Owi kpe dati 7:21 - WE NU GALE 1995

²¹ Nɛ wele do wele yula dɛ fala olo a dɛ nu ngba fala ɔi 'da Omadianɛ ni, nɛ wa zĩ ma takpa. Omadianɛ wa nɛa we zɔ ní, nɛ wa ma ngɔ he mɔ gboo, nɛ wa la do yu.

Owi kpe dati 7:21 Iomraidhean Croise

1 Onwanɔ 20:20

nɛ wele do wele ma ngɔ gbɛ soda Siri kɛ a tɛ dɛ ngu'du a ni. Kɔ osoda Siri wa zɔa ni, nɛ wa ma ngɔ yu nɛ, nɛ osoda Israɛlɛ wa ndaka 'do wa. Nɛ Bɛnɛ-Hadadɛ nɛa we zɔ ni, nɛ a kũ mbalata 'da a, nɛ a yu fala nɛ kpo do ombe soda kũ mbalatanɔ.

2 Sakonɔ 20:15

'Da fala Hi Wi 'da nwa lia kɔ Yaziɛlɛ ni, nɛ a he mɔ na: “Aa mɔ, nwa Yozafatɛ, do nɛ owi Yeruzalɛmɛ, do nɛ Oyuda, nɛ gɛ́ zala nɛ, hã nɛ zele we kɛ NWA Gale tɔ̃a hã nɛ gɛ. A na: ‘Kili tɛ bà nɛ gɔ. Nɛ nɛ tɛ dɛ̀ kili gba gili sodanɔ ni gɔ, we kɛ wi bi sɛ bole ni wi a nɛ gɔ, nɛ nde wi bi sɛ wi a mi Gale 'da nɛ.

2 Sakonɔ 20:17

Nɛ hɔ i mɔ, nɛ nɛ tɛ bì do wa gɔ. Nɛ yóló nù, nɛ nɛ 'bɔ we zɔ tɛlɛ tɛ kɛ mi nɛ bi ngɔ nɛ ni. Aa nɛ Oyuda, do Owi Yeruzalɛmɛ, nɛ tɛ dɛ̀ kili gɔ, nɛ nɛ tɛ yàkà tɛ nɛ gɔ. Bindɛ, nɛ nɛ nɛ́ we kpa ngba nɛ do wa, mi sɛ fala nɛ kpo do nɛ.’ ”

Kulu Tɔa 14:25

A dɛa na, kolo nyanga ngilingilinɔ 'da wa le nù, nɛ ma la zãa. Oezipeto wa nɛa we zɔ ní, nɛ wa zɛ nu wa na: “Lɛ yú, hã lɛ nyɛlɛ do obe Israɛlɛ, we kɛ NWA Gale tɛ bi bolo do lɛ zu wa.”

GBA WENƆ 28:1

'Dã wi yu wila wala, gɛnɛ kɔ wi ndaka 'do a bina. Nɛ nde wi bɔlɔ zu ɔ nɛ gbɔgbɔ ni, kili bá a gɔ.

Ezai 30:15

NWA, kɛ a a Gale santo 'da obe Israɛlɛ ni na: “Nɛ lá fala yɛnggɛ mba mba, nɛ dúngú fio. Nɛ kpóló tɛ nɛ dɛ 'da mi, nɛ mi hã sɛ ngawi hã nɛ, nɛ nɛ dɛ́ sɛ 'bɔ kili gɔ.” Nɛ nde nɛ kɔ̃̀ we dɛ na mɛ ni gɔ.

Ezai 30:7

Oezipeto wa ɔlɔ li obe Israɛlɛ na, lo gala sɛ wa. Gulu nɛ a mi ia li Oezipeto na: ‘Gba sɔ̃ sa'de kɛ a sulu wena.’ ”

OHEBRE 11:34

nɛ wa bi gba nyɛa we, nɛ wa kpasa li tɔ̃a nu bolonɔ kɛ Owele wa bi do wa ni. Wa zɛ́ do ngawi bina, nɛ nde wa kpa ngawi, nɛ tɛ wa hãsã li bolonɔ, nɛ wa nɛa ngɔ ogele sodanɔ.

Owi kpe dati 7:20

Nɛ tala ngɔ gili winɔ bɔa ni, wa nɛ zɔ na mɛ ni, nɛ wa dama tɛ mɛ 'bɔ mɔtũlũnɔ 'da wa, nɛ wa o sanga dakanɔ 'da wa. Nɛ wa vɛ̃ wa kala okãnɔ do gale kɔ̃ wa, nɛ wa kala mɔtũlũnɔ do ngawili kɔ̃ wa, nɛ wa he mɔ na: “Lɛ nɛ́, hã lɛ bi wa do zu li NWA Gale, do zu li Zedeoni!”