Owi kpe dati 7:22 - WE NU GALE 1995

²² Nɛ 'da fala kɛ obe Israɛlɛ kama talɛ ni, wa ma ngɔ dama mɔtũlĩ ni, nɛ NWA vĩ zu Omadianɛ, nɛ wa ma ngɔ gbɛ ngba wa dɛ sanga tɛ ngba wa do du kɔyanɔ 'da wa. Nɛ tala wanɔ kɛ wa fè gɔ ni, wa yu si 'biti le Sɛreda, nɛ wa hɔ gbaa tɛ Bɛtɛ-Sita, do Abɛlɛ-Mɛhola, dɔ̃ɔ do Tabatɛ.

Owi kpe dati 7:22 Iomraidhean Croise

1 Onwanɔ 19:16

'Do nɛ, nɛ mɔ nɛ, nɛ mɔ a nɔ zu Yehu, be 'da Nimsi, nɛ mɔ e a do nwa ngɔ nù Israɛlɛ. Nɛ mɔ a nɔ zu Elize, be 'da Safatɛ tɛ kɔ le Abɛlɛ-Mɛhola, nɛ mɔ e a do wi gba olo nu mi dɛ olo mɔ.

1 Onwanɔ 4:12

Baana, be 'da Ahiludɛ zi a wi fɔmɔ 'bili tɛ nù Tanakɛ, do Megido, do 'bili tɛ nù Bɛtɛ-Seanɛ vɛ̃. (Nɛ 'bili tɛ nù Bɛtɛ-Seanɛ ma lɛa zi ngbɛ ɛ do gã le Sartanɛ, tɛ 'do gã le Yizreɛlɛ, do si ba gɔtɔ. Nɛ ma nɛa gbaa, nɛ ma la le Abɛlɛ-Mɛhola do Yokneamɛ.)

2 Sakonɔ 20:23

Nɛ Oamoni do Omoabɛ wa si ngɔ ngba wa, nɛ wa bi Omoabɛ gbaa, nɛ wa gbɛ wa vɛ̃. 'Do nɛ, nɛ Oamoni do Omoabɛ wa gbɛ 'bɔ ngba wa dɛ sanga tɛ ngba wa.

Zumanɔ 83:9

Nɛ Oasiri wa mba 'bɔ li ngba wa do obe zã Lɔtɛ, we gala wa hã wa kpa ngawi.

Ezai 19:2

Nɛ NWA tɔ̃a na: “Mi nɛ 'danga sila wa dɛ tɛ ngba wa, nɛ wa bi sɛ bolo dɛ sanga wa. Onya wi wa gbɛ sɛ ngba wa, nɛ nu fɛlɛ kula bi ngbɛ ɛ do gele nu fɛlɛ kula. Onwanɔ ngɔ nùi ni, wa bi sɛ do ngba wa we wɛlɛ zu dɛa to nwa.

Ezai 9:3

Mɔ fua owinɔ 'da mɔ kɔ ngamɔ. Mɔ gbini sanga te ngbangboe, kɛ ma zɛlɛ zu 'baka wa ni. Mɔ 'bili sanga zufa, kɛ wa zɛ do wa ni. Mɔ kpasa wa ɔ nɛ kɛ mɔ kpasa zi 'bɔ wa do tũi mɔ ndaka do Omadianɛ ni.

Ezai 9:4

We ma bɛlɛ sɛ mɔ nyanga owi sɛnɛ wa, kɛ wa ma do nùi nganda nɛ ge nde ni. Nɛ ma te sɛ 'bɔ tɛ tulu tɛ wa, kɛ tɔkɛ 'danga tɛ nɛ ni, nɛ ma ngutu sɛ vɛ̃.

EZEKIƐLƐ 38:21

Nɛ ongamɔ kpi do kpi ma kpa sɛ mɔ, Gɔgɛ, nɛ ma hã sɛ kili hã mɔ wena. Mi NWA Gale, mi tɔ̃a ni. Nɛ zu sodanɔ 'da mɔ ma vĩ sɛ, nɛ wa gbɛ sɛ ngba wa.

HABAKUKƐ 3:14

Wa yu zi nganda ɔ nɛ gba bũ kamba ni we pɛsɛ lɛ, nɛ wa he zi hiamɔ yangga, we kɛ wa nɛ gbɛ Owi 'bakonɔ do usu nɛ. Nɛ nde mɔ NWA, mɔ ndɔla ogã wi ngɔ sodanɔ 'da wa do kpo kpo kpilinɔ 'da wa.

AZE 2:22

Nɛ mi nɛ a Onwanɔ ngɔ nùi gɛ vɛ̃ nù, nɛ mi fo ngawinɔ 'da wa kɔ̃ wa vɛ̃. Mi zɛ sɛ nyanga ngilingili nɛ bolonɔ ti ma, nɛ owi ba yinda nɛ wa ala sɛ do ma. Ombalatanɔ wa fe sɛ, nɛ zu Owi kũ mbalatanɔ ma vĩ sɛ, nɛ wa gbɛ sɛ ngba wa do nya wa.

ZAKARIA 14:13

Do 'da fala ni, nɛ NWA a dɛ sɛ na, kili ba wa nganda wena, nɛ zu wa vĩ, nɛ wele do wele siki li a dɛ tɛ ngba a we bi a.

2 KORINTƐ 4:7

Nɛ nde lɛ winɔ kɛ Gale ia gã kpamɛ 'da a kɔ lɛ ni, lɛ ɔ nɛ kpana iko ni. Nɛ ma be hã winɔ na, ngawi 'da lɛ kɛ ma nɛa ngɔ mɔ vɛ́ ni, ma yula 'da Gale, ma yòlò dɛ kɔ lɛ iko gɔ.

Yozue 3:16

nɛ ma la fala fo nɛ. Nɛ ma yula nù gbaa do ngɔ, tɛ le Adamɛ, kɛ ma dɔ̃ɔ do Sartanɛ ni. Na mɛ ni, nɛ lì kɛ ma fo dɛ ngɔ Ndɔ Fio si ba gɔtɔ ni, ma ɔ̃sã kpɛrr. Nɛ ma hã wala hã winɔ na, wa kũ lì Yɔrdanɛ dɔ̃ɔ do Yeriko do kula nyanga wa.

Yozue 6:16

Wa nɛa we zĩ 'do ngbo nu le fala sambo, nɛ onganganɔ wa dama mɔtũlĩ, nɛ Yozue tɔ̃ hã owinɔ na: “Nɛ hé hiamɔ bolo! NWA 'dɔlɔ le gɛ hã nɛ ia!

Yozue 6:20

Yozue tɔ̃a wenɔ ni vɛ̃ do'do, nɛ onganganɔ wa dama mɔtũlĩ, nɛ wa kpè hi wa gɔ. Owinɔ wa nɛa we zele ní, nɛ wa he gã hiamɔ bolo, nɛ ngboe gbini, nɛ wa le do ti, nɛ wa ba le Yeriko.

Yozue 6:4

Onganga sambo wa kala sɛ mɔtũlũ kpo kpo dɛ kɔ wa, nɛ wa kpe dati Sanduku Gba Tɔkɛ. Kɔ ma hɔ tɛ sambo tũi, nɛ nɛ vɛ̃ nɛ zĩ sɛ do 'do ngbo nu le fala sambo. Onganganɔ wa kpe sɛ dati Sanduku Gba Tɔkɛ, nɛ wa dama mɔtũlĩ. Nɛ nɛ nɛ 'do Sanduki.

1 SAMUƐLƐ 18:19

Kɔ do fala ma wia zi na, Saulo ba Merabɛ hã Davidi do kɛnɛ a ni, nɛ a ba a hã mbe wi wili tɛ kɔ le Abɛlɛ-Mɛhola, li a a Adriɛlɛ, nɛ nde a bà a hã Davidi gɔ.