Owi kpe dati 4:14 - WE NU GALE 1995

¹⁴ Debora zila we nɛ, nɛ a tɔ̃ hã Barakɛ na: “Mɔ nɛ! NWA do tɛ̃ a, a a kpia dati mɔ. Sɔɛ gɛ a 'dɔlɔ sɛ Sisra hã mɔ.” Nɛ Barakɛ kulu ngɔ, nɛ a kpe dati osodanɔ 'da a kote 'bu ni, nɛ a zĩlĩ kala Tabɔrɛ do wa.

Owi kpe dati 4:14 Iomraidhean Croise

Ndo Nyanga Dɛ Mɔ 19:14

Nɛ Lɔtɛ nɛa, nɛ a kpa owi wilinɔ kɛ wa kɔ̃a we ba benɔ 'da a ni, nɛ a tɔ̃ hã wa na: “Nɛ wɛlɛ tɛ nɛ dɔ̃ dɔ̃, hã nɛ hɔ nza kɔ le gɛ do'do, we kɛ NWA nɛ 'danga ma 'danga.” Nɛ owili kɛfɛnɔ 'da a ni, wa lingga na, Lɔtɛ fi gbɛlɛ gbɛsɛ iko.

Ndo Nyanga Dɛ Mɔ 44:4

Wa kulu ngɔ tɛ la nɛ, nɛ 'do wa tɛ nyɛ̀lɛ̀ wena gɔ, nɛ Yozɛfu tɔ̃ hã wi dɛa toe 'da a ni na: “Mɔ yú 'do wa, kɔ mɔ kpa wa nde, nɛ mɔ aka wa na: ‘Gulu kɛ nɛ gisa 'dã mɔ olo li de mɛ kɛ wa dɛa do nɛ ni we ge nde?

2 SAMUƐLƐ 5:24

Kɔ mɔ zele giti mɔ ɔ nɛ giti nyanga Owele tɛ la do zu tenɔ, nɛ mɔ bi wa do gbɛngɛ tɛ̃, we kɛ do 'da fala ni, nɛ nde mi tɛ kpe dati mɔ we bi osoda Filisti.”

Ezai 52:12

Ngangga ni, ma wè do kɛ na, nɛ la le Babilɔnɛ do gɔa nɔ tabi do kili gɔ. Mba gɔ, NWA Gale a kpe sɛ dati nɛ, nɛ a zɔ sɛ mɔ tɛ nɛ falanɔ vɛ̃.

Mike 2:13

Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

Mbulanɔ 9:3

Nɛ nde ma 'bana sĩ, nɛ nɛ zɔ sɛ NWA Gale 'da nɛ tɛ la do dati nɛ ɔ nɛ nyɛa we, kɛ ma bɛlɛ mɛnɔ vɛ̃ ni. A ndaka sɛ wa, nɛ a dɛ na, nɛ nɛ ngɔ wa. Nɛ ba sɛ nùi 'da wa, nɛ nɛ kumu wa do ti, ɔ nɛ kɛ NWA kpua do mbulu nɛ ni.

Yozue 10:8

Nɛ nwa tɔ̃ hã a na: “Tɛ dɛ̃ kili wa gɔ! Mi 'dɔlɔ sɛ wa hã mɔ. Wele kpo kɔ wa yóló sɛ dati mɔ gɔ.”

Yozue 7:13

Kɔ mɔ kúlú ngɔ, hã mɔ ba nu mɔ hã owinɔ na, wa fɔlɔ tɛ wa, we hɔ sa wi li mi. Nɛ wa 'dafa tɛ wa, we yolo sɛ dati mi bindɛ. Hã mɔ zélé we kɛ mi NWA Gale 'da nɛ obe Israɛlɛ, mi tɔ̃ hã nɛ gɛ! Nɛ, obe Israɛlɛ, mi hã zi mbula hã nɛ we 'danga mɛnɔ kɔ le Yeriko vɛ̃. Nɛ nde nɛ kala mbe mɛnɔ kɛ mi bɛ̃a zi na, nɛ tɛ kàlà gɔɛ ni. Kɔ fala kɛ nɛ 'dàngà omɛnɔ ni gɔ, nɛ nde nɛ wé sɛ we nɛ ngɔ owi sɛnɛ nɛ gɔ.

Owi kpe dati 19:28

Nɛ wili a tɔ̃ hã a na: “Mɔ kúlú ngɔ, hã lɛ la!” Nɛ nde a gésé we kpo gɔ. Nɛ wili a ba wɔlɔ a, nɛ a e ma ngɔ punda, nɛ a si do ma gbaa dɛ nu tɔa 'da a i.

Owi kpe dati 4:10

Wa hɔa i mɔ, nɛ Barakɛ sa mɔ hã Owi nu kpala Nɛftali do Zabuloni. Nɛ owi wili koto 'bu wa kɔ̃a, nɛ wa kũ kala Tabɔrɛ do a. Nɛ Debora nɛa do wa.

Owi kpe dati 7:9

Do tũi ni, nɛ NWA tɔ̃ hã Zedeoni na: “Mɔ kúlú ngɔ, hã mɔ zĩlĩ we bi Omadianɛ, we kɛ mi 'dɔla wa hã mɔ.

1 SAMUƐLƐ 9:26

Wa ɔa nù, nɛ ma nɛ hɔ titole belee, nɛ wa kulu ngɔ, nɛ Samuɛlɛ sa mɔ hã Saulo na: “Lɛ nɛ, kɔ mi la mɔ li wala i.” Saulo kulu ngɔ, nɛ wa la fala nɛ kpo do Samuɛlɛ.