Owi kpe dati 4:11 - WE NU GALE 1995

¹¹ Do 'da fala ni, nɛ nde Hebɛrɛ, be Keni, a nyɛ̀lɛ̀ zi do le Kedɛsi gɔ. Okeni wa zi a nu fɛlɛ Hobabɛ, masɛ̃ Mɔizɛ. Nɛ nde Hebɛrɛ la zi onya a Keninɔ, nɛ a zĩ tɔa tande 'da a tɛ ti te sɛnɛ tɛ Sananimɛ, dɔ̃ɔ do Kedɛsi.

Owi kpe dati 4:11 Iomraidhean Croise

Kulu Tɔa 18:1

Yetro, nganga ngɔ nù Madianɛ, kɛ a a kɛfɛ Mɔizɛ ni, a zila we mɛnɔ vɛ̃ kɛ NWA Gale dɛa hã Mɔizɛ do obe Israɛlɛ ni. Nɛ a zila 'bɔ tɛlɛ tɛ kɛ NWA fua owinɔ 'da a, obe Israɛlɛ ngɔ nù Ezipeto dɛ nza ni.

Kulu Tɔa 2:18

Nɛ oboko benɔ ni wa si, kɔ wa nɛa we hɔ 'da baa wa 'di, nɛ a aka wa na: “Nɛ si sɔɛ gɛ belee ni we ge nde?”

Kulu Tɔa 3:1

Mɔizɛ dala zi obata do oduanɔ 'da kɛfɛ a Yetro, kɛ a a nganga ngɔ nù Madianɛ ni. Nɛ mbe wese kpo, nɛ Mɔizɛ nɛa do osa'denɔ gbaa kulu li gba zɔ̃ 'di, takɔ wa nyɔngɔ mɔ. Nɛ a hɔa tɛ Horɛbɛ, kɛ mɛ a kala 'da Gale.

Tɔlɔ Mɔ 10:29

Mɔizɛ tɔ̃a hã Hobabɛ, be 'da kɛfɛ a Yetro, wi Madianɛ na: “Lɛ kɔa we nɛ dɛ tɛ nùi kɛ NWA tɔ́a na, ɛ hã sɛ ma hã lɛ ni. A kpua zi mbulu hã lɛ obe Israɛlɛ na, a hã sɛ odia mɔ hã lɛ. Kɔ mɔ kã́ lɛ, nɛ lɛ kɛ̃ sɛ sanga dia mɛnɔ a kɔa we hã ma hã lɛ ni do mɔ.”

Tɔlɔ Mɔ 10:32

Mɔ kã lɛ, nɛ lɛ kɛ̃ sɛ sanga dia mɛnɔ NWA nɛ hã sɛ hã lɛ ni do mɔ.”

Tɔlɔ Mɔ 24:21

'Do Oamalɛkɛ, nɛ a zɔ Okeni, nɛ a tɔ̃ na: “Nɛ, Okeni, fala ɔi 'da nɛ do ngɔ ta, nɛ ma do ngɔ ɔ nɛ tɔa nɔɛ ni.

Yozue 19:33

Lì ngbala kɛ si ba gɔtɔ yolo zi tɛ Helɛfɛ do ti gã te sɛnɛ tɛ Sananimɛ, nɛ ma la do Adami-Nekɛbɛ do Yabneɛlɛ, nɛ ma hɔ Lakumɛ, nɛ ma Sɔkpɔ tɛ lì Yɔrdanɛ.

Yozue 19:37

Kedɛsi, Edrei, Ɛnɛ-Hasɔrɛ,

Owi kpe dati 1:16

Okeni, obe zã kɛfɛ Mɔizɛ, wa kulu ngɔ tɛ Yeriko, kɛ li nɛ 'bɔ a “Le 'Bete” ni, nɛ wa mba fala nɛ kpo do Oyuda, nɛ wa la do wa dɛ li gba zɔ̃ Negɛvɛ, ngɔ nù Yuda. Wa hɔa i mɔ, nɛ wa nɛ tɛ mbe fala kpo, kɛ mɔ yolo Aradɛ, nɛ nde ma do si ba gɔtɔ, nɛ wa dɛ tɔa do winɔ dɛ di ni.

Owi kpe dati 4:12

Sisra nɛa we zele na Barakɛ, be 'da Abinoamɛ, kũ dɛ ngɔ kala Tabɔrɛ i,

Owi kpe dati 4:6

Mbe tũ kpo, nɛ Debora sa mɔ hã Barakɛ, be 'da Abinoamɛ na, a tɛ 'dɛ ɛ nga sɛ. Barakɛ a wi Kedɛsi, wi kɔ nu kpala Nɛftali. Barakɛ hɔa, nɛ Debora tɔ̃ hã a na: “NWA Gale 'da lɛ obe Israɛlɛ ba nu a hã mɔ na, mɔ kúlú ngɔ, hã mɔ nɛ, hã mɔ kala Owi wili koto 'bu kɔ nu kpala Nɛftali do Zabuloni, nɛ mɔ kũ do wa dɛ ngɔ kala Tabɔrɛ.

1 SAMUƐLƐ 15:6

'Do nɛ, nɛ a tombo to hã Okeni, owinɔ kɛ yaa wa dɛa zi dia mɔ do oyaa obe Israɛlɛ do 'da fala wa hɔa zi nza ngɔ nù Ezipeto ni, nɛ a tɔ̃ hã wa na: “Nɛ fó tɛ nɛ kɔ Oamalɛkɛ do'do, da dɛ kɔ mi gbɛ́ nɛ fala nɛ kpo do wa gɔ.” Okeni wa nɛa we zele ni, nɛ wa yu.

1 SAMUƐLƐ 27:10

'Da fala fai, nɛ Akisi aka Davidi na: “Winɔ nɛ bi wa sɔɛ gɛ a wio nde?” Nɛ Davidi ɔlɔ a na: “Lɛ bi owinɔ kɔ 'bili tɛ nù Yuda, si ba gɔtɔ.” Mbe ngba soe ki ni, nɛ a na: “Lɛ bi owinɔ kɔ 'bili tɛ nù Yɛramelɛ, si ba gɔtɔ.” Tabi na: “Lɛ bi owinɔ kɔ 'bili tɛ nù Keni, si ba gɔtɔ.”