Owi kpe dati 4:5 - WE NU GALE 1995

⁵ A 'bili zi we ti mbe 'bete kpo tɛ ngbala le Rama do Betɛlɛ, tɛ ngɔ kalanɔ tɛ Efraimɛ. Nɛ obe Israɛlɛ wa nɛ zi we aka a do wenɔ dɛ di ni. Nɛ wa sa zi li 'bete fala ni na: “'Bete 'da Debora.”

Owi kpe dati 4:5 Iomraidhean Croise

Ndo Nyanga Dɛ Mɔ 35:8

Nɛ Debora, wuke kɛ a dala zi Rebɛka ni fia, nɛ wa mi a dɔ̃ɔ do Betɛlɛ, dɛ ti te sɛnɛ kɛ wa sa zɛ́ li nɛ belee na: “Te sɛnɛ kɛ wa he kɔ̃a dɛ ti nɛ” ni.

Kulu Tɔa 18:13

Fala sa 'do ki ni, nɛ Mɔizɛ dungu nù we gɔnɔ wenɔ ngbala obe Israɛlɛ. Yolo do titole gbaa we hɔ gɛ̃a wese, nɛ nde owi ngbangganɔ wa tɛ tɛa fai we 'bɔ na, wa hɔ dati Mɔizɛ.

Kulu Tɔa 18:16

Fala kɛ wa kɔ̃ we 'dafa ngbala ngba wa olo kpawe nde, nɛ wa tɛ dati mi, nɛ mi gɔnɔ we ngbala wa ni. Olo nɛ, nɛ mi be ombulanɔ 'da Gale hã wa.”

Kulu Tɔa 18:19

Mɔ zélé mbula mi nɛ tɔ̃ hã mɔ gɛ, nɛ Gale a gala sɛ mɔ. Toe 'da mɔ, mɛ a nɛ dati Gale olo li winɔ, takɔ mɔ be gulu gã ngbangganɔ 'da wa hã a.

Kulu Tɔa 18:26

Nɛ tũ kpo kpo, owinɔ ni wa gɔnɔ wenɔ ngbala obe Israɛlɛ. Nɛ wa nɛ do ogã ngbangganɔ dati Mɔizɛ, nɛ obe kɛnɔ, wa zu wa kpo wa gɔnɔ ma.

Yeremi 31:15

NWA tɔ̃a na: “Wa zila gɛlɛ wuko kɔ le Rama, a tɛ zɛ nu a do kɔ̃a fio. Wi a Rasɛlɛ, hã a he kɔ̃a benɔ 'da a ni. A kɔ̃̀ na, owele wa dungu do ɛ, hã wa mbɔkɔ sila ɛ gɔ, we duzu kɛ benɔ 'da a wa fia vɛ̃.”

Yozue 16:2

Yolo tɛ le Betɛlɛ, nɛ ma la si tɛ le Luzɛ, nɛ ma la 'bɔ si tɛ le Atarɔtɛ kɛ Oarkɛ wa ɔ zi tɛ nɛ.

Yozue 18:22

Bɛtɛ-Araba, Sɛmaraimɛ, Betɛlɛ,

Yozue 18:25

Nɛ ma mba zi 'bɔ do olenɔ gɛ: Gabaoni, Rama, Bɛerɔtɛ,

Owi kpe dati 4:4

'Da fala ni, Debora, wuke 'da Lapidɔtɛ zi a wi 'bili we 'da obe Israɛlɛ, nɛ a zi 'bɔ a wi gba olo nu Gale.

1 SAMUƐLƐ 1:1

Mbe wi wili kpo, a ɔ zɛ́ kɔ le Rama, tɛ ngɔ nù Efraimɛ, nù kɛ ma do okalanɔ wena ni. Li wi wili ni a Ɛlkana. A a be 'da Yɛroamɛ, nɛ a a be yaa Tohu. Nɛ a a nu fɛlɛ kula 'da Sufɛ.

1 SAMUƐLƐ 1:19

Fala sa, do titole belee, nɛ Ɛlkana do nu fɛlɛ a, wa nɛ we dɔnggɔ NWA. Wa dɔnggɔ nwa do'do, nɛ wa si dɛ 'da wa tɛ Rama i. NWA zila sambala 'da Ana, nɛ a mba ngɔ te do wili a Ɛlkana,

1 SAMUƐLƐ 22:6

Mbe tũ kpo, nɛ Saulo zele na, wa zɔa Davidi do owinɔ 'da a. Do 'da fala ni, nɛ nde nwa Saulo tɛa dɛ kɔ le Gibea, nɛ a dungu nù do ngɔ kala dɛ ti gɔ̃lɔ̃ te. A 'bia sɛlɛ 'da a dɛ kɔ̃ a, nɛ Owi tonɔ 'da a vɛ̃ wa yula dɛ kɛ zã a ni.

1 SAMUƐLƐ 25:1

Do 'da fala ni, nɛ Samuɛlɛ fia. Nɛ obe Israɛlɛ vɛ̃ wa mba li ngba wa we ɔ ngɔ fio a. Wa mi a kɔ le 'da a tɛ Rama. 'Do nɛ, nɛ Davidi la dɛ li gba zɔ̃ Paranɛ.

1 SAMUƐLƐ 7:17

'Do nɛ, nɛ a si dɛ kɔ le Rama. I mɔ ni, a gɔnɔ tɛ mɛ 'bɔ we 'da obe Israɛlɛ. Nɛ Samuɛlɛ dɛa 'bɔ gbagala dɔ do sa'de, we dɔnggɔ do NWA Gale tɛ kɔ le Rama.