Owi kpe dati 3:11 - WE NU GALE 1995

¹¹ Do 'da fala ni, nɛ obe Israɛlɛ wa kpa zi dungu fio 'do sabɛlɛ 'bu nɛ nalɛ. Nɛ 'do nɛ, nɛ Otniɛlɛ, be 'da Kɛnazɛ fe.

Owi kpe dati 3:11 Iomraidhean Croise

1 Sakonɔ 4:13

Kɛnazɛ kua zi Otniɛlɛ do Sɛraya, nɛ Otniɛlɛ ko Hatatɛ do Meonotai,

NEHEMIE 9:28

Nɛ nde wa nɛa we hɔ kɔ ngbá da dɔ̃ nɛ́, nɛ wa ma ngɔ dɛ 'dã mɛnɔ do ti, nɛ mɔ da 'bɔ kɔ̃ mɔ tɛ wa hã owi sɛnɛ wa. Ma kɛ wa ma 'bɔ ngɔ he dɛ 'da mɔ, nɛ yolo li nza ngɔ i, mɔ zila wala gɛlɛ wa. Nɛ we duzu dia zã 'da mɔ dɛ 'da wa, mɔ kpasa wa fala dɛlɛ wena.

ƐSTƐRƐ 9:22

We kɛ tũnɔ ni, obe Yuda wa gbɛa zi owi sɛnɛ wa. Nɛ zɛkɛ ni, 'bako 'da wa kifi zi yangga, nɛ ngamɛ 'da wa kifi dia dungu. Ma gɔa na, kɔ tũnɔ ni nɛ wa lengge omɛnɔ ma la zi ni, nɛ wa nyɔngɔ mɔ, nɛ wa dɛ yangga. Nɛ do kɔ̃ tũnɔ ni 'bɔ, wa tombo odia mɔ hã ongba wa, nɛ wa hã 'bɔ odia mɔ hã Owi sã.

Yozue 11:23

Na mɛ ni, Yozue ba nùi vɛ̃, nɛ́ kɛ NWA Gale ba zi do nu a hã Mɔizɛ ni. 'Do nɛ, nɛ Yozue kɛ̃a sanga nùi dɛ kɔ̃ nu kpala obe Israɛlɛ do mɔ́ wa. Nɛ wa kpia tɛ wa olo bolonɔ kɛ wa bi ni.

Yozue 15:17

Nɛ Otniɛlɛ, be 'da Kɛnazɛ, kɛ a a hɔ dɛ 'do Kalɛbɛ ni, a ba le Kiriatɛ-Sefɛrɛ. Nɛ Kalɛbɛ hã be 'da a Akɛsa hã Otniɛlɛ, nɛ wa ba ngba wa.

Owi kpe dati 3:10

Hi Wi 'da NWA lia kɔ Otniɛlɛ, nɛ a hɔa wi kpe dati obe Israɛlɛ. A nɛa, nɛ a bi do nwa Kusanɛ-Risataimɛ, nɛ NWA Gale hã ngawi hã a, nɛ a nɛ ngɔ nwa ni.

Owi kpe dati 3:12

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA tumba Egloni, nwa ngɔ nù Moabɛ na, a bi do wa.

Owi kpe dati 3:30

Ndo do di ni, nɛ Omoabɛ wa dɛa mbula 'da obe Israɛlɛ, nɛ dungu fio lia ngɔ nùi 'da Oisraɛlɛ. Nɛ bolo zi 'bɔ bina gbaa 'do 'bu sabɛlɛ ngbɛ'dɛ'dɛ.

Owi kpe dati 3:9

Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 5:31

Aa NWA, e kɔ Owi sɛnɛ mɔ vɛ̃ wa fe ɔ nɛ kɛ Sisra fia ni, nɛ oyali ngba mɔ wa ɔ do ngawi ɔ nɛ tua wese ni. Nɛ mbé bolo té zi 'bɔ ngɔ nù Israɛlɛ gɔ, gbaa 'do 'bu sabɛlɛ nalɛ.

Owi kpe dati 8:28

Yolo do fala ni, nɛ obe Israɛlɛ wa ia zi mbula ngɔ Omadianɛ, nɛ Omadianɛ wa tùlù zi 'bɔ obe Israɛlɛ gɔ. Nɛ dungu fio lia zi ngɔ nù Israɛlɛ gbaa, nɛ Zedeoni fia do ma.