Owi kpe dati 4:6 - WE NU GALE 1995

⁶ Mbe tũ kpo, nɛ Debora sa mɔ hã Barakɛ, be 'da Abinoamɛ na, a tɛ 'dɛ ɛ nga sɛ. Barakɛ a wi Kedɛsi, wi kɔ nu kpala Nɛftali. Barakɛ hɔa, nɛ Debora tɔ̃ hã a na: “NWA Gale 'da lɛ obe Israɛlɛ ba nu a hã mɔ na, mɔ kúlú ngɔ, hã mɔ nɛ, hã mɔ kala Owi wili koto 'bu kɔ nu kpala Nɛftali do Zabuloni, nɛ mɔ kũ do wa dɛ ngɔ kala Tabɔrɛ.

Owi kpe dati 4:6 Iomraidhean Croise

Zumanɔ 7:6

nɛ mɔ e Owi sɛnɛ mi, hã wa ndi 'do mi. Nɛ wa bá mi do tunu li mi, nɛ wa ma mi ti nyanga wa, nɛ wa gbɛ mi, nɛ wa gbɔtɔ wɔlɔ mi do zã 'bɛ̃tɛ̃.

Zumanɔ 89:12

Wele li nza do nùi a mɔ mɔ, mɔ a mɔ dɛa nyanga nza, nɛ mɔ 'bɔ a mɔ dɛa mɛnɔ li nù gɛ vɛ̃.

Zumanɔ 89:13

Mɔ a mɔ dɛa nùi vɛ̃, yolo gbãlã ngɔ we hɔ ba gɔtɔ. Kala Tabɔrɛ do Hɛrmoni ma dɛ yangga, nɛ ma dɔnggɔ dia zu li mɔ.

Yeremi 46:18

Mi, NWA ngɔ mɔ nyanga nza vɛ̃, mi a Nwa, nɛ mi a Gale wele kpasi. Wi sɛnɛ nɛ a tɛ sɛ we bi nɛ. A ɔ nɛ kala Tabɔrɛ, kɛ ma ngala nɛa ngɔ kalanɔ vɛ̃ ni. A ɔ nɛ kala Karmɛlɛ ngɔ gba lì ni.

OZE 5:1

NWA tɔ̃a na: “Aa nɛ, onganganɔ, nɛ zélé we gɛ! Nɛ nɛ, obe Israɛlɛ, do Owi nu fɛlɛ nwa, nɛ gɛ́ zala nɛ sɛ! Ma wia sɔ na, nɛ gɔnɔ wenɔ do bɔlɔ nɛ. Nɛ nde nɛ dɛa na, owinɔ 'da mi wa te kɔ 'dã mɔ. Nɛ ndɔa bili hã wa tɛ Mispa, nɛ nɛ fí gbanda hã wa tɛ ngɔ kala Tabɔrɛ.

Owi Nɛ Tonɔ 13:47

We kɛ Nwa Gale tɔ̃a zi hã lɛ na: ‘Mi ia zi mɔ do nyɛa we, sanga onu kɔnggɔnɔ ngɔ nù gɛ, takɔ wa vɛ wa kpasa do wala 'da mɔ.’ ”

OHEBRE 11:32

Mi nɛ tɔ̃ 'bɔ na ge nde? Mi wia sɔ we tɔ̃ 'bɔ we 'da Zedeoni, Barakɛ, Samsoni, Yɛfte, Davidi, Samuɛlɛ, tabi kɛ 'da ombe gele wi gba do nu Gale, nɛ nde fo fala bina.

Yozue 1:9

Mi ba nu mi hã mɔ na, mɔ kpã́lã́ sila mɔ, nɛ mɔ ɔ́ do ngawi. Mɔ tɛ mbɔ̀kɔ̀ gɔ, nɛ mɔ tɛ dɛ̃ kili gɔ, we kɛ mi NWA Gale 'da mɔ, mi sɛ do mɔ falanɔ vɛ̃ kɛ mɔ nɛ sɛ nɛ ni.”

Yozue 19:22

Nɛ li ngbala hɔa zi tɛ lenɔ gɛ: Tabɔrɛ, Sasaimɛ, Bɛtɛ-Semɛsi, nɛ ma Sɔkpɔ do nu lì Yɔrdanɛ. Ma mba zi vɛ̃ mɛ a ogã le 'bu ngɔ nɛ gazɛlɛ, do be lenɔ kɛ zã nɛ ni.

Yozue 19:32

Gazɛlɛ nùi kɛ wa ba do wala to zeke ni zi a mɔ́ nu kpala Nɛftali.

Yozue 19:35

Nɛ nde lenɔ kɛ wa dɛa zi gba ngbo zĩ ma takpa ni ma kɛ: Sidimɛ, Sɛrɛ, Hamatɛ, Rakatɛ, Kinerɛtɛ,

Yozue 19:37

Kedɛsi, Edrei, Ɛnɛ-Hasɔrɛ,

Yozue 21:32

'Do nɛ, nɛ wa kpa 'bɔ le talɛ ngɔ nùi 'da Nɛftali. Mɛ a olenɔ gɛ: Kedɛsi tɛ Galile, Hamɔtɛ-Dɔrɛ do Kartanɛ. Kedɛsi a le usu tɛ wi kɔ nɛ.

Owi kpe dati 4:10

Wa hɔa i mɔ, nɛ Barakɛ sa mɔ hã Owi nu kpala Nɛftali do Zabuloni. Nɛ owi wili koto 'bu wa kɔ̃a, nɛ wa kũ kala Tabɔrɛ do a. Nɛ Debora nɛa do wa.

Owi kpe dati 5:1

Do ngba soe ni, nɛ Debora do Barakɛ, be 'da Abinoamɛ, wa ga zuma na:

Owi kpe dati 6:35

Nɛ a tombo Owele ngɔ nùi 'da Manase vɛ̃, takɔ wa sa mɔ hã owi nu kpala a vɛ̃ na, wa nɛ 'bɔ 'do a. Nɛ a tombo 'bɔ mbe wele kɔ nu kpala Asɛrɛ, do Zabuloni, do Nɛftali. Nɛ wa tɛa, nɛ wa mba li ngba wa do a.

Owi kpe dati 8:18

Nɛ Zedeoni aka Zeba do Salmuna na: “Owinɔ kɛ nɛ gbɛa wa ngɔ kala Tabɔrɛ i ni, tɛlɛ tɛ wa ɔ zi nɛ nde?” Nɛ wa gese hã a na: “Wa wia zi kɔ̃ do mɔ wena, nɛ wa ɔ zi nɛ be mɔ́ nwa ni.”

1 SAMUƐLƐ 10:3

Mɔ la sɛ ni gbaa, nɛ mɔ hɔ sɛ ti te tɛ Tabɔrɛ, fala wa dɔnggɔ do Gale ni. Nɛ mɔ kpa sɛ Owele talɛ, wa nɛ tɛ fala dɔnggɔ do Gale tɛ kɔ le Betɛlɛ. Mbé kpo a tɛ gbɔtɔ obe dua talɛ, nɛ mbé nɛ do mapa talɛ dɛ kɔ a, nɛ wele kɛ talɛ a do daka dɔ́.

1 SAMUƐLƐ 12:11

Nɛ Gale tumba Zedeoni, nɛ 'do nɛ nyɛla, nɛ a tombo Bedanɛ. 'Do a nɛ a tumba Yɛfte, nɛ Sɔkpɔ nɛ vɛ̃, a tumba mi Samuɛlɛ. A tumba lɛ na, lɛ kpasa nɛ ti kɔ̃ owi sɛnɛ nɛ, nɛ nɛ kpa dia dungu ngɔ nùi 'da nɛ