Owi kpe dati 7:14 - WE NU GALE 1995

¹⁴ Ngba a nɛa we zele ní, nɛ a gese na: “Kafi bina, mɛ mɔ yala ni, mɛ a gba du kɔya 'da be Israɛlɛ, li a a Zedeoni, be 'da Yoasi gɛ a ni. We kɛ Gale kɔ̃a we 'dɔlɔ lɛ hã a na, a gbɛ lɛ do osodanɔ 'da lɛ vɛ̃.”

Owi kpe dati 7:14 Iomraidhean Croise

YƆBƆ 1:10

Mɔ fɔ́mɔ́ a de wena gɔ nde? Ma ɔ nɛ kɛ mɔ zĩ ngbo dɛ tɛ̃ a, do nu fɛlɛ a, do tɛ kpamɛnɔ 'da a vɛ̃ zĩ ni. Mɔ wila nu mɔ tɛ dɛa toe 'da a, nɛ gili sa'denɔ 'da a, wa kpá ngɔ nù gɛ vɛ̃ gɔ nde?

Tɔlɔ Mɔ 22:38

Nɛ Balamɛ gese hã a na: “Mi kɛ! Nɛ nde mi nɛ tɔ̃ hã mɔ na ge nde? Mi nɛ tɔ̃ tati a owenɔ kɛ Gale a e sɛ ma dɛ nu mi ni iko.”

Tɔlɔ Mɔ 23:20

NWA tɔ̃a hã mi na, mi wele nu mi tɛ owinɔ gɛ. A wila nu a tɛ wa ia, mi wè tɛ kpolo mɔ kpo gɔ.

Tɔlɔ Mɔ 23:5

Nɛ NWA Gale tɔ́a we ma wia na Balamɛ wele ni, nɛ a ba nu a hã Balamɛ na, a kpolo tɛ̃ a dɛ 'da Balakɛ i.

Yozue 2:24

Wa na: “Do gbãlã we, nwa 'dɔlɔ nùi vɛ̃ hã lɛ. Winɔ i mɔ ni vɛ̃ wa do kili, nɛ fo wi kpãlã sila ɛ we yolo ti lɛ bina.”

Yozue 2:9

Nɛ a tɔ̃ hã wa na: “Mi ĩ na, NWA hã nùi 'da lɛ hã nɛ. Lɛ winɔ kɔ le gɛ, lɛ tana kili gbulu gbulu we nɛ, nɛ lɛ 'bɔ do ngawi bina.

Yozue 5:1

Onwanɔ ngɔ Oamori kɛ wa ɔ kulu lì Yɔrdanɛ si 'biti gɛ̃a wese, do onwa ngɔ Okanana kɛ wa zi tɛ nu gba lì Meditɛrane, wa zila we mɛ kɛ NWA dɛa na lì Yɔrdanɛ ɔ̃sɔ̃, takɔ obe Israɛlɛ wa kpa wala we kũ nɛ ni, nɛ sila wa gɔnɔ zurr, nɛ wa mbɔkɔ vɛ̃. Nɛ fo wi kpãlã sila ɛ we yolo ti obe Israɛlɛ 'bɔ bina.

Owi kpe dati 3:28

Nɛ a tɔ̃ hã wa na: “Nɛ tɛ 'do mi, we kɛ nwa 'dɔlɔ Owi sɛnɛ lɛ, Omoabɛ hã lɛ.” Wa nɛa do Ehudɛ, nɛ wa hɔ nu lì Yɔrdanɛ, nɛ wa ba nu kole kɛ Omoabɛ wa kũ nɛ we si dɛ kɔ le 'da wa i ni. Nɛ wi Moabɛ kpo wè zi 'bɔ tɛ kṹ lì Yɔrdanɛ gɔ.

Owi kpe dati 7:13

Fala kɛ Zedeoni hɔa i mɔ, nɛ a zele gɛlɛ mbe wi wili kpo tɛ tɔ̃ nu yalɛ mɔ a hã ngba a na: “Mi yala zu mi tũi gɛ, nɛ mi zɔ kili mapa, wa dɛa ma do fũ ɔrzɛ, nɛ nde ma tɛ kimili dɛ fala ɔi 'da lɛ nga. Nɛ ma 'dɛnɛ mbe zã tɔa tande kpo, nɛ tɔa ni te, nɛ nyanga nɛ kala dɛ ngɔ.”

Owi kpe dati 7:15

Zedeoni zila yalɛ 'da wi ni, do gulu nɛ kɛ ngba a tɔ̃a hã a ni, nɛ a bili zu a nù, nɛ a hã iɔ̃nae hã Gale. Nɛ a kpolo tɛ̃ a dɛ fala ɔi 'da obe Israɛlɛ i, nɛ a he mɔ na: “Nɛ kùlù ngɔ, we kɛ NWA 'dɔla osoda Madianɛ hã lɛ ia.”

1 SAMUƐLƐ 14:12

Nɛ wa tɔ̃ hã Yonatanɛ do wi toe 'da a na: “Nɛ tɛ́ dɛ 'da lɛ nga. Lɛ do we we tɔ̃ hã nɛ boe.” Yonatanɛ nɛa we zele ni, nɛ a tɔ̃ hã wi toe 'da a na: “Mɔ tɛ́ 'do mi, NWA 'dɔlɔ wa hã lɛ ia.”