Owi kpe dati 4:4 - WE NU GALE 1995

⁴ 'Da fala ni, Debora, wuke 'da Lapidɔtɛ zi a wi 'bili we 'da obe Israɛlɛ, nɛ a zi 'bɔ a wi gba olo nu Gale.

Owi kpe dati 4:4 Iomraidhean Croise

2 Onwanɔ 22:14

Nɛ gã nwa nganga Hilkia, do Ahikamɛ, Akbɔrɛ, Safanɛ do Asaya, wa nɛa 'da mbe wuko kpo, wi gba olo nu Gale, li a a Hulda. Wuke ni ɔ zi kɔ le Yeruzalɛmɛ, tɛ mbé falanɔ wa gba ma ni, nɛ a zi a wuke 'da Salumɛ, be 'da Tikaya, nɛ a 'bɔ a be yaa Harasi. Salumɛ zi a wi zɔ mɔ tɛ tulunɔ kɛ onganganɔ wa he'de 'da fala dɛ sambala kɔ tɔa Tɛmpɛloe ni. Owinɔ nwa tumba wa ni wa nɛa, nɛ wa hɔ 'da Hulda i, nɛ wa tɔ̃ wenɔ kɛ ma la ni hã a.

NEHEMIE 6:14

Ma kɛ mi sambala na: “Aa Gale 'daa, da dɛ kɔ ta zu mɔ élé ngɔ mɛ Tobia, do Sanɛbalatɛ, do Noadia, wuko wi gba olo nu mɔ do bɛlɛ, do tala ogele wi gba olo nu mɔ do bɛlɛ, wa dɛa ni gɔ. We kɛ wa fa we a kili tɛ mi.”

Kulu Tɔa 15:20

'Do nɛ, nɛ Miriamɛ, wuke kɛ a gba olo nu Gale, nɛ a a boko nya Aroni ni, a ba dawaya 'da a, nɛ a yaka ma. Nɛ owuko Israɛlɛ vɛ̃ wa yɔa yɔla do 'da kɛ dawaya wele ni, nɛ wa nɛa 'do Miriamɛ.

EZEKIƐLƐ 13:17

Nɛ NWA tɔ̃ hã mi na: “Be 'da wele, mɔ zélé! Mɔ zɔ́ owuko Israɛlɛ kɛ wa tɔ̃ we mɛnɔ ma hɔ sɛ 'do nza, nɛ nde wa tɔ̃ tati a linggamɔ zu wa iko ni, nɛ mɔ dã́lã́ dɛ tɛ wa do zu li mi,

Mike 6:4

Mi fua zi oyaa nɛ kɔ ngbá tɛ Ezipeto i, nɛ mi si do wa, nɛ mi tumba zi Mɔizɛ, Aroni do Miriamɛ we kpe dati wa. Kɛ mi dɛa ni, ma dè gɔ nde?

LUKA 2:36

Do 'da fala ni, nɛ nde Ana, wuko wi gba olo nu Gale zi tɛ mɛ 'bɔ boe. A zi a be 'da Fanuɛlɛ, wi nu fɛlɛ Asɛrɛ, nɛ a dɛ zi gbɛlɛ wena. A ba zi wili kɔ be zɔnga tɛ̃ a, nɛ wa ɔa do wili a sabɛlɛ sambo iko,

Owi Nɛ Tonɔ 21:9

Nɛ a zi do obe zɔnga benɔ 'da a nalɛ, wa tɛ bà wili gɔ, nɛ wa gba zi olo nu Gale gba.

1 KORINTƐ 11:5

Kɔ fala kɛ wuko kpò tulu ngɔ zu a gɔ, kɔ a ma ngɔ sambala Gale, tabi a gba olo nu Gale 'da fala mba li ngba wi, nɛ nde a hã sape hã wili a kɛ a a nwa ngɔ a ni. A kpò tulu ngɔ zu a gɔ, nɛ nde a ɔ nɛ wuko kɛ wa kpula zu a do totoe ni.

GALATI 3:28

Na mɛ ni, fo 'bɔ gɔnɔ sanga tɛ ngba wi kɔ nɛ bina. Nɛ ɔ do be Yuda tabi gele wi, ngbá tabi wele le, wi wili tabi wuko, nɛ nde nɛ vɛ nɛ wia kɔ̃, nɛ nɛ hɔa wele kpo kɔ Kristo.

Owi kpe dati 4:3

Yabinɛ zi do ongilingili mɔ bolo kama kusi. Nɛ a zɛlɛ zi tɛ obe Israɛlɛ wena gbaa 'do 'bu sabɛlɛ bɔa. Nɛ obe Israɛlɛ wa zɔa ní, nɛ wa ala nu wa hã NWA na, a gala lo.

Owi kpe dati 4:5

A 'bili zi we ti mbe 'bete kpo tɛ ngbala le Rama do Betɛlɛ, tɛ ngɔ kalanɔ tɛ Efraimɛ. Nɛ obe Israɛlɛ wa nɛ zi we aka a do wenɔ dɛ di ni. Nɛ wa sa zi li 'bete fala ni na: “'Bete 'da Debora.”

Owi kpe dati 5:1

Do ngba soe ni, nɛ Debora do Barakɛ, be 'da Abinoamɛ, wa ga zuma na: