Owi kpe dati 4:7 - WE NU GALE 1995

⁷ Nɛ ɛ yɛkɛ sɛ sila Sisra, gã wi ngɔ osodanɔ 'da Yabinɛ na, a nɛ do ongilingilinɔ 'da a do osodanɔ 'da a dɛ nu lì tɛ Kisoni, takɔ a bi mɔ di ni. Nɛ ɛ hã sɛ ngawi hã mɔ, nɛ mɔ nɛ sɛ ngɔ a.”

Owi kpe dati 4:7 Iomraidhean Croise

1 Onwanɔ 18:40

Nɛ Elia tɔ̃ hã wa na: “Nɛ kálá Owi gba olo nu Bala vɛ̃, da dɛ kɔ wele kpo yú gɔ.” Wa nɛa we kala wa vɛ̃, nɛ Elia ba nu ɛ na, wa nɛ do wa tɛ nu fua lì Kisoni, kɔ wa 'bili gɛlɛ wa.

Kulu Tɔa 14:17

Nɛ mi dɛ sɛ na, Oezipeto wa dɛ nga zu. Nɛ wa le sɛ 'do nɛ tɛ olo wakala lì. 'Da fala ni, nɛ mi bi sɛ do wa, nɛ mi nɛ sɛ ngɔ nwa ngɔ nù Ezipeto, do osodanɔ, do ongilingilinɔ, do owi kũ ngɔ mbalatanɔ 'da a. Na mɛ ni, nɛ li mi ma dɔ̃lɔ̃ sɛ dɛ dati,

Kulu Tɔa 14:4

Nɛ mi NWA Gale, mi dɛ sɛ na, a dɛ nga zu, hã a ndaka 'do nɛ. Nɛ mi bi sɛ do a do osodanɔ 'da a, nɛ mi nɛ sɛ ngɔ wa, takɔ ma hã dɔ̃lɔ̃ li hã mi, sɛ a Oezipeto wa ĩ na, mi a NWA de.” Nɛ obe Israɛlɛ wa dɛa nɛ́ kɛ NWA tɔ̃a hã wa ni.

Kulu Tɔa 14:8

Obe Israɛlɛ wa la ngɔ nù Ezipeto, nɛ wa lingga na, lo hɔa nza kɔ ngbá ia. Nɛ nde NWA Gale dɛa na, nwa ngɔ nù Ezipeto dɛ nga zu, hã a ndaka 'do wa.

Kulu Tɔa 21:13

Fala kɛ wele 'dàfà linggamɔ we gbɛ ngbɛ ɛ gɔ, nɛ a gbɛ ngba a, nɛ nde a dɛ̃ do mbana gɔ, ki ni, a wia tɛ yu we usu tɛ̃ a tɛ fala kɛ mi be sɛ ma hã nɛ ni.

Yozue 10:8

Nɛ nwa tɔ̃ hã a na: “Tɛ dɛ̃ kili wa gɔ! Mi 'dɔlɔ sɛ wa hã mɔ. Wele kpo kɔ wa yóló sɛ dati mɔ gɔ.”

Yozue 11:20

Mba gɔ, NWA Gale dɛa zi na, owinɔ ni vɛ̃ wa ɔ do nga zu we bi do obe Israɛlɛ. Na mɛ ni, obe Israɛlɛ wa wè zi we ĩ 'bako hã wa gɔ. Ma hã wa kumu zi wa vɛ̃, ɔ nɛ kɛ NWA Gale do tɛ̃ a ba zi do nu a hã Mɔizɛ ni.

Yozue 11:6

Nɛ NWA Gale tɔ̃ hã Yozue na: “Mɔ tɛ dɛ̃ kili wa gɔ. We kɛ bindɛ do sa gɛ, nɛ mi 'dɔlɔ sɛ wa vɛ̃ hã nɛ obe Israɛlɛ. Nɛ mi gbɛ sɛ wa vɛ̃. Nɛ 'do nɛ, nɛ mɔ 'bili sɛ fɛlɛ nzabele nyanga mbalatanɔ 'da wa, nɛ mɔ fi we tɛ ongilingilinɔ 'da wa.”

Yozue 8:7

Do 'da fala ni, nɛ nɛ hɔ́ nza, nɛ nɛ ba le. We kɛ NWA Gale 'da lɛ hã le ni hã lɛ ia.

Owi kpe dati 4:14

Debora zila we nɛ, nɛ a tɔ̃ hã Barakɛ na: “Mɔ nɛ! NWA do tɛ̃ a, a a kpia dati mɔ. Sɔɛ gɛ a 'dɔlɔ sɛ Sisra hã mɔ.” Nɛ Barakɛ kulu ngɔ, nɛ a kpe dati osodanɔ 'da a kote 'bu ni, nɛ a zĩlĩ kala Tabɔrɛ do wa.

Owi kpe dati 4:8

Nɛ Barakɛ gese hã Debora na: “Mɔ kpé fala nɛ kpo do mi, sɛ nɛ mi nɛ nɛ de. Kɔ ni gɔ, nɛ nde mi nɛ́ sɛ gɔ.”

Owi kpe dati 5:21

Kisoni a ã gbɛlɛ fua lì zɛ́ belee, ma fua do Owi sɛnɛ lɛ si gɔtɔ. Kɔ lɛ nɛ́ bole do gbɛnga tɛ!

1 SAMUƐLƐ 24:10

Nɛ Davidi aka a na: “Aa nwa, gulu kɛ mɔ zele we nu winɔ wa tɔ̃ na, mi fa we dɛ 'dã mɔ do mɔ ni we ge nde?

1 SAMUƐLƐ 24:18

'Do nɛ, nɛ a tɔ̃ na: “Gbãlã we a mɔ mɔ, nɛ nde mi tia do we. Mɔ dɛa dia mɔ do mi, nɛ mi dɛa 'dã mɔ do mɔ.