Owi kpe dati 7:2 - WE NU GALE 1995

² Nɛ nwa tɔ̃ hã Zedeoni na: “Osodanɔ 'da mɔ wa dɛlɛ wena, hã mi kɔ̃́ sɛ na, wa dɛlɛ nɛ ngɔ Omadianɛ gɔ. We kɛ ní gɔ, nɛ wa lengge sɛ na, wa nɛa ngɔ Owi sɛnɛ wa do ngawi 'da wa wele nɛ. Nɛ olo li kɛ na wa dɔnggɔ mi, nɛ wa dɔnggɔ sɛ tɛ wa wele nɛ iko.

Owi kpe dati 7:2 Iomraidhean Croise

Ndo Nyanga Dɛ Mɔ 46:2

Nɛ do tũi ni, nɛ Gale bia tɛ̃ ɛ hã a, nɛ a sa mɔ hã a na: “Yakɔbɔ, Yakɔbɔ.” Nɛ Yakɔbɔ gese na: “Mi kɛ!”

2 Sakonɔ 14:11

NWA zila ala nu 'da Asa, nɛ a ndaka osoda Etiopi, nɛ wa yu bole dati a do osoda Yuda.

Ezai 10:13

Mba gɔ, a dɔnggɔ tɛ̃ a na: “Mɛnɔ vɛ̃ gɛ, mi dɛa ma do ngawi 'da mi zu mi kpo, we kɛ mi nganda wena, nɛ mi do hã wena. Mi kũ ngɔ li ngbala nùnɔ 'da owinɔ, nɛ mi ba ma. Mi kala kpalɛnɔ wa usu ni, nɛ mi si do ma, nɛ mi ndaka Onwanɔ ngɔ kpongbo nwa 'da wa do'do.

Ezai 2:11

Do tũi ni, wi kɛ a ka mɔ do wali, nɛ a bili sɛ zu a nù, nɛ wi dɛ ngatɛ, a kpa sɛ sape. Owinɔ wa ĩ sɛ na, nwa zu a kpo a gã wi.

Ezai 2:17

Wi dɛ wali, a kpa sɛ sape, nɛ wi dɛ ngatɛ, a usu sɛ li a. Do kɔ̃ tũi ni, owinɔ wa ĩ sɛ na, NWA zu a kpo a gã wi.

Yeremi 9:23

Fala kɛ wele kɔ̃ we dɔnggɔ tɛ̃ ɛ, nɛ a dɔnggɔ tɛ̃ a na, ɛ ĩ ti mi NWA, nɛ ɛ ĩ na, kɔ̃a zã 'da mi dɛ 'da winɔ ma yɛ́kɛ́ tɛ̃ ɛ gɔ, nɛ mi kɔ̃a gbãlã we, do bɔlɔ zu dɛa mɔ. Ki ni a mɛnɔ kɛ ma de li mi NWA ni.”

EZEKIƐLƐ 28:17

Dia zagbãlã 'da mɔ hã wali hã mɔ, nɛ gã dɔ̃lɔ̃ li 'da mɔ ma 'danga gbãlã zã mɔ. Ma kɛ mi fi mɔ nù, nɛ mi ia mɔ nɛ́ mbisa we ni hã ogele nwanɔ.

EZEKIƐLƐ 28:2

“Mɔ, be 'da wele, mɔ nɛ́ 'da nwa kɔ le Tirɛ, nɛ mɔ mbese a do wenɔ kɛ mi NWA Gale, mi tɔ̃ hã a gɛ na: Mɔ, nwa kɔ le Tirɛ, mɔ hɔa wi wali, nɛ mɔ na, ɛ a gale, ɛ dungu ngɔ kpongbo nwa dɛ gbogbo gba lì ɔ nɛ gale ni. Nɛ nde ĩ na, mɔ a gale gɔ, mɔ a wele yala iko.

DANIƐLƐ 4:30

“Do kpo fala ni, nɛ wila we ni ma dɛa gbãlã we. Wa ndaka mi Nabukɔdɔnɔzɔrɛ sanga owinɔ, nɛ mi ma ngɔ nyɔngɔ wɔkɔsɔ ɔ nɛ ngɔmbɔ ni. Nɛ mbɔɛ 'bɔa tɛ mi, nɛ mili zu mi hɛ̃a, nɛ ma dulu ɔ nɛ sala tɛ ziki ni, nɛ oɛ̃lɛ̃ kɔ mi dulu 'bɔ, ɔ nɛ ɛ̃lɛ̃ kɔ̃ nɔɛ ni.

HABAKUKƐ 1:16

Wa zɔ gbandanɔ 'da wa li wa, ɔ nɛ gale 'da wa ni, nɛ wa gbɛ osa'de, nɛ wa dɔ fũ yɔmbɔ we dɔnggɔ do ma. We duzu kɛ gbandanɔ ni hã dia nyɔngɔmɔ hã wa dɛlɛ wena.

ZAKARIA 12:7

“Mi NWA, mi kpasa sɛ dati a nu fɛlɛ Yuda na, da dɛ kɔ obe zã Davidi do Owi Yeruzalɛmɛ wa kpá dɔ̃lɔ̃ li gã nɛ ngɔ tala owi ngɔ nù Yuda gɔ.

Tɔlɔ Mɔ 31:4

Nɛ sáká owi bolo koto kpo kɔ nu kpala obe Israɛlɛ kpo kpo.”

ROMA 11:18

Nɛ nde ma wè na, nɛ dɔnggɔ tɛ nɛ ngɔ gbakɔ̃ kɛ wa 'bili ma do'do ni gɔ. Mba gɔ, fo gulu dɔnggɔ tɛ nɛ bina, we kɛ gbakɔ̃ te dálá Hã te gɔ, nɛ nde Hã te a dala gbakɔ̃ nɛ.

ROMA 3:27

Kɔ ma ɔ na mɛ ni, nɛ gulu dɔnggɔ tɛ lɛ boe nde? Ma bina! Ma bina we ge nde? Lɛ nɛ dɔnggɔ tɛ lɛ, we kɛ lɛ dɛa mbula nde? Ɔ̃ ɔ̃! Gale kpásá wele we dɛ mbula gɔ, nɛ nde a kpasa wele we kɛ a kɔ̃a zu li Yezu Kristo ni.

2 KORINTƐ 4:7

Nɛ nde lɛ winɔ kɛ Gale ia gã kpamɛ 'da a kɔ lɛ ni, lɛ ɔ nɛ kpana iko ni. Nɛ ma be hã winɔ na, ngawi 'da lɛ kɛ ma nɛa ngɔ mɔ vɛ́ ni, ma yula 'da Gale, ma yòlò dɛ kɔ lɛ iko gɔ.

EFƐZƐ 2:9

Nɛ dɛ̀ to we nɛ dɛa, do kɛ wele dɔnggɔ tɛ̃ ɛ ngɔ nɛ gɔ.

Mbulanɔ 32:27

Nɛ nde mi wè tɛ dɛ na mɛ ni gɔ. Fala kɛ mi kumu wa, nɛ owi sɛnɛ wa wa to sɛ ngu'du wa na, lo a lo nɛa ngɔ wa do ngawi 'da lo.’

Mbulanɔ 8:17

Kɔ na mɛ ni, nɛ tɛ lènggè na, lo kpa dia dungi ni do ngawi 'da lo wele nɛ gɔ.

Mbulanɔ 8:18

Mi gba ta zu nɛ fai na, wi a NWA Gale 'da nɛ, a hã ngawi hã nɛ na, nɛ dungu do dia nɛ. Nɛ a dɛa 'bɔ na mɛ ni, we duzu kɛ a 'bana fala dɛ mbulu olo gba tɔkɛ kɛ a gba zi do oyaa nɛ ni. Nɛ a 'bana dɛ mbuli ni gbaa tia do sɔɛ gɛ.

ZAKE 4:6

Nɛ nde dia zã kɛ Gale do ma dɛ 'da lɛ ni, ma gã la 'dã wɔ kɔ sila lɛ. Mba gɔ, wa kɔma kɔ 'Buki na: “Gale bɛa gɛnɛ owi dɛ gã zu, nɛ a do dia zã dɛ 'da owinɔ wa ba tɛ wa dɛ nù ni.”

1 SAMUƐLƐ 14:6

Yonatanɛ tɔ̃a hã wi toe 'da a na: “Lɛ nɛ́ gbaa kɔ lɛ hɔ tɛ fala Ofilisti, kɛ wa a omanda'ba iko, wa ɔ nɛ ni. Mbe gɔ, nɛ NWA a gala sɛ lɛ. Gɛnɛ kɔ lɛ dɔ̃ gɔ, kɔ fala kɛ nwa kɔ̃ we gala lɛ, nɛ nde mɔ kɛ ma wia we amba na, a gala lɛ we nɛ ngɔ wi sɛnɛ lɛ ni bina.”