Owi kpe dati 4:9 - WE NU GALE 1995

⁹ Nɛ Debora gese na: “Mi kɔ̃a, mi nɛ sɛ do mɔ. Kɔ mi nɛ, nɛ nde li mɔ dɔ̃́lɔ̃́ sɛ kɔ bole ni gɔ, we kɛ NWA a e sɛ Sisra dɛ kɔ̃ wuko na, a nɛ ngɔ a.” Nɛ Debora kulu ngɔ, nɛ wa nɛ do Barakɛ tɛ Kedɛsi i.

Owi kpe dati 4:9 Iomraidhean Croise

2 Sakonɔ 26:18

Nɛ wa yolo dɛ dati a ni, nɛ wa tɔ̃ hã a na: “Aa nwa, mɔ wè tɛ dɔ fũ yɔmbɛ do tɛ mɔ hã NWA Gale gɔ, we kɛ mɛ a toe 'da onganganɔ, obe zã Aroni kɛ NWA Gale saka zi wa na, wa dɛ ma ni. Mɔ hɔ́ nza tɛ fala dɔnggɔ do NWA Gale do'do, we kɛ mɔ tɛ dɛ 'dã mɔ gbali a, nɛ ma hã́ sɛ dia dɔlɔ li hã mɔ gbali a gɔ.”

Owi kpe dati 2:14

Nɛ nwa zɔa ní, nɛ zã a nɔ̃lã dɛ tɛ wa obe Israɛlɛ. Nɛ a ia wa dɛ kɔ̃ owi 'danga mɔ na, wa 'danga mɛnɔ 'da wa. Nɛ owi sɛnɛ wa wa hɔa, nɛ wa linggi wa, nɛ wa bi wa. Nɛ nde obe Israɛlɛ wa wè zi tɛ yolo dati wa gɔ.

Owi kpe dati 4:8

Nɛ Barakɛ gese hã Debora na: “Mɔ kpé fala nɛ kpo do mi, sɛ nɛ mi nɛ nɛ de. Kɔ ni gɔ, nɛ nde mi nɛ́ sɛ gɔ.”

Owi kpe dati 9:53

nɛ mbe wuko kpo ba gba gbɛlɛ kili ta, nɛ a lo zu Abimelɛkɛ, nɛ ta ni o zu a.

Owi kpe dati 9:54

Nɛ Abimelɛkɛ sa mɔ hã be zagbãlã kɛ a 'be mɔ bi bole 'da a ni, nɛ a ba nu a hã a na: “Mɔ bá du kɔya 'da mɔ, hã mɔ dala do 'da mi, da dɛ kɔ owinɔ wa tɔ̃ sɛ na, mɛ a wuko hã a gbɛa mi gɔ.” Nɛ be zagbãlã ni ba du kɔya, nɛ a dumu Abimelɛkɛ, nɛ a gbɛ a.

1 SAMUƐLƐ 2:30

Kɔ ɔ nɛ kɛ mɔ dɛa ni ni, mɔ zélé we mi NWA Gale 'da nɛ obe Israɛlɛ, mi tɔ̃ hã mɔ gɛ: Mi tɔ̃a zi hã nu fɛlɛ kula 'da mɔ na, wa sɛ fai a onganganɔ 'da mi. Kɔ da dɔ̃ ni, mi tɔ̃ na, ma sɛ 'bɔ ni gɔ. Tua kɛ mi dɔnggɔ owanɔ kɛ wa dɔnggɔ mi ni, nɛ owanɔ wa zɔ mi yala ni, mi zɔ tɛ mɛ 'bɔ wa yala.