Owi kpe dati 4:16 - WE NU GALE 1995

¹⁶ Nɛ Barakɛ do owinɔ 'da a wa ndaka 'do ongilingilinɔ do osodanɔ 'da Sisra gbaa tɛ Harosɛtɛ-Goimɛ, nɛ wa gbɛ wa vɛ̃, nɛ wele kpo kpàsà gɔ.

Owi kpe dati 4:16 Iomraidhean Croise

Zumanɔ 104:35

E kɔ o'dã winɔ wa tɛ 'bànà ngɔ nù gɛ gɔ, nɛ wa, kɛ wa bɛ̃a gɛnɛ mɔ ni, wa kumu do'do. Mi nɛ dɔnggɔ NWA do sila mi vɛ̃! Aleluya, lɛ dɔnggɔ NWA fai!

Zumanɔ 83:10

Aa Gale, mɔ hã́ kpo kpo ngamɛ, kɛ mɔ hã zi hã Omadianɛ ni hã wa. Mɔ dɛ do wa ɔ nɛ kɛ mɔ dɛa zi do Sisra do Yabinɛ, tɛ nu lì Kisoni ni.

Zumanɔ 83:9

Nɛ Oasiri wa mba 'bɔ li ngba wa do obe zã Lɔtɛ, we gala wa hã wa kpa ngawi.

Kulu Tɔa 14:28

Nɛ lì nɛa ngɔ osodanɔ 'da nwa ngɔ nù Ezipeto, kɛ wa ndaka 'do obe Israɛlɛ ni, do ongilingilinɔ 'da wa, do owi kũ ngɔ mbalatanɔ vɛ̃. Nɛ wele kpo kɔ wa kpàsà gɔ.

Ezai 43:17

Nɛ a dɛa zi 'bɔ na, onga wi bolo wa kulu ngɔ do ombalata, do ongilingili, hã wa le 'dɔ lì. Nɛ wa tia, nɛ wa kùlù mbé nɛ ngɔ gɔ. Wa fia, nɛ wa bi ɔ nɛ kɛ nyɛa we mwinda bi ni.

ROMA 2:12

Winɔ kɛ wa ĩ̀ ti mbula 'da Mɔizɛ gɔ ni, wa fe, nɛ nde Gale 'bílí sɛ we 'da wa do 'da mbula ni gɔ. Nɛ nde owanɔ kɛ wa ĩ ti mbula ni ĩ ni, wa dɛ 'dã mɔ, nɛ mbula ni ma 'bili sɛ we 'da wa.

ZAKE 2:13

Wi kɛ a ĩ́ 'bako hã ngba a gɔ, kɔ Gale nɛ 'bili we 'da a, nɛ a ĩ́ sɛ tɛ mɛ 'bɔ 'bako hã a gɔ. Nɛ nde wi kɛ a ĩ 'bako hã ngba a, nɛ Gale a ĩ sɛ tɛ mɛ 'bɔ 'bako hã a, nɛ a té sɛ li ngbangga gɔ.

Yozue 10:10

Nɛ NWA dɛa na zu Oamori vĩ. Nɛ obe Israɛlɛ wa nɛa ngɔ wa dɛ Gabaoni ni, nɛ wa ndaka 'do wa tɛ kũ kala dɛ tɛ le Bɛtɛ-Horoni. Nɛ wa bi wa fai, nɛ wa kã wa gbaa we hɔ tɛ le Azeka do Makeda.

Yozue 11:8

Nɛ NWA Gale dɛa na, obe Israɛlɛ wa nɛ ngɔ owi sɛnɛ wa. Nɛ obe Israɛlɛ wa gbɛa wa, nɛ wa ndaka wanɔ si gbãlã ngɔ gbaa, we hɔ tɛ gã le Sidoni, do Misrɛfɔtɛ-Maimɛ. Nɛ wa ndaka 'bɔ wanɔ si 'biti gba wese, we hɔ tɛ kɔ gbangɔlɔ̃ lì Mispe. Wa gbɛa wa vɛ̃, nɛ wele kpo kɔ wa kpàsà gɔ.

Owi kpe dati 4:17

Nɛ Sisra yu gbaa dɛ nu tɔa tande 'da Yaɛlɛ, wuko 'da Hebɛrɛ. Mba gɔ, Yabinɛ, nwa tɛ Hasɔrɛ, dɛa zi na do nu fɛlɛ kula 'da Hebɛrɛ.

Owi kpe dati 4:2

NWA zɔa ní, nɛ a hã ngawi hã Yabinɛ na, a nɛ ngɔ wa. Yabinɛ zi a nwa ngɔ nù Kanana, nɛ a ɔ tɛ Hasɔrɛ. Nɛ gã wi ngɔ osodanɔ 'da a zi a Sisra, nɛ a ɔ zi tɛ Harosɛtɛ-Goimɛ.