Owi kpe dati 5:2 - WE NU GALE 1995

² Lɛ dɔ́nggɔ́ NWA! Obe Israɛlɛ vɛ̃ wa 'dafa tɛ wa we bi bole, wa hã tɛ wa, nɛ wa nɛ bole do sila wa kpo.

Owi kpe dati 5:2 Iomraidhean Croise

2 Sakonɔ 17:16

Nɛ Amasia, be 'da Zikri, a kpia dati onga soda koto kama bɔa. Amasia lia zi toe 'da nwa do sila a wele nɛ.

NEHEMIE 11:2

Wa wila nu wa tɛ owinɔ wa kɔ̃a do kɔ sila wa we ɔ Yeruzalɛmɛ i ni.

Zumanɔ 103:2

Mi dɔnggɔ NWA do sila mi vɛ̃, nɛ ta zu mi élé ngɔ dia zã 'da a gɔ.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

Zumanɔ 136:15

Nɛ a dɛa na, nwa ngɔ nù Ezipeto do osodanɔ 'da a wa bindi, kɔ̃a zã 'da a do ndɔti nɛ bina.

Zumanɔ 18:47

NWA a wele kpasi. Mi hã iɔ̃nae hã a, we kɛ a a wi amba zu mi. Ma wia na, wa be sako gã wi 'da Gale, we kɛ a a wi kpasa mi.

Zumanɔ 48:11

Dɔ̃lɔ̃ li 'da mɔ ma kpa ngɔ nù gɛ vɛ̃, owinɔ vɛ̃ wa dɔnggɔ sɛ mɔ. Mɔ dɛ sɛ to nwa 'da mɔ do bɔlɔ zu.

Zumanɔ 94:1

Aa nwa, mɔ a Gale bili nu gbã. Mɔ bílí nu gbã olo 'dã mɛnɔ, hã winɔ wa zɔ.

Zumanɔ 97:8

Aa NWA, owi Sioni wa zɛ kaliã, nɛ owi kɔ lenɔ ngɔ nù Yuda wa dɛ yangga, we duzu 'bili wenɔ 'da mɔ.

1 KORINTƐ 9:17

Kɔ ɔ do kɛ mi saka zi toe gɛ do tɛ mi, nɛ ma wia sɔ na wa futa mi do nɛ. Nɛ nde mi a mi sàkà ma gɔ, mɛ a toe kɛ Nwa hã hã mi, nɛ ma gɔa na mi dɛ ma iko.

2 KORINTƐ 8:12

We duzu kɛ 'da fala kɛ wele hã mɔ do dia sila, nɛ Gale kɔ̃ gɛnɛ ma, nɛ a lengge tati nɛ do mɛnɔ kɛ wele do ma ni, nɛ nde a lénggé do kɛnɔ wele do ma bina ni gɔ.

2 KORINTƐ 9:7

Kɔ ma wia na, wele do wele hã mbili ɔ nɛ kɛ a kɔ̃a do sila a dati Gale we hã ma ni. Nɛ a tɛ hã̀ ma do 'bako kɔ sila a, tabi we kɛ wa ngbɔkɔ a we nɛ ngbɔka gɔ. We duzu kɛ Gale kɔ̃a gɛnɛ wele kɛ a hã mɔ do yangga ni.

Mbulanɔ 32:43

“Aa nɛ, onu kɔnggɔnɔ, nɛ dɔ́nggɔ́ owinɔ 'da NWA. Gɛnɛ kɔ wi a wio nde, kɔ a gbɛ wa, nɛ NWA a bili sɛ nu gbã nɛ hã a. A hã sɛ etumbu hã owi sɛnɛ a, nɛ a fo sɛ ku'da 'dã mɔ zu owinɔ 'da a.”

Mbulanɔ 33:21

Owi nu kpala Gadɛ wa kpa dia nù wena. Wa kpa nù kɛ ma a mɔ́ gã wi ni. Wa kpa ngba wa do ogã wi nu kpala Israɛlɛ, nɛ wa dɛa linggamɛ 'da NWA vɛ̃, kɛ a lingga zi we dɛ do Israɛlɛ ni.”

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

FILEMƆ 1:14

Nɛ nde mi kɔ we dɛ ni do kɔ sila mi iko gɔ, kɔ mi aka mɔ dati sɛ nɛ de. Mi kɔ we hɛ̃lɛ̃ mɔ we dɛ de mɔ hã mi hɛ̃lã gɔ, nɛ nde mi kɔ̃a na, mɔ dɛ ma do kɔ sila mɔ iko.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 19:2

A 'bili we do bɔlɔ nɛ fai. A 'bili we dɛ zu gã wuko ndumba, kɛ a 'danga zi nùi gɛ do vĩ zu yɛli 'da a ni. A bili nu gbã tɔkɔ tɛ owi dɛa tonɔ 'da a hã wuke ni.”

Owi kpe dati 5:9

Nɛ nde di dɔ̃ ni, mi lengge onwa ngɔ osoda Israɛlɛ do yangga, nɛ mi 'bɔ do yangga we duzu wanɔ kɛ wa hã tɛ wa li bole do sila wa kpo ni. Lɛ dɔ́nggɔ́ nwa!