Owi kpe dati 3:9 - WE NU GALE 1995

⁹ Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 3:9 Iomraidhean Croise

NEHEMIE 9:27

Ma kɛ mɔ 'dɔlɔ zi wa hã Owi sɛnɛ wa, nɛ wa hã zi ngamɔ hã wa. Nɛ kɔ ngamɛ 'da wa, wa hia dɛ 'da mɔ, nɛ yolo li nza ngɔ i, mɔ zila wala gɛlɛ wa. Nɛ we duzu kɔ̃a zã 'da mɔ kɛ ma gã la li ni, mɔ tumba owi kpe dati wa we fo wa kɔ ngbá 'da owi sɛnɛ wa do'do.

Zumanɔ 22:5

Oyaa lɛ wa gbini zi zã wa do mɔ, nɛ mɔ amba zi zu wa.

Zumanɔ 78:34

Nɛ 'da fala kɛ Gale gbɛa ombe sanga wa ni, nɛ otala wa wa kpula tɛ wa dɛ 'da a, nɛ wa gɔ gbaka wi kɔ̃ a.

Yozue 15:17

Nɛ Otniɛlɛ, be 'da Kɛnazɛ, kɛ a a hɔ dɛ 'do Kalɛbɛ ni, a ba le Kiriatɛ-Sefɛrɛ. Nɛ Kalɛbɛ hã be 'da a Akɛsa hã Otniɛlɛ, nɛ wa ba ngba wa.

Owi kpe dati 1:13

Nɛ Otniɛlɛ, be 'da Kɛnazɛ, kɛ a hɔa dɛ 'do Kalɛbɛ ni, a ba le Kiriatɛ-Sefɛrɛ. Nɛ Kalɛbɛ hã be 'da a Akɛsa hã Otniɛlɛ, nɛ wa ba ngba wa.

Owi kpe dati 10:10

Wa nɛa we zɔ ní, nɛ wa ala nu wa hã NWA na, a gala lo. Nɛ wa tɔ̃ hã a na: “Aa NWA, lɛ dɛa 'dã mɔ dɛ 'da mɔ, nɛ lɛ bɛ̃a gɛnɛ mɔ, kɛ mɔ a Gale 'da lɛ ni, nɛ lɛ dɔnggɔ ogale Bala.”

Owi kpe dati 2:16

NWA zɔa ni gbaa, nɛ a tombo owi kpe dati obe Israɛlɛ, takɔ wa kpasa wa ti kɔ Owi 'danga mɛnɔ ni.

Owi kpe dati 2:18

'Da fala kɛ NWA tombo wi kpe dati owinɔ 'da a ia, nɛ a yolo 'do a kɔ dungu nza 'da a vɛ̃, nɛ a kpasa Oisraɛlɛ tambala kɔ owi sɛnɛ wa. NWA kpasa obe Israɛlɛ, we duzu kɛ a zɔa ngamɛ kɛ owi sɛnɛ wa wa hã hã wa ni, nɛ a zila hia kɔ̃a 'da wa, nɛ a ĩ 'bako hã wa.

Owi kpe dati 3:15

Obe Israɛlɛ wa zɔa ni, nɛ wa ala nu wa hã NWA Gale na, a gala lo. Nɛ a tumba wele kpo, li a a Ehudɛ na, a fo wa ti kɔ̃ nwa Egloni. Ehudɛ zi a be 'da Gera, wi nu kpala Bɛnzamɛ. A dɛ zi to do gale kɔ̃ a. Nɛ obe Israɛlɛ wa tumba Ehudɛ do dia mɔ we dɔnggɔ do Egloni, nwa ngɔ nù Moabɛ.

Owi kpe dati 3:8

Nɛ zã NWA nɔ̃lɔ̃ dɛ tɛ wa, nɛ a la zi wa dɛ kɔ Kusanɛ-Risataimɛ, nwa ngɔ nù Mezopotami. Nɛ nwa ni ia mbula ngɔ wa 'do sabɛlɛ ngbɛ'dɛ'dɛ.

Owi kpe dati 4:3

Yabinɛ zi do ongilingili mɔ bolo kama kusi. Nɛ a zɛlɛ zi tɛ obe Israɛlɛ wena gbaa 'do 'bu sabɛlɛ bɔa. Nɛ obe Israɛlɛ wa zɔa ní, nɛ wa ala nu wa hã NWA na, a gala lo.

Owi kpe dati 6:7

'Da fala kɛ obe Israɛlɛ wa ala nu wa hã nwa na, a fo lo ti kɔ̃ Omadianɛ ni,

1 SAMUƐLƐ 12:10

Nɛ oyaa nɛ wa ala nu wa hã NWA na, a gala lo. Nɛ wa na: ‘Lɛ dɛa 'dã mɔ dɛ 'da mɔ, we kɛ lɛ bɛ̃a gɛnɛ mɔ. Nɛ lɛ sambala ogale sɛa tenɔ kɛ li wa a Obala, do gale wuke kɛ li a a Astarte. Kɔ mɔ kɔ, nɛ mɔ fo lɛ ti kɔ̃ owi sɛnɛ lɛ, nɛ lɛ dɔnggɔ sɛ mɔ.’