Owi kpe dati 6:3 - WE NU GALE 1995

³ Nɛ 'da falanɔ vɛ̃ kɛ obe Israɛlɛ wa mi zi kpalɛ li fɔnɔ 'da wa ni, nɛ Omadianɛ wa mba do Oamalɛkɛ, do winɔ kɛ wa ɔ li gba zɔ̃ si 'biti gba wese ni, nɛ wa nɛ, nɛ wa bi wa.

Owi kpe dati 6:3 Iomraidhean Croise

Ndo Nyanga Dɛ Mɔ 25:6

Nɛ nde 'da fala kɛ a 'bana zi nza ni, nɛ a kɛ̃a mbe mɛnɔ hã obe zã ko 'donɔ 'da a. A dɛa ni do'do, nɛ a tombo wa na, wa la si dɛ ngɔ nùi si 'biti gba wese, nɛ wa ɔ dɛ di ni, sɛ a wa nyɛlɛ do be 'da a Izaka de.

Ndo Nyanga Dɛ Mɔ 29:1

Yakɔbɔ kúlú ngɔ, nɛ a la dɛ ngɔ nùi 'da owinɔ si 'biti gba wese i.

1 Onwanɔ 20:27

Nɛ Akabɛ ngɛmɛ tɛ mɛ 'bɔ li osoda Israɛlɛ vɛ̃, nɛ a hã mɛnɔ vɛ̃ kɛ ma wia we gala wa ni hã wa, nɛ wa nɛ we kpa ngba wa do Owi sɛnɛ wa. Wa hɔa i mɔ, nɛ wa kɛ̃a sanga wa bɔa, nɛ wa dɛ fala ɔi 'da wa, nɛ ma ka mɔ dɛ li kɛ 'da osoda Siri. Nɛ nde osoda Israɛlɛ wa dɔ̀ zi gɔ. Wa ɔ zi dati osoda Siri nɛ odua wa mba ngba wa ngɔ gili bɔa ni. Ĩ na, gba gili osoda Siri wa kpa zi do fala ni vɛ̃.

1 Onwanɔ 5:10

Salɔmɔ nɛa zi ngɔ owi hã zãnɔ tɛ Arabi, do tɛ Ezipeto vɛ̃.

YƆBƆ 1:3

A zi do onadalamɔ wena: obata koto sambo, osamo koto talɛ, ongɔmbɔ koto kpo, do opunda kama mɔlɔ. Nɛ a zi 'bɔ do Owi dɛa to dɛlɛ wena. A zi a gã wi kpamɔ, nɛ a nɛa ngɔ winɔ vɛ̃ tɛ si 'biti gba wese do kpamɔ.

YƆBƆ 31:8

nɛ e kɔ gele wele dungu sɛ ngɔ kpalɛnɔ 'da mi, tabi Owele wa 'danga sɛ mɔ li fɔ 'da mi vɛ̃.

Kulu Tɔa 17:8

Oamalɛkɛ wa nɛa, nɛ wa hɔ tɛ Rɛfidimɛ we bi obe Israɛlɛ.

Ezai 11:14

Wa mba sɛ li ngba wa, nɛ wa bi lenɔ 'da Ofilisti, kɛ ma ngɔ kalanɔ tɛ si 'biti gɛ̃a wese. Nɛ wa bi sɛ 'bɔ ni do owinɔ tɛ si 'biti gba wese, nɛ wa kala mɔ olo wa. Wa kala sɛ nùnɔ kɔ̃ Oedɔmɛ, Omoabɛ do Oamoni, nɛ wa e sɛ mbula ngɔ wa.

Ezai 62:8

NWA kpua mbulu hã owinɔ 'da a, nɛ do ngawi 'da a, a dɛ sɛ mbuli kɛ a kpua ma ni. A na: “Aa nɛ, owinɔ 'da mi, mi lá sɛ 'bɔ owi sɛnɛ nɛ na, wa nyɔngɔ Okpalɛnɔ kɛ nɛ mi ma ni gɔ. Nɛ ogele wi wa nɔ́ sɛ 'bɔ dɔnɔ kɛ nɛ dɛ ma ni gɔ.

Yeremi 49:28

NWA wila we dɛ ngɔ Oarabɛnɔ ngɔ nù Kedarɛ, do Hasɔrɛ, kɛ Nabukɔdɔnɔzɔrɛ, nwa ngɔ nù Babilonia nɛa zi ngɔ wa li bole ni na: “Nɛ nɛ́, hã nɛ bi Oarabɛnɔ, kɛ wa ɔ li gba zɔ̃ tɛ Kedarɛ i ni! Nɛ nɛ 'dángá mɛnɔ 'da wa vɛ̃.

EZEKIƐLƐ 25:3

Mɔ tɔ̃ hã wa na, wa zele we mi NWA Gale, mi tɔ̃ hã wa gɛ. Mi na: Nɛ, Oamoni, nɛ zɔa kɛ wa faka tɔa Tɛmpɛlo 'da mi, nɛ wa 'danga nùi 'da mi, nɛ wa kala owinɔ 'da mi la do wa kɔlɔ 'duli ni, nɛ nɛ dɛa yangga.

EZEKIƐLƐ 25:4

Kɔ we duzu ma, mi dɛ sɛ na, Owele wa yolo tɛ li gba zɔ̃ si 'biti gba wese, nɛ wa tɛ, nɛ wa ba nùi 'da nɛ. Wa 'dafa sɛ fala ɔinɔ 'da wa dɛ ngɔ nùi 'da nɛ, nɛ wa ɔ dɛ di ni. Wa nyɔngɔ sɛ wala tenɔ, nɛ wa nɔ lì bele nadalamɛnɔ 'da nɛ.

Levitɛnɔ 26:16

nɛ mi hã sɛ ngamɔ hã nɛ la li. Mi fi sɛ zɛlɛ kɛ ma é gɔ ni tɛ nɛ. Mi dɛ sɛ na, nga mbɔlɔ ma ba nɛ, nɛ ma 'danga gbali nɛ, nɛ ma yɔndɔ nɛ do'do. Nɛ nɛ mi sɛ fɔnɔ 'da nɛ, nɛ nde nɛ kpá sɛ mɔ olo nɛ gɔ Owi sɛnɛ nɛ wa kala sɛ Okpalɛnɔ 'da nɛ.

Mike 6:15

Nɛ mi sɛ Okpalɛnɔ 'da nɛ, nɛ nde nɛ kálá sɛ ma gɔ. Nɛ kpĩlĩ sɛ nɔ olivɛnɔ 'da nɛ, nɛ nde nɛ nyɔ́ngɔ́ sɛ nɔ nɛ gɔ. Nɛ ma sɛ owala te vinɔnɔ 'da nɛ we kpĩlĩ lì nɛ, we dɛ do dɔ́, nɛ nde nɛ nɔ́ sɛ dɔ́ nɛ gɔ.

Mbulanɔ 28:51

Wa kala sɛ onadalamɛnɔ, do kpalɛnɔ 'da nɛ, nɛ nɛ fe sɛ wɔ. Wa lá sɛ kpalɛ, tabi dɔ̃, nɔ, be ngɔmbɔ, be bata tabi be dua kpo hã nɛ gɔ. Na mɛ ni, nɛ nɛ fe sɛ vɛ̃.

Owi kpe dati 10:12

Osidoni, Oamalɛkɛ, do Omaoni vɛ̃, wa zɛlɛ zi tɛ nɛ, nɛ nɛ ala nu nɛ hã mi na, mi gala nɛ, nɛ mi fò zi nɛ ti kɔ̃ wa gɔ nde?

Owi kpe dati 3:13

Nɛ Egloni mba do Oamoni, do Oamalɛkɛ, nɛ wa bi obe Israɛlɛ, nɛ wa ba le Yeriko.

Owi kpe dati 6:2

Omadianɛ wa zɛlɛ tɛ obe Israɛlɛ wena. Nɛ obe Israɛlɛ wa yu, nɛ wa 'dafa fala ɔi 'da wa kɔ ta ngɔ kalanɔ, kɛ fala kũ ma nganda nɛ ge nde ni.

Owi kpe dati 6:33

Omadianɛ, do Oamalɛkɛ, do owinɔ li gba zɔ̃ si 'biti gba wese, wa mba li ngba wa, nɛ wa kũ lì Yɔrdanɛ, nɛ wa 'dafa fala ɔi 'da wa ngɔ mbɛ nù Yizreɛlɛ.

Owi kpe dati 6:4

Wa hɔ ngɔ nùi 'da obe Israɛlɛ, nɛ wa 'danga okpalɛ li fɔnɔ gbaa we kɔlɔ do nu ngba le Gaza. Nɛ wa lá mɔ kpo hã obe Israɛlɛ na wa nyɔngɔ gɔ. Nɛ wa kala 'bɔ obata, do ongɔmbɔ, do pundanɔ 'da wa vɛ̃.

Owi kpe dati 7:12

Nɛ nde Omadianɛ, do Oamalɛkɛ, do wanɔ kɛ wa yula li gba zɔ̃ i ni, wa pɛsɛ do nyanga kala ni vɛ̃ ɔ nɛ tia odɔla ni. Nɛ osamonɔ 'da wa wa dɛlɛ ɔ nɛ ogbãlã kɛnzɛ nu gba lì ni.

Owi kpe dati 8:10

Do ngba soe ni, nɛ nde Zeba, do Salmuna do osodanɔ 'da wa, wa zi a tɛ le Karkɔrɛ. Nɛ osodanɔ ni wa zi a winɔ kɛ wa ɔ li gba zɔ̃ si 'biti gba wese, nɛ wa 'bana zi osoda koto 'bu ngɔ wa mɔlɔ iko. Mba gɔ, osodanɔ 'da wa koto kama do 'bu wa bɔa wa fia li bole.