Owi kpe dati 5:8 - WE NU GALE 1995

⁸ Obe Israɛlɛ wa saka mbé ogale, nɛ bolo ma tia do ti. Obe Israɛlɛ kɛ wa a owi bi bolo ni, wa koto 'bu nɛ nalɛ, nɛ nde fo ngele do sɛlɛ kpo kɔ̃ wa bina.

Owi kpe dati 5:8 Iomraidhean Croise

Yeremi 19:4

Mi dɛ sɛ ni, we duzu kɛ Oyuda wa la fala mi, nɛ wa kifi fala gɛ, kɛ mɛ a fala 'da mi ni, nɛ ma hɔa gele mɔ do'do. Wa dɔa osa'de we dɔnggɔ ogele galenɔ, kɛ wa do oyaa wa, do onwa ngɔ wa wa ĩ̀ zi ti wa dati gɔ ni. Wa dɛa na, fala gɛ ma dunu do tɔkɔ tɛ Owele kɛ wa dɛ̃ 'dã mɔ gɔ ni.

Owi kpe dati 2:12

Wa bɛ̃a gɛnɛ NWA Gale 'da oyaa wa, kɛ a fua zi wa kɔ ngbá ngɔ nù Ezipeto i ni, nɛ wa gu nù ti gele galenɔ 'da winɔ kɛ zã wa ni, nɛ wa dɔnggɔ wa, nɛ ma nɔ̃lɔ̃ zã nwa dɛ tɛ wa.

Owi kpe dati 2:17

Nɛ nde obe Israɛlɛ wa zɔa owi kpe dati wa ni li wa yala. Nɛ wa bɛ̃ we nu NWA, nɛ wa dɔnggɔ gele galenɔ, nɛ wa gu nù ti wa. Ĩ na, oyaa wa wa dɛa zi olo nu NWA. Nɛ nde 'da kàlà gɔ, nɛ obe Israɛlɛ wa bɛ̃a we ba wala olo oyaa wa ni.

Owi kpe dati 4:3

Yabinɛ zi do ongilingili mɔ bolo kama kusi. Nɛ a zɛlɛ zi tɛ obe Israɛlɛ wena gbaa 'do 'bu sabɛlɛ bɔa. Nɛ obe Israɛlɛ wa zɔa ní, nɛ wa ala nu wa hã NWA na, a gala lo.

Owi kpe dati 5:11

Nɛ zélé gɛlɛ winɔ, kɛ wa mba li ngba wa tɛ nu 'denɔ ni. Wa kã onadalamɛnɔ 'da wa i mɔ, nɛ wa tɛ tɔ̃ we dia mɛ kɛ nwa dɛa ma we duzu ogã wi ngɔ lɛ, obe Israɛlɛ ni. Wa tɔ̃ tɛlɛ tɛ kɛ wa nɛa do ngɔ Owi sɛnɛ wa ni, nɛ owinɔ wa mba li ngba wa dɛ nu ngbo lenɔ 'da wa.

Owi kpe dati 5:7

Gã wi ngɔ obe Israɛlɛ zi bina, fo zi 'bɔ wi kpe dati wa bina. Ma ɔa ni gbaa we hɔ do ngba soe, kɛ mi Debora, mi hɔa, nɛ mi ɔ nɛ naa obe Israɛlɛ ni.