Owi kpe dati 7:13 - WE NU GALE 1995

¹³ Fala kɛ Zedeoni hɔa i mɔ, nɛ a zele gɛlɛ mbe wi wili kpo tɛ tɔ̃ nu yalɛ mɔ a hã ngba a na: “Mi yala zu mi tũi gɛ, nɛ mi zɔ kili mapa, wa dɛa ma do fũ ɔrzɛ, nɛ nde ma tɛ kimili dɛ fala ɔi 'da lɛ nga. Nɛ ma 'dɛnɛ mbe zã tɔa tande kpo, nɛ tɔa ni te, nɛ nyanga nɛ kala dɛ ngɔ.”

Owi kpe dati 7:13 Iomraidhean Croise

1 KORINTƐ 1:27

Nɛ nde Gale saka mɛ kɛ owinɔ wa zɔ li wa ɔ nɛ yia mɛ ni, takɔ ma hã sape hã owi hã zãnɔ. Nɛ a saka mɛ kɛ winɔ wa zɔ li wa na, ma a mbɔkɔ ni, takɔ ma hã sape hã owi ngawinɔ.

Owi kpe dati 3:15

Obe Israɛlɛ wa zɔa ni, nɛ wa ala nu wa hã NWA Gale na, a gala lo. Nɛ a tumba wele kpo, li a a Ehudɛ na, a fo wa ti kɔ̃ nwa Egloni. Ehudɛ zi a be 'da Gera, wi nu kpala Bɛnzamɛ. A dɛ zi to do gale kɔ̃ a. Nɛ obe Israɛlɛ wa tumba Ehudɛ do dia mɔ we dɔnggɔ do Egloni, nwa ngɔ nù Moabɛ.

Owi kpe dati 3:31

Dɛ 'do nɛ, nɛ Samgarɛ, be 'da Anatɛ, dungu olo Ehudɛ. A gbɛa zi Ofilisti kama gazɛlɛ do 'bɛ̃lɛ̃ nu te kɛ wa kã do ongɔmbɔnɔ ni. Na mɛ ni, a kpasa zi 'bɔ obe Israɛlɛ ti kɔ̃ Owi sɛnɛ wa.

Owi kpe dati 4:21

Sisra mbɔkɔ zi wena, nɛ a tia do yala, nɛ yala nɛ ngɔ a wena. Yaɛlɛ nɛa we zɔ ní, nɛ a ba dɔnɔ, do 'bɛ̃lɛ̃ nu te kɛ wa bɛ̃lɛ̃ do tɔa tande 'da wa ni, nɛ a hala gɛɔ dɛ kɛ zã Sisra i, nɛ a e 'bɛ̃lɛ̃ nu te tɛ gulu zala a, nɛ a zɛ go'do nɛ. Nɛ 'bɛ̃lɛ̃ nu te ni le zu Sisra, nɛ ma sala, nɛ ma nda'da a do nù, nɛ a fe.

Owi kpe dati 4:9

Nɛ Debora gese na: “Mi kɔ̃a, mi nɛ sɛ do mɔ. Kɔ mi nɛ, nɛ nde li mɔ dɔ̃́lɔ̃́ sɛ kɔ bole ni gɔ, we kɛ NWA a e sɛ Sisra dɛ kɔ̃ wuko na, a nɛ ngɔ a.” Nɛ Debora kulu ngɔ, nɛ wa nɛ do Barakɛ tɛ Kedɛsi i.

Owi kpe dati 6:15

Nɛ Zedeoni tɔ̃ hã a na: “Nwa, mi nɛ dɛ fala kpasa obe Israɛlɛ nɛ nde? Nu fɛlɛ mi kɔ nu kpala Manase gɛ, ma ga gɔ. Nɛ mi 'bɔ a be 'do kɔ nu fɛlɛ kula 'da lɛ iko.”

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

Owi kpe dati 7:14

Ngba a nɛa we zele ní, nɛ a gese na: “Kafi bina, mɛ mɔ yala ni, mɛ a gba du kɔya 'da be Israɛlɛ, li a a Zedeoni, be 'da Yoasi gɛ a ni. We kɛ Gale kɔ̃a we 'dɔlɔ lɛ hã a na, a gbɛ lɛ do osodanɔ 'da lɛ vɛ̃.”

Owi kpe dati 8:10

Do ngba soe ni, nɛ nde Zeba, do Salmuna do osodanɔ 'da wa, wa zi a tɛ le Karkɔrɛ. Nɛ osodanɔ ni wa zi a winɔ kɛ wa ɔ li gba zɔ̃ si 'biti gba wese, nɛ wa 'bana zi osoda koto 'bu ngɔ wa mɔlɔ iko. Mba gɔ, osodanɔ 'da wa koto kama do 'bu wa bɔa wa fia li bole.