Owi kpe dati 4:3 - WE NU GALE 1995

³ Yabinɛ zi do ongilingili mɔ bolo kama kusi. Nɛ a zɛlɛ zi tɛ obe Israɛlɛ wena gbaa 'do 'bu sabɛlɛ bɔa. Nɛ obe Israɛlɛ wa zɔa ní, nɛ wa ala nu wa hã NWA na, a gala lo.

Owi kpe dati 4:3 Iomraidhean Croise

Zumanɔ 106:42

Na mɛ ni, wa kpa zɛlɛ tɛ ti kɔ̃ owi sɛnɛ wa, nɛ wa bili zu wa ti mbulanɔ 'da wa.

Zumanɔ 50:15

Nɛ dɛ na mɛ ni, nɛ do ngba soe ngamɔ, hã nɛ sa mɔ hã mi, nɛ mi kpasa sɛ nɛ, nɛ nɛ dɔnggɔ sɛ dɔ̃lɔ̃ li 'da mi.”

Zumanɔ 78:34

Nɛ 'da fala kɛ Gale gbɛa ombe sanga wa ni, nɛ otala wa wa kpula tɛ wa dɛ 'da a, nɛ wa gɔ gbaka wi kɔ̃ a.

Kulu Tɔa 2:23

Ma ɔa ni gbaa, nɛ nwa ngɔ nù Ezipeto fe. Nɛ nde obe Israɛlɛ wa zi tɛ bi tɛ wa do he mɔ, we duzu dɛa to ngbá kɛ wa dɛ ni. Nɛ Gale zila sa mɛ 'da wa, nɛ a kɔ̃ we gbaka wa.

Mbulanɔ 28:29

Do midi, nɛ nɛ tamba sɛ mɔ tu tu, ɔ nɛ owi ua li ni. Nɛ mɛnɔ kɛ nɛ 'dafa we dɛ ma ni, ma dé sɛ gɔ. Owele wa zɛlɛ sɛ tɛ nɛ, nɛ wa zũ sɛ mɛnɔ kɔ̃ nɛ vɛ̃, nɛ fo sɛ wi gala nɛ bina.

Mbulanɔ 28:33

Nɛ wa sɛ fɔnɔ 'da nɛ, nɛ nɛ mi kpalɛ li nɛ do zɛlɛ tɛ, nɛ ogele nu kɔnggɔ Owele wa nyɔngɔ sɛ ma olo nɛ. Nɛ dɛ sɛ to yala, nɛ wa zɛlɛ sɛ tɛ nɛ zɛla fai.

Yozue 17:16

Nɛ owi nu fɛlɛ Yozɛfu wa gese na: “Nùnɔ ngɔ kalanɔ ni ma ga gɔ, nɛ ma wé sɛ do lɛ gɔ. Nɛ nde Okanana kɛ wa ɔ tɛ mbɛ nùi do kɔ gbangɔlɛ̃ ni, wa do ongilingili kɛ wa dɛa do mɔ bolo. Nɛ wanɔ wa ɔ kɔ le Bɛtɛ-Seanɛ, do lenɔ kɛ zã nɛ, do wanɔ wa ɔ tɛ kɔ gbangɔlɔ̃ Yizreɛlɛ, wa vɛ̃ do ongilingili kɛ wa dɛa do mɔ bolo ni.”

Owi kpe dati 1:19

NWA zi fala nɛ kpo do wa, nɛ wa kala lenɔ ngɔ kala i ni. Nɛ nde wa wè zi tɛ ndaka winɔ kɛ lenɔ 'da wa ma ngɔ mbɛ nùi ni gɔ, we duzu kɛ winɔ ni wa zi do ongilingili bi bolo, kɛ wa dɛa do mɔ bolo ni.

Owi kpe dati 10:10

Wa nɛa we zɔ ní, nɛ wa ala nu wa hã NWA na, a gala lo. Nɛ wa tɔ̃ hã a na: “Aa NWA, lɛ dɛa 'dã mɔ dɛ 'da mɔ, nɛ lɛ bɛ̃a gɛnɛ mɔ, kɛ mɔ a Gale 'da lɛ ni, nɛ lɛ dɔnggɔ ogale Bala.”

Owi kpe dati 10:16

Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.

Owi kpe dati 3:15

Obe Israɛlɛ wa zɔa ni, nɛ wa ala nu wa hã NWA Gale na, a gala lo. Nɛ a tumba wele kpo, li a a Ehudɛ na, a fo wa ti kɔ̃ nwa Egloni. Ehudɛ zi a be 'da Gera, wi nu kpala Bɛnzamɛ. A dɛ zi to do gale kɔ̃ a. Nɛ obe Israɛlɛ wa tumba Ehudɛ do dia mɔ we dɔnggɔ do Egloni, nwa ngɔ nù Moabɛ.

Owi kpe dati 3:9

Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 4:13

nɛ a ngɛmɛ li ongilingili mɔ bolo kama kusi, do osodanɔ 'da a vɛ̃ dɛ Harosɛtɛ-Goimɛ. Nɛ wa yolo di ni, nɛ wa la dɛ nu lì Kisoni.

Owi kpe dati 4:4

'Da fala ni, Debora, wuke 'da Lapidɔtɛ zi a wi 'bili we 'da obe Israɛlɛ, nɛ a zi 'bɔ a wi gba olo nu Gale.

Owi kpe dati 5:8

Obe Israɛlɛ wa saka mbé ogale, nɛ bolo ma tia do ti. Obe Israɛlɛ kɛ wa a owi bi bolo ni, wa koto 'bu nɛ nalɛ, nɛ nde fo ngele do sɛlɛ kpo kɔ̃ wa bina.

Owi kpe dati 6:6

We duzu ki ni, ngawi 'da obe Israɛlɛ ma ia zi vɛ̃ balia Omadianɛ, nɛ wa ala nu wa hã NWA Gale na a gala lo.

1 SAMUƐLƐ 7:8

Nɛ wa tɔ̃ hã Samuɛlɛ na: “Mɔ tɛ là lɛ iko gɔ, kɔ mɔ 'bana aka NWA Gale 'da lɛ we duzu lɛ. Mɔ aka a na, a kpasa lɛ ti kɔ̃ Ofilisti.”