Owi kpe dati 5:10 - WE NU GALE 1995

¹⁰ Aa nɛ, ogã winɔ kɛ nɛ kũ ngɔ ofɛ̃a pundanɔ, tabi nɛ dungu ngɔ dia bunggu, tabi nɛ la do li gba walanɔ do nyanga nɛ ni, nɛ tɔ̃ sako dia mɛ kɛ NWA dɛa ma gɛ!

Owi kpe dati 5:10 Iomraidhean Croise

Zumanɔ 105:2

Nɛ gá zuma, nɛ nɛ zɛ́ biã we dɔnggɔ do a, nɛ nɛ tɔ̃ sako ɔngbamɛnɔ vɛ̃ a dɛa ni.

Zumanɔ 107:32

E kɔ wa tɔ̃ lɛnggɛ gã wi 'da a sanga owinɔ, e kɔ okpasa winɔ wa dɔnggɔ a kɔ mba li ngba wi 'da wa.

Zumanɔ 145:11

Wa tɔ̃ sɛ lɛnggɛ dɔ̃lɔ̃ li dɛa to nwa 'da mɔ, nɛ wa tɔ̃ 'bɔ sako gba mɛnɔ mɔ dɛa ni.

Zumanɔ 145:5

Mi dala sɛ nu mi tɛ tɔ̃ lɛnggɛ gã wi do dɔ̃lɔ̃ li 'da mɔ, nɛ ɔngbamɛnɔ 'da mɔ ma dɛ sɛ zuma nu mi.

Ezai 28:6

A dɛ sɛ na, owi 'bili wenɔ wa gɔnɔ ngbangganɔ do bɔlɔ nɛ ngboo, nɛ osodanɔ wa ɔ do ngawi we ndaka Owi sɛnɛ wa nu ngbo le 'da wa do'do.

Owi kpe dati 10:4

A zi do obulu be 'bu wa talɛ. Nɛ obenɔ ni wa zi a ogã wi ngɔ nù Galadɛ, nɛ wa zi vɛ̃ do pundanɔ 'da wa we kũ ngɔ wa boe. Wa 'bana tɛ sa li falanɔ ni gbaa tia do sɔɛ gɛ na lenɔ 'da Yairɛ.

Owi kpe dati 12:14

Abdoni zi do obe 'bu wa nalɛ, nɛ obe yaa a vɛ̃ wa zi 'bu wa talɛ, nɛ wa zi a ogã wi, nɛ wa zi vɛ̃ do pundanɔ 'da wa we kũ ngɔ wa boe. Mɛ a opunda 'bu nɛ sambo. Abdoni kpia dati obe Israɛlɛ 'do sabɛlɛ ngbɛ'dɛ'dɛ,