Owi kpe dati 5:6 - WE NU GALE 1995

⁶ Zi dati belee, do 'da fala 'da Samgarɛ, be 'da Anatɛ, gbaa we hɔ 'da fala 'da Yaɛlɛ, owi nɛ gɛnɛ wa bá zi do li gã wala ngɔ nù Israɛlɛ ni gɔ. Wa hɔ zi do obe wala zamɛnɔ ni iko.

Owi kpe dati 5:6 Iomraidhean Croise

2 Sakonɔ 15:5

Do ngba soe ni, wele wè zi tɛ kulu ngɔ we nɛ gɛnɛ gele fala, nɛ a kpolo tɛ̃ a do lɔa tɛ̃ a iko gɔ. Mba gɔ, do ngba soe ni owinɔ nù gɛ vɛ̃ wa hã zi ngamɔ hã ngba wa wena.

Zumanɔ 125:5

Nɛ nde owinɔ kɛ wa bɛ̃ we nu mɔ, nɛ wa ba 'dã walanɔ ni, mɔ hã́ etumbu hã wa fala nɛ kpo do Owi dɛ 'dã mɛnɔ. E kɔ obe Israɛlɛ wa kpa dia dungu!

Ezai 33:8

'Dã mɛnɔ ma dɔ wena, nɛ wele gɔ́nɔ́ 'bɔ wala gɔ. Nwa 'da Owi sɛnɛ wa 'danga dɛa na do wa do'do, nɛ a zɔ lenɔ 'da wa li a yala iko.

Yeremi 6:25

Nɛ wa tɔ̃ 'bɔ na: “Lɛ tɛ hɔ̀ nza gɔ, lɛ tɛ yɛnggɛ zamɔ gɔ, we kɛ Owi sɛnɛ lɛ wa kpa falanɔ ni vɛ̃, hã wa 'bɔ we gbɛ lɛ iko. Falanɔ vɛ̃ mɛ a kili do kili.”

ALA NU 1:4

Owala Sioni ma kpia vɛ̃ do'do, we kɛ fo 'bɔ wi ba do di ni, we nɛ ɛngga kɔ Tɛmpɛloe bina. Obe zɔnganɔ kɛ wa ga zi zumanɔ ni, wa mbɔka do'do, nɛ onganganɔ wa ala nu wa, nɛ wa he tɛ wa iko. Winɔ wa pɛsa ngɔ zandonɔ vɛ̃, nɛ le Sioni ma kifi olo tɔa do'do.

ALA NU 4:18

Owi sɛnɛ lɛ wa tɛ ngɛ'dɛ lɛ, nɛ fo wala yɛnggɛ yali ti lɛ bina. Kɔ̃ tũ fie 'da lɛ kɔla ia, tũ dungu nza 'da lɛ ia ia.

Levitɛnɔ 26:22

Mi tombo sɛ osa'de zamɔ na, wa tɛ hã wa gbɛ obenɔ 'da nɛ, nɛ wa kumu onadalamɛnɔ 'da nɛ. Nɛ nɛ 'báná sɛ dɛlɛ gɔ, nɛ Owele wa lá sɛ 'bɔ li wala 'da nɛ gɔ.

Mike 3:12

Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

Owi kpe dati 3:31

Dɛ 'do nɛ, nɛ Samgarɛ, be 'da Anatɛ, dungu olo Ehudɛ. A gbɛa zi Ofilisti kama gazɛlɛ do 'bɛ̃lɛ̃ nu te kɛ wa kã do ongɔmbɔnɔ ni. Na mɛ ni, a kpasa zi 'bɔ obe Israɛlɛ ti kɔ̃ Owi sɛnɛ wa.

Owi kpe dati 5:7

Gã wi ngɔ obe Israɛlɛ zi bina, fo zi 'bɔ wi kpe dati wa bina. Ma ɔa ni gbaa we hɔ do ngba soe, kɛ mi Debora, mi hɔa, nɛ mi ɔ nɛ naa obe Israɛlɛ ni.