Owi kpe dati 7:12 - WE NU GALE 1995

¹² Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

Owi kpe dati 7:12 Iomraidhean Croise

1 Onwanɔ 20:27

Nɛ Akabɛ ngɛmɛ tɛ mɛ 'bɔ li osoda Israɛlɛ vɛ̃, nɛ a hã mɛnɔ vɛ̃ kɛ ma wia we gala wa ni hã wa, nɛ wa nɛ we kpa ngba wa do Owi sɛnɛ wa. Wa hɔa i mɔ, nɛ wa kɛ̃a sanga wa bɔa, nɛ wa dɛ fala ɔi 'da wa, nɛ ma ka mɔ dɛ li kɛ 'da osoda Siri. Nɛ nde osoda Israɛlɛ wa dɔ̀ zi gɔ. Wa ɔ zi dati osoda Siri nɛ odua wa mba ngba wa ngɔ gili bɔa ni. Ĩ na, gba gili osoda Siri wa kpa zi do fala ni vɛ̃.

Zumanɔ 3:1

Zuma 'da Davidi. A ga ma do 'da fala a yu be 'da a Absalɔmɛ ni.

Zumanɔ 33:16

Nwa kpo wè tɛ kpasa li bolo we duzu onga soda bolonɔ 'da a gɔ. Nɛ nga soda sí li bolo do lɔa tɛ̃ a we duzu ngawi 'da a gɔ.

Yozue 11:4

'Da fala Onwanɔ ni vɛ̃ wa kpa toe ni, nɛ wa le wala do gili osodanɔ 'da wa kɛ wa dɛlɛ ɔ nɛ gbãlã kɛnzɛ nu gba lì ni. Nɛ wa kala 'bɔ ogili ngilingili do ombalata we gbɔtɔ ma.

Owi kpe dati 6:3

Nɛ 'da falanɔ vɛ̃ kɛ obe Israɛlɛ wa mi zi kpalɛ li fɔnɔ 'da wa ni, nɛ Omadianɛ wa mba do Oamalɛkɛ, do winɔ kɛ wa ɔ li gba zɔ̃ si 'biti gba wese ni, nɛ wa nɛ, nɛ wa bi wa.

Owi kpe dati 6:33

Omadianɛ, do Oamalɛkɛ, do owinɔ li gba zɔ̃ si 'biti gba wese, wa mba li ngba wa, nɛ wa kũ lì Yɔrdanɛ, nɛ wa 'dafa fala ɔi 'da wa ngɔ mbɛ nù Yizreɛlɛ.

Owi kpe dati 6:5

Nɛ 'da fala kɛ wa nɛ zi we bi obe Israɛlɛ ni, nɛ wa kulu ngɔ do onadalamɛnɔ 'da wa, do tɔa tandenɔ do osamonɔ 'da wa, nɛ wa dɛlɛ do tɛlɛ tɛ kɛ na, wele wè tɛ tɔlɔ wa gɔ ni. Nɛ wa hɔ tɛ fala kpo ia, nɛ wa gbini ngɛɔɔ ɔ nɛ tia odɔla ni, nɛ wa 'danga mɛnɔ ngɔ nùi vɛ̃.

Owi kpe dati 7:13

Fala kɛ Zedeoni hɔa i mɔ, nɛ a zele gɛlɛ mbe wi wili kpo tɛ tɔ̃ nu yalɛ mɔ a hã ngba a na: “Mi yala zu mi tũi gɛ, nɛ mi zɔ kili mapa, wa dɛa ma do fũ ɔrzɛ, nɛ nde ma tɛ kimili dɛ fala ɔi 'da lɛ nga. Nɛ ma 'dɛnɛ mbe zã tɔa tande kpo, nɛ tɔa ni te, nɛ nyanga nɛ kala dɛ ngɔ.”

Owi kpe dati 8:10

Do ngba soe ni, nɛ nde Zeba, do Salmuna do osodanɔ 'da wa, wa zi a tɛ le Karkɔrɛ. Nɛ osodanɔ ni wa zi a winɔ kɛ wa ɔ li gba zɔ̃ si 'biti gba wese, nɛ wa 'bana zi osoda koto 'bu ngɔ wa mɔlɔ iko. Mba gɔ, osodanɔ 'da wa koto kama do 'bu wa bɔa wa fia li bole.

1 SAMUƐLƐ 13:5

Nɛ osoda Filisti wa mba tɛ mɛ 'bɔ ngba wa we bi bolo do obe Israɛlɛ. Wa do ongilingili bolo 'bu koto talɛ, owi kũ mbalata koto gazɛlɛ. Nɛ osodanɔ wa dɛlɛ zi nɛ kɛnzɛ nu lì ni. Wa nɛa, nɛ wa hɔ tɛ Mikmasi, le kɛ mɔ yolo Bɛtɛ-Avɛnɛ, nɛ nde ma si 'biti gba wese. Nɛ wa 'dafa fala ɔi 'da wa dɛ di ni.

1 SAMUƐLƐ 30:17

Nɛ Davidi do owinɔ 'da a wa bi wa, yolo titole gbaa, nɛ fala sa 'do nɛ we hɔ gɛ̃a wese, nɛ wa nɛa ngɔ wa. Nɛ wi yu tati a obe zagbãlã kama nalɛ, kɛ wa kũ dɛ li 'do osamo, nɛ wa yu do wa ni.