Owi kpe dati 3:7 - WE NU GALE 1995

⁷ Obe Israɛlɛ wa dɛa zi mɔ kɛ ma dè tɛ NWA Gale 'da wa gɔ ni. Ta zu wa ele ngɔ Gale 'da wa, nɛ wa dɔnggɔ ogale Bala do Asera.

Owi kpe dati 3:7 Iomraidhean Croise

1 Onwanɔ 16:33

Nɛ a zĩ 'bɔ kpikima Bala dɛ di ni. Mɛnɔ ni vɛ̃, ma nɔ̃lɔ̃ zã NWA Gale 'da obe Israɛlɛ dɛ tɛ̃ a wena, nɛa ngɔ kɛ 'da onwa ngɔ nù Israɛlɛ zi dati a ni vɛ̃.

1 Onwanɔ 18:19

Nɛ nde ngangga ni, mɔ tómbó Owele, hã wa ngɛmɛ li obe Israɛlɛ vɛ̃ dɛ kɛ zã mi tɛ ngɔ kala Karmɛlɛ. Nɛ wa sa 'bɔ mɔ hã owi gba olo nu Bala kama nalɛ do 'bu wa mɔlɔ ni, do owanɔ kama nalɛ kɛ wa gba olo nu gale wuke Asera, nɛ kɛnɛ mɔ Yezabɛlɛ gbaka wa kɔ mɛnɔ vɛ̃ ni, hã wa tɛ.”

2 Onwanɔ 23:14

Nɛ nwa Yoziasi tombo 'bɔ na, wa gbini tanɔ kɛ wa ndɛngɛlɛ ma dɛ ngɔɛ ni, nɛ wa 'danga okpikima gale Asera, nɛ wa kpe falanɔ olo nɛ ni do gbãlã Owele.

2 Onwanɔ 23:6

Nɛ nwa Yoziasi ba 'bɔ nu a na, wa fo kpikima gale Asera. Nɛ wa fua ma, nɛ wa hɔ do ma dɛ 'do le Yeruzalɛmɛ, nɛ wa fi we se'de dɛ kɔ gbangɔlɔ̃ Sedroni ni. Nɛ ma ngutu, nɛ ma dɛ bũ, nɛ wa kpã bũ nɛ dɛ ngɔ mabi'dongge 'da owi kɔ lenɔ.

2 Sakonɔ 15:16

Do 'da fala ni, nɛ nwa Asa fua yaa a Maaka tɛ toe 'da a kɛ wa ia zi li nɛ zu a na “Gã nwa wuko” ni do'do. Asa fua a we kɛ a dɛa zi kpikima gale Asera. Asa ba nu a na, wa gbini sanga kpikima ni kisi kisi vɛ̃, nɛ wa dɔ ma tɛ nu lì Sedroni.

2 Sakonɔ 24:18

A zila we nu wa, ma kɛ Oisraɛlɛ wa bɛ̃a gɛnɛ Tɛmpɛloe 'da NWA Gale 'da oyaa wa, nɛ wa dɔnggɔ okpikima gale Asera do ogele kpikimanɔ. Nɛ 'dã mɛ ni, ma nɔ̃lɔ̃ zã Gale dɛ te owi Yeruzalɛmɛ do Owi ngɔ nù Yuda vɛ̃.

2 Sakonɔ 33:19

Nɛ wa kɔma 'bɔ tɛlɛ tɛ kɛ a sambala zi nɛ, do kɛ Gale gisa nu nɛ hã a ni. Nɛ wa kɔma 'bɔ we 'dã mɛnɔ kɛ a dɛa zi dɛ 'da Gale, do falanɔ kɛ a dɛa zi we dɔnggɔ do ogale bɛlɛnɔ, nɛ a zĩ okpikima gale Asera do ogele kpikimanɔ se'de dati kɛ na, a gbini sila a ngɔ 'dã mɛnɔ 'da a dati Gale ni. Mɛnɔ ni wa kɔma zi ma vɛ̃ kɔ 'buki li nɛ a: “Dɛa tonɔ 'da Hozai.”

2 Sakonɔ 33:3

A 'dafa fala dɔnggɔ do ogele galenɔ kɛ baa a Ezekiasi 'danga zi ma ni dɛ olo nɛ. Nɛ a dɛ mbé gbagala we dɔnggɔ ogale Bala. Nɛ a dɛ okpikima gale Asera, nɛ a dɔnggɔ 'bɔ sɔlanɔ.

2 Sakonɔ 34:3

Nɛ ma nɛa zi we hɔ sabɛlɛ kɛ ngbɛ'dɛ'dɛ kɔ to nwa 'da Yoziasi, nɛ nde a 'bana zi do be zagbãlã iko, nɛ a ma ngɔ fa we dɔnggɔ Gale kɛ oyaa a wa dɔnggɔ zi a ni. Nɛ ma nɛa we la sabɛlɛ nalɛ 'do ki ni, nɛ a ma ngɔ 'danga falanɔ wa dɔnggɔ do ogale bɛlɛnɔ, do okpikima gale Asera, do ogele kpikimanɔ kpi do kpi kɔ le Yeruzalɛmɛ, do ngɔ nù Yuda ni.

2 Sakonɔ 34:7

Nɛ a 'danga ogbagalanɔ, nɛ a gbini okpikima gale Asera, do mbe ogele kpikimanɔ sikili sikili, nɛ a gbini gbagala dɔ do fũ yɔmbɔnɔ tɛ ngɔ nù 'da nu kpala owinɔ si gbãlã ngɔ ni vɛ̃. 'Do nɛ, nɛ a kpolo tɛ̃ a dɛ Yeruzalɛmɛ.

Zumanɔ 106:35

Nɛ nde wa ba ngba wa do opaganɔnɔ ni, nɛ wa yambala dɛa to tɛ wa.

Zumanɔ 106:36

Nɛ wa dɔngga osɛa tenɔ 'da wa, nɛ ma fi wa kɔ 'dã mɔ.

Zumanɔ 106:7

Aa NWA, 'da fala kɛ oyaa lɛ wa zi a ngɔ nù Ezipeto wa ĩ̀ zi ti gulu ɔngbamɛnɔ mɔ dɛa ni gɔ. Ta zu wa ila zi ngɔ gã dia zã 'da mɔ, kɛ mɔ be zi hã wa 'do ngbɛ ɛ do 'do ngbɛ ɛ ni. Nɛ wa bɛ̃a we nu mɔ tɛ nu gba lì Sala Tɔ̃.

Kulu Tɔa 34:13

Nɛ nde mi kɔa na, nɛ gbini gbagala dɔnggɔ do galenɔ 'da wa, nɛ nɛ 'danga otanɔ wa ndɛngɛlɛ dɛ ngɔ ngbɛ ɛ ni, do kpikima Asera wa dɛa ni do'do.

Yeremi 23:27

Wa lengge na, yalɛnɔ wa tɔ̃ sanga tɛ ngba wa ni, ma dɛ sɛ na, ta zu winɔ 'da mi ele ngɔ mi, ɔ nɛ kɛ ta zu oyaa wa ila zi ngɔ mi, nɛ wa nɛa 'do gale Bala ni nde?

Mbulanɔ 16:21

“'Da fala nɛ dɛ sɛ gbagala we dɔnggɔ do NWA Gale 'da nɛ ni, nɛ nɛ é sɛ kpikima gale wuke kɛ li a a Asera ni kɛ zã nɛ gɔ.

Mbulanɔ 4:9

Li nɛ sɔ̃́, nɛ nɛ dɛ́ zĩ na, da dɛ kɔ tɛ nɛ élé ngɔ mɛnɔ vɛ̃ nɛ zɔa zi do li nɛ ngboo ni gɔ. Nɛ lengge ma kɔ dungu nza 'da nɛ vɛ̃. Nɛ nɛ tɔ̃ sɛ we nɛ hã obe zã nɛ do obe yaa nɛ.

Mbulanɔ 8:11

“'Da fala nɛ hɔ i mɔ, nɛ li nɛ sɔ̃́, da dɛ kɔ tɛ nɛ élé ngɔ NWA Gale 'da nɛ gɔ. Nɛ dɛ́ ombulanɔ 'da a vɛ̃ kɛ mi bia hã nɛ sɔɛ gɛ ni, nɛ nɛ tɛ là mɔ kpo gɔ.

Mbulanɔ 8:14

Nɛ nde fala kɛ ma dɛ tɛ̃ ɛ na mɛ ni, nɛ li nɛ sɔ̃́, da dɛ kɔ zu nɛ gã́, kɔ nɛ siki 'do nɛ hã NWA Gale 'da nɛ gɔ. A hã a fua zi nɛ kɔ ngbá ngɔ nù Ezipeto dɛ nza.

Mbulanɔ 8:18

Mi gba ta zu nɛ fai na, wi a NWA Gale 'da nɛ, a hã ngawi hã nɛ na, nɛ dungu do dia nɛ. Nɛ a dɛa 'bɔ na mɛ ni, we duzu kɛ a 'bana fala dɛ mbulu olo gba tɔkɛ kɛ a gba zi do oyaa nɛ ni. Nɛ a 'bana dɛ mbuli ni gbaa tia do sɔɛ gɛ.

Owi kpe dati 3:12

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA tumba Egloni, nwa ngɔ nù Moabɛ na, a bi do wa.

Owi kpe dati 3:8

Nɛ zã NWA nɔ̃lɔ̃ dɛ tɛ wa, nɛ a la zi wa dɛ kɔ Kusanɛ-Risataimɛ, nwa ngɔ nù Mezopotami. Nɛ nwa ni ia mbula ngɔ wa 'do sabɛlɛ ngbɛ'dɛ'dɛ.

Owi kpe dati 6:25

Do tũi ni, nɛ NWA ba nu a hã Zedeoni na: “Mɔ bá wili ngɔmbɛ 'da baa mɔ, mɔ bá a wele kɛ 'do gɛ, kɛ a do sabɛlɛ sambo ni, nɛ mɔ nɛ do a tɛ fala gbagala dɔnggɔ do gale Bala kɛ baa mɔ dɛa ma ni. Mɔ hɔ i mɔ, nɛ mɔ gbini gbagala ni, nɛ mɔ gɔmɔ sanga kpikima gale Asera kɛ zã nɛ ni.

Owi kpe dati 8:33

'Do kɛ Zedeoni fia ni, nɛ obe Israɛlɛ wa ma ngɔ dɔnggɔ ogale Bala. Nɛ wa ba zi Bala-Bɛritɛ ɔ nɛ gale 'da wa,

Owi kpe dati 8:34

nɛ ta zu wa ele ngɔ NWA Gale 'da wa, kɛ a kpasa zi wa ti kɔ̃ owi sɛnɛ wa kɛ zã wa vɛ̃ ni do'do.

1 SAMUƐLƐ 12:10

Nɛ oyaa nɛ wa ala nu wa hã NWA na, a gala lo. Nɛ wa na: ‘Lɛ dɛa 'dã mɔ dɛ 'da mɔ, we kɛ lɛ bɛ̃a gɛnɛ mɔ. Nɛ lɛ sambala ogale sɛa tenɔ kɛ li wa a Obala, do gale wuke kɛ li a a Astarte. Kɔ mɔ kɔ, nɛ mɔ fo lɛ ti kɔ̃ owi sɛnɛ lɛ, nɛ lɛ dɔnggɔ sɛ mɔ.’

1 SAMUƐLƐ 12:9

Nɛ nde oyaa nɛ wa nɛa we hɔ kɔ ngbá do'do, nɛ ta zu wa ila ngɔ NWA Gale 'da wa. Gulu nɛ hã Gale nɛa we zɔ ni, nɛ a dɛa na, Ofilisti, do nwa ngɔ nù Moabɛ, do Sisra, gã wi ngɔ osodanɔ kɔ le Hasɔrɛ, wa bi oyaa nɛ, nɛ wa nɛ ngɔ wa.