nɛ 'do Sanduki.

Owi kpe dati 3:27

A hɔa ngɔ kalanɔ tɛ Efraimɛ i, nɛ a dama mɔtũlũ we mba li obe Israɛlɛ. Wa zila mɔtũlĩ, nɛ wa hɔ, nɛ a kpe dati wa, nɛ wa zĩlĩ kalanɔ.

Owi kpe dati 6:33

Omadianɛ, do Oamalɛkɛ, do owinɔ li gba zɔ̃ si 'biti gba wese, wa mba li ngba wa, nɛ wa kũ lì Yɔrdanɛ, nɛ wa 'dafa fala ɔi 'da wa ngɔ mbɛ nù Yizreɛlɛ.

Owi kpe dati 7:7

Nɛ NWA tɔ̃ hã Zedeoni na: “Mi dɛ sɛ na, mɔ nɛ ngɔ Omadianɛ do owinɔ 'da mɔ kama talɛ, kɛ wa sua lì dɛ nu wa ni, nɛ mi kpasa sɛ nɛ, obe Israɛlɛ. Kɔ mɔ tɔ̃ hã tala winɔ ni na, wa si.”

Owi kpe dati 7:9

Do tũi ni, nɛ NWA tɔ̃ hã Zedeoni na: “Mɔ kúlú ngɔ, hã mɔ zĩlĩ we bi Omadianɛ, we kɛ mi 'dɔla wa hã mɔ.