Owi kpe dati 3:8 - WE NU GALE 1995

⁸ Nɛ zã NWA nɔ̃lɔ̃ dɛ tɛ wa, nɛ a la zi wa dɛ kɔ Kusanɛ-Risataimɛ, nwa ngɔ nù Mezopotami. Nɛ nwa ni ia mbula ngɔ wa 'do sabɛlɛ ngbɛ'dɛ'dɛ.

Owi kpe dati 3:8 Iomraidhean Croise

Ndo Nyanga Dɛ Mɔ 24:10

Wi toe ni kala osamo 'bu, nɛ a saka mbe 'bɔ dia mɛnɔ 'da NWA 'da a, nɛ a la, nɛ a ba wala Aramɛ, le 'da Nahɔrɛ, kɛ mɔ yolo Mezopotami, nɛ nde ma do si gbãlã ngɔ ni.

Zumanɔ 106:41

Nɛ a la wa dɛ kɔ̃ ogele winɔ, nɛ Owi sɛnɛ wa wa ia mbula ngɔ wa.

Zumanɔ 129:1

Zuma ga li wala gɛnɛ we nɛ dɛ Yeruzalɛmɛ. Aa nɛ, obe Israɛlɛ, nɛ tɔ̃̀ tɛlɛ tɛ kɛ yolo do be tɛ nɛ, owi sɛnɛ nɛ wa zɛlɛ do tɛ nɛ ni, hã lɛ zele. Nɛ obe Israɛlɛ wa gese na:

Zumanɔ 44:12

Mɔ bia gole lɛ hã wa, ɔ nɛ kɛ wa be gole sa'de ni, nɛ mɔ pɛsa lɛ dɛ ngɔ ogele nùnɔ.

Zumanɔ 6:1

Zuma da Davidi

Zumanɔ 85:3

Mɔ fua ku'da 'dã mɛnɔ zu owinɔ 'da mɔ, nɛ mɔ ila 'dã mɛnɔ 'da wa vɛ̃.

Kulu Tɔa 22:24

“Fala kɛ nɛ e ku'da mbili zu nya nɛ, kɛ a a wi sà ni, nɛ nɛ tɛ dè do a ɔ nɛ kɛ nɛ a ogele wi ni gɔ. Da dɛ kɔ nɛ aka a na, a gésé mbili ni hã nɛ do kpa ngɔ nɛ gɔ.

Ezai 50:1

“Aa nɛ, owinɔ 'da mi, nɛ lengge na, mi bɛ̃a gɛnɛ nɛ, ɔ nɛ kɛ wi wili bɛ̃ do kɛnɛ ɛ ni nde? Nɛ mbɛti bɛ̃ ngba wi, kɛ mi dɛa hã nɛ ni, ma a ni do nde? Nɛ lengge wá na, mi bia gole nɛ na, nɛ hɔ ngbá, ɔ nɛ kɛ wele be do gole benɔ 'da a we gese do ku'da zu a ni nde? Ma ni gɔ! Wa kala nɛ, nɛ wa 'dɔlɔ nɛ, we duzu 'dã mɛnɔ 'da nɛ.

Levitɛnɔ 26:17

Mi e sɛ li mi ngɔ nɛ, nɛ nɛ te sɛ li bolo, nɛ owinɔ kɛ wa sɛnɛ nɛ ni, wa dungu sɛ ngɔ nɛ. Nɛ kili ma ba sɛ nɛ wena, do tɛlɛ tɛ kɛ na, nɛ yu iko, nɛ nde wele ndàkà 'do nɛ gɔ.

HABAKUKƐ 3:7

Mi zɔa owinɔ tɛ Kusanɛ, nɛ nde wa do 'bako, nɛ mi zɔ Owi ngɔ nù Madianɛ, nɛ nde wa tana kili.

ROMA 7:14

Lɛ ĩ na, mbula ma yula 'da Hi Wi 'da Gale, nɛ nde mi a wele, nɛ kifi tɛ mi a nù iko, nɛ wa bia gole mi, nɛ mi hɔa ngbá 'da 'dã mɔ.

Mbulanɔ 29:20

NWA a hã sɛ ngamɔ hã a, nɛ a fo sɛ a kɔ obe Israɛlɛ do'do. A dɛ sɛ ɔ nɛ kɛ fɔmba ngɔ yala gba tɔkɛ, kɛ wa kɔma ma kɔ 'buku mbula gɛ ma tɔ̃ ni.

Mbulanɔ 32:30

Gulu kɛ wele zu a kpo iko, nɛ a nɛ ngɔ obe Israɛlɛ kama kpo ni we ge nde? Nɛ gulu kɛ Owele bɔa, nɛ wa nɛ ngɔ obe Israɛlɛ koto kpo ni we ge nde? Mɛ a we duzu kɛ Gale 'da wa, kɛ a do nganda vɛ̃ ni, a la wa do'do.

Owi kpe dati 2:14

Nɛ nwa zɔa ní, nɛ zã a nɔ̃lã dɛ tɛ wa obe Israɛlɛ. Nɛ a ia wa dɛ kɔ̃ owi 'danga mɔ na, wa 'danga mɛnɔ 'da wa. Nɛ owi sɛnɛ wa wa hɔa, nɛ wa linggi wa, nɛ wa bi wa. Nɛ nde obe Israɛlɛ wa wè zi tɛ yolo dati wa gɔ.

Owi kpe dati 2:20

Ma kɛ sila NWA nɔ̃lã dɛ tɛ wa, nɛ a tɔ̃ na: “Mi ba zi nu mi hã oyaa nɛ na, wa dɔnggɔ gba tɔkɛ kɛ mi gba zi do wa ni. Nɛ nde nɛ, obe zã wa, nɛ 'danga gba tɔkɛ ni do'do, we duzu kɛ nɛ zèlè we nu mi gɔ.

Owi kpe dati 3:10

Hi Wi 'da NWA lia kɔ Otniɛlɛ, nɛ a hɔa wi kpe dati obe Israɛlɛ. A nɛa, nɛ a bi do nwa Kusanɛ-Risataimɛ, nɛ NWA Gale hã ngawi hã a, nɛ a nɛ ngɔ nwa ni.

Owi kpe dati 3:7

Obe Israɛlɛ wa dɛa zi mɔ kɛ ma dè tɛ NWA Gale 'da wa gɔ ni. Ta zu wa ele ngɔ Gale 'da wa, nɛ wa dɔnggɔ ogale Bala do Asera.

Owi kpe dati 3:9

Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 4:9

Nɛ Debora gese na: “Mi kɔ̃a, mi nɛ sɛ do mɔ. Kɔ mi nɛ, nɛ nde li mɔ dɔ̃́lɔ̃́ sɛ kɔ bole ni gɔ, we kɛ NWA a e sɛ Sisra dɛ kɔ̃ wuko na, a nɛ ngɔ a.” Nɛ Debora kulu ngɔ, nɛ wa nɛ do Barakɛ tɛ Kedɛsi i.

1 SAMUƐLƐ 12:9

Nɛ nde oyaa nɛ wa nɛa we hɔ kɔ ngbá do'do, nɛ ta zu wa ila ngɔ NWA Gale 'da wa. Gulu nɛ hã Gale nɛa we zɔ ni, nɛ a dɛa na, Ofilisti, do nwa ngɔ nù Moabɛ, do Sisra, gã wi ngɔ osodanɔ kɔ le Hasɔrɛ, wa bi oyaa nɛ, nɛ wa nɛ ngɔ wa.