Owi kpe dati 3:4 - WE NU GALE 1995

⁴ NWA kɔ̃a zi na, wa 'bana dɛ di ni, takɔ ɛ yamba sila obe Israɛlɛ we ĩ na, wa dɛ sɛ mbula kɛ ɛ hã zi ma hã oyaa wa, do wala 'da wi dɛa toe 'dɛ ɛ Mɔizɛ ni nde.

Owi kpe dati 3:4 Iomraidhean Croise

Kulu Tɔa 15:25

Na mɛ ni, Mɔizɛ ala nu a hã NWA Gale, nɛ NWA zila, nɛ a be dɔ te hã a. Mɔizɛ ba te ni, nɛ a da 'dɔ lì, nɛ ma kifi dia lì nɔ nɔa. Dɛ kpo fala ni, nɛ NWA Gale hã mbulanɔ kɛ a kɔ̃a na, obe Israɛlɛ wa dɛ ma ni hã wa. Nɛ a yamba 'bɔ sila wa dɛ di ni.

1 KORINTƐ 11:19

Gɔnɔ sanga tɛ ngba wi kɛ nɛ gɔnɔ ni, ma 'bɔ a dia, we kɛ ma gala lɛ we ĩ ti owinɔ kɛ wa a ngbongbo wi kɔ̃a we ni.

Mbulanɔ 33:8

A tɔ̃a dɛ ngɔ nu kpala Levi na: “NWA, mɔ kala Urimɛ do Tumimɛ, mɛnɔ kɛ wa aka do mɔ ni, nɛ mɔ hã ma hã owi nu kpala Levi. Wa a odia wi tonɔ 'da mɔ. Mɔ yamba zi wa tɛ kɔ le Masa, nɛ mɔ gɔnɔ dia gulu we hã wa tɛ nu lì Mɛriba.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

Owi kpe dati 2:22

Wa sɛ a wi tonɔ 'da mi, wa gala sɛ mi we ĩ na, nɛ obe Israɛlɛ, nɛ kɔ̃a we nɛ 'do mi, ɔ nɛ kɛ oyaa nɛ wa dɛa zi ni, tabi nɛ kɔ̃̀ gɔ nde.”

Owi kpe dati 3:1

NWA la zi owinɔ ni dɛ ngɔ nù Kanana, takɔ a yamba sila obe Israɛlɛ kɛ wa bì zi bolo do Okanana gɔ ni.