Owi kpe dati 7:1 - WE NU GALE 1995

¹ 'Da fala kpo, nɛ Zedeoni, kɛ mbe li a a Yɛrubalɛ ni, a kulu ngɔ do titole belee do osodanɔ 'da a, nɛ wa nɛ, nɛ wa 'dafa fala ɔi 'da wa dɔ̃ɔ do zu lì Harɔdɛ. Do ngba soe ni, nɛ Omadianɛ wa 'dafa tɛ mɛ 'bɔ fala ɔi 'da wa dɛ kɔ gbangɔlɛ̃ tɛ nyanga kala More. Fala ni, ma nyɛlɛ do zu lì Harɔdɛ gɔ. Mɔ yolo di ni, nɛ nde kala More do si gbãlã ngɔ.

Owi kpe dati 7:1 Iomraidhean Croise

Ndo Nyanga Dɛ Mɔ 12:6

nɛ wa kpa Okanana tɛ ngɔ nùi ni. Wa ba 'da nù Kanana ni gbaa, nɛ wa hɔ ti gba te sɛnɛ kɛ winɔ wa dɔnggɔ ogalenɔ ti nɛ ni. Te ni, ma zi tɛ mbe fala li nɛ a More, kɔlɔ dɔ̃ɔ do le Sikɛmɛ.

Ndo Nyanga Dɛ Mɔ 22:3

Fala sa titole belee, nɛ Abrahama kulu ngɔ, nɛ a gba gua we dɔ sɛ do dɔnggamɛ, nɛ a ɛnzɛ ma, nɛ a e li 'do punda, nɛ wa la do be 'da a Izaka, do mbe owi dɛa to bɔa. Nɛ wa la si tɛ fala kɛ Gale bia hã a ni.

Zumanɔ 83:9

Nɛ Oasiri wa mba 'bɔ li ngba wa do obe zã Lɔtɛ, we gala wa hã wa kpa ngawi.

WI LENGGE WE 9:10

Mɛnɔ vɛ̃ kɛ mɔ wia we dɛ ma ni, mɔ dɛ́ ma do ngawi 'da mɔ. Mba gɔ, le 'da ofionɔ kɛ mɔ la sɛ dɛ kɔ nɛ ni, owinɔ wa dɛ́ to i mɔ gɔ, nɛ wa 'bílí we gɔ. Fo wi hã zã do wi ĩ ti mɔ i mɔ bina.

Mbulanɔ 11:30

(Okalanɔ bɔa ni, ma si kulu lì Yɔrdanɛ, si 'biti gɛ̃a wese, tɛ ngɔ nùi 'da Okanana, kɛ wa ɔ kɔ gbangɔlɔ̃ lì Yɔrdanɛ ni. Nɛ ma kɔlɔ dɔ̃ɔ do ote sɛnɛnɔ kɛ wa dɔnggɔ ogalenɔ ti nɛ tɛ kɔ le More, kɛ ma ka mɔ dɛ Gilgalɛ i ni.)

Yozue 3:1

Fala sa titole belee, nɛ Yozue do obe Israɛlɛ wa kulu ngɔ tɛ Sitimɛ, nɛ wa la dɛ nu lì Yɔrdanɛ. Wa hɔa i mɔ, nɛ wa ɔ dɛ di ni we 'bɔ do 'da kɛ na wa kũ lì ni.

Yozue 6:12

Fala sa titole belee, nɛ Yozue kulu ngɔ, nɛ onganganɔ wa ba 'bɔ Sanduku Gba Tɔkɛ dɛ zu 'baka wa,

Owi kpe dati 6:32

Yolo do ngba soe ni, nɛ wa sa li Zedeoni na: “Yɛrubalɛ.” Gulu nɛ na: “E kɔ Bala bi bolo ngɔ kili tɛ̃ ɛ.” Wa saka li ni we duzu lɛnggɛ nu Yoasi kɛ a tɔ̃a na: “E kɔ Bala bí bolo ngɔ kili tɛ̃ a, we kɛ mɛ wa gbini ni, mɛ a gbagala 'da a” ni.

Owi kpe dati 6:33

Omadianɛ, do Oamalɛkɛ, do owinɔ li gba zɔ̃ si 'biti gba wese, wa mba li ngba wa, nɛ wa kũ lì Yɔrdanɛ, nɛ wa 'dafa fala ɔi 'da wa ngɔ mbɛ nù Yizreɛlɛ.

Owi kpe dati 6:40

Do tũi ni, nɛ Gale gese nu we 'da Zedeoni. Nɛ do titole, nɛ nde tati a sala bata ni ma 'bana do kula nɛ, nɛ kɛ zã nɛ ma 'bɔa do mbɔɛ vɛ̃.

Owi kpe dati 8:29

Zedeoni, be 'da Yoasi, si dɛ kɔ le 'da a i, nɛ a ɔ zi dɛ i mɔ.

1 SAMUƐLƐ 12:11

Nɛ Gale tumba Zedeoni, nɛ 'do nɛ nyɛla, nɛ a tombo Bedanɛ. 'Do a nɛ a tumba Yɛfte, nɛ Sɔkpɔ nɛ vɛ̃, a tumba mi Samuɛlɛ. A tumba lɛ na, lɛ kpasa nɛ ti kɔ̃ owi sɛnɛ nɛ, nɛ nɛ kpa dia dungu ngɔ nùi 'da nɛ

1 SAMUƐLƐ 29:1

Ofilisti wa ngɛmɛ li osodanɔ 'da wa vɛ̃ dɛ kɔ le Afɛkɛ. Nɛ nde obe Israɛlɛ wa 'dafa fala ɔi 'da wa tɛ nu be waya, dɔ̃ɔ do le Yizreɛlɛ.