Owi kpe dati 6:8 - WE NU GALE 1995

⁸ nɛ nwa tumba mbe wi gba olo nu a hã wa, nɛ a tɔ̃ hã wa na: “Nɛ zélé we nu NWA Gale kɛ a tɔ̃ hã nɛ obe Israɛlɛ gɛ. A na: ‘Mi kala zi nɛ ngɔ nù Ezipeto 'da fala kɛ nɛ zi a kɔ ngbá, nɛ mi fua nɛ dɛ nza.

Owi kpe dati 6:8 Iomraidhean Croise

2 Onwanɔ 17:13

NWA zɔa ní, nɛ a tombo owi gba olo nu a hã Oisraɛlɛ do Oyuda we mbese wa na, wa la fala 'dã dɛa mɔ tɛ wa, hã wa dɛ mbulanɔ kɛ ɛ Gale, ɛ hã zi ma hã oyaa wa, do kɛ ɛ hã 'bɔ ma hã wa do wala 'da Owi gba olo nu ɛ ni.

Zumanɔ 106:44

Nɛ NWA zila ala nui 'da wa, nɛ a zɔ 'bɔ zɛlɛ tɛ kɛ wa kpa ni.

Kulu Tɔa 13:14

Hã fala kɛ do 'do, hã obenɔ 'da nɛ wa aka nɛ na, nɛ dɛ ni we ge nde? Nɛ nɛ gese sɛ hã wa na, NWA do ngawi 'da a, kɛ ma nɛa ngɔ mɛnɔ vɛ̃ ni, a fua zi lo kɔ ngbá tɛ ngɔ nù Ezipeto.

Kulu Tɔa 13:3

Nɛ Mɔizɛ tɔ̃ hã obe Israɛlɛ na: “Ta zu nɛ tɛ èlè ngɔ kɔ̃ tũi gɛ gɔ! Mɛ a kɔ̃ tũ kɛ NWA Gale, a fua nɛ kɔ ngbá tɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃ ni. Fala kɛ nɛ dungu ɛngga we lengge kɔ̃ tũi ni, nɛ nɛ nyɔngɔ mapa kɛ wa à ina hana mapa tɛ nɛ gɔ ni.

Owi kpe dati 6:7

'Da fala kɛ obe Israɛlɛ wa ala nu wa hã nwa na, a fo lo ti kɔ̃ Omadianɛ ni,

Owi kpe dati 6:9

Mi fua zi nɛ ti kɔ̃ Oezipeto, do kɔ̃ owinɔ vɛ̃ kɛ wa zɛlɛ tɛ nɛ ni. Mi ndaka zi owi sɛnɛ nɛ dati nɛ, nɛ mi 'dɔlɔ le 'da wa hã nɛ.’

1 SAMUƐLƐ 10:18

Wa hɔa i mɔ, nɛ a tɔ̃ hã wa na: “NWA Gale 'da nɛ obe Israɛlɛ tɔ̃a na: ‘Mi a mi fua zi nɛ obe Israɛlɛ ngɔ nù Ezipeto dɛ nza. Nɛ mi fua zi 'bɔ nɛ ti nwa ngɔ nù Ezipeto, do ti onwa ngɔ ogele nùnɔ, kɛ wa hã zi ngamɔ hã nɛ ni.