Owi kpe dati 3:10 - WE NU GALE 1995

¹⁰ Hi Wi 'da NWA lia kɔ Otniɛlɛ, nɛ a hɔa wi kpe dati obe Israɛlɛ. A nɛa, nɛ a bi do nwa Kusanɛ-Risataimɛ, nɛ NWA Gale hã ngawi hã a, nɛ a nɛ ngɔ nwa ni.

Owi kpe dati 3:10 Iomraidhean Croise

1 Sakonɔ 12:18

Davidi hɔa nza, nɛ a yolo dɛ dati wa ni, nɛ a tɔ̃ hã wa na: “Fala kɛ nɛ tɛa we kpa mi do dia sila, takɔ nɛ gala mi nde, nɛ mi kɔ̃ sɛ gɛnɛ nɛ do sila mi vɛ̃. Kɔ ni gɔ, hã fala kɛ nɛ tɛa we nɛ we tɔ̃ zu li mi hã Owi sɛnɛ mi, nɛ nde mi dɛ 'dã mɔ dɛ 'da nɛ gɔ, nɛ Gale 'da oyaa lɛ ɔ temɔɛ sanga lɛ, nɛ a hã etumbu hã nɛ.”

2 Sakonɔ 15:1

Do 'da fala ni, nɛ Hi Wi 'da Gale lia kɔ Azaria, be 'da Odɛdɛ,

2 Sakonɔ 20:14

Nɛ kɔ mba li ngba wi ni, nɛ Hi Wi 'da nwa lia kɔ mbe levitɛ kpo, li a a Yaziɛlɛ. (Yaziɛlɛ a be 'da Zakaria, nɛ a 'bɔ a be yaa Bɛnaya. Bɛnaya a be 'da Yeiɛlɛ, nɛ a 'bɔ a be yaa Matania kɛ a a be zã Asafɛ ni).

Zumanɔ 51:11

Mɔ tɛ zɔ̃ 'dã mɛnɔ 'da mi gɔ, mɔ élé ma vɛ̃ do'do.

Tɔlɔ Mɔ 11:17

Mi zĩlĩ sɛ we wele we do mɔ dɛ di ni. Nɛ mi dɛ sɛ na, Hi Wi kɛ mi hã ma hã mɔ ni, zĩlĩ tɛ mɛ 'bɔ ngɔ wa. Na mɛ ni, nɛ wa gala sɛ mɔ, nɛ mɔ bá sɛ 'bɔ dĩ tole winɔ gɛ zu mɔ kpo gɔ.

Tɔlɔ Mɔ 11:25

Nɛ NWA zĩlĩ dɛ kɔ lɔnggɔ zɛ̃ we, nɛ a wele we do Mɔizɛ. Nɛ a dɛ na, Hi Wi kɛ a hã ma hã Mɔizɛ ni zĩlĩ tɛ mɛ 'bɔ ngɔ okumunɔ, nɛ wa ma ngɔ gba olo nu a Gale. Nɛ nde wa gbà 'do nɛ nyɛlɛ gɔ.

Tɔlɔ Mɔ 11:29

Nɛ Mɔizɛ gese hã a na: “Mɔ bi tɛ mɔ we mi nde? Ma wia sɔ na, nwa tombo Hi Wi 'da a dɛ ngɔ obe Israɛlɛ vɛ̃, takɔ wa hɔ owi gba olo nu a.”

Tɔlɔ Mɔ 24:2

A nɛa we ba li a ngɔ, nɛ a zɔ obe Israɛlɛ, wa dungu dɛ fala ɔi 'da wa do nu kpala wa kpo kpo. Nɛ Hi Wi 'da Gale lia kɔ a,

Tɔlɔ Mɔ 27:18

Nɛ NWA gese hã Mɔizɛ na: “Yozue, be 'da Nunɛ, a a wi kɛ a do Hi Wi 'da mi kɔ a boe. Mɔ sá sɛ mɔ hã a, nɛ mɔ nɛ do a dati nganga Elazarɛ do obe Israɛlɛ vɛ̃. Nɛ mɔ e kɔ̃ mɔ zu a, nɛ mɔ tɔ̃ dɛ li winɔ vɛ̃ na, a dɛ sɛ toe olo mɔ.

OHEBRE 6:4

Kɔ ma ɔ sɛ do winɔ kɛ wa kpula 'bɔ tɛ wa li wala 'dã mɔ ni nɛ nde? Wa lia zi kɔ sa fala 'da Gale, nɛ wa kpa dia mɛnɔ kɛ Gale hã ma hã wa ni, nɛ wa kpa 'bɔ ngawi 'da Hi Wi Santo.

Owi kpe dati 11:29

Nɛ Hi Wi 'da NWA lia kɔ Yɛfte, nɛ a yɛnggɛ ngɔ nù Galadɛ do Manase, nɛ a ngɛmɛ li osodanɔ, nɛ a si do wa dɛ Mispe, tɛ ngɔ nù Galadɛ, nɛ a la dɛ ngɔ nù Amoni.

Owi kpe dati 11:32

Nɛ Yɛfte kũ lì do owinɔ 'da a we bi Oamoni, nɛ nwa 'dɔlɔ wa hã a.

Owi kpe dati 13:25

Nɛ do 'da fala kɛ a zi tɛ fala ɔi 'da Danɛ, kɛ ma ngbala le Sora do Ɛsɛtaɔlɛ ni, nɛ Hi Wi 'da NWA lia kɔ a, nɛ a hã ngawi dɛ gba mɔ hã a.

Owi kpe dati 14:19

Nɛ Hi Wi 'da NWA lia kɔ Samsoni. Nɛ a la dɛ Askaloni, nɛ a gbɛ Owi wili 'bu wa talɛ. Nɛ a kala tulunɔ 'da wa, nɛ a hã ma hã owinɔ wa tɔ̃a gulu toe ni. Nɛ zã a nɔ̃lɔ̃ wena, nɛ a kulu ngɔ, nɛ a si dɛ nu tɔa 'da baa a i.

Owi kpe dati 14:6

Nɛ Hi Wi 'da NWA lia kɔ Samsoni, nɛ a ba be gbɔgbɛ ni, nɛ a ɛ̃ sanga a bɔa, ɔ nɛ kɛ wa ɛ̃ do sanga be dua ni. Nɛ nde a tɔ̃̀ we mɛ kɛ a dɛa ni hã Owi ko a gɔ.

Owi kpe dati 15:14

Wa hɔa tɛ Lehi i, nɛ Ofilisti wa gɔnɔ dati a, nɛ wa zɛ nu wa do yangga vɛ̃. Nɛ Hi Wi 'da nwa lia kɔ Samsoni, nɛ a gɔnɔ fɛlɛnɔ wa ɛnzɛ do 'baka a do kɔ̃ a ni, ɔ nɛ wa dɔa ma do we ni.

Owi kpe dati 3:11

Do 'da fala ni, nɛ obe Israɛlɛ wa kpa zi dungu fio 'do sabɛlɛ 'bu nɛ nalɛ. Nɛ 'do nɛ, nɛ Otniɛlɛ, be 'da Kɛnazɛ fe.

Owi kpe dati 3:8

Nɛ zã NWA nɔ̃lɔ̃ dɛ tɛ wa, nɛ a la zi wa dɛ kɔ Kusanɛ-Risataimɛ, nwa ngɔ nù Mezopotami. Nɛ nwa ni ia mbula ngɔ wa 'do sabɛlɛ ngbɛ'dɛ'dɛ.

Owi kpe dati 6:34

'Da fala ni, nɛ Hi Wi 'da nwa le kɔ Zedeoni, nɛ a dama mɔtũlũ we sa mɔ hã owi nu fɛlɛ Abiezɛrɛ na, wa nɛ 'do a.

1 SAMUƐLƐ 10:10

Saulo wa nɛa do wi toe 'da a, nɛ wa hɔ tɛ kɔ le Gibea i, nɛ wa kpa ngba wa do ngɔ gili Owi gba olo nu Gale. A nɛa we zɔ wa ni, nɛ Hi Wi 'da Gale ba a, nɛ a mba do wa, nɛ wa yɔ yɔla, nɛ wa he mɔ tɛ gba olo nu Gale.

1 SAMUƐLƐ 10:6

Nɛ 'do nɛ, nɛ Hi Wi 'da NWA ma ba sɛ mɔ, nɛ mɔ mba sɛ do wa, tɛ yɔ yɔla do he mɔ, tɛ gba olo nu Gale. Nɛ linggamɔ zu mɔ ma kpolo sɛ do'do.

1 SAMUƐLƐ 11:6

Saulo zila toe ni, nɛ Hi Wi 'da Gale lia kɔ a, nɛ dã ba a nganda wena.

1 SAMUƐLƐ 16:13

Samuɛlɛ ba daka nɔɛ, nɛ a a ma dɛ zu Davidi dɛ gbali onya a ni. A nɛa we a nɔɛ zu a, nɛ Hi Wi 'da nwa lia kɔ Davidi, nɛ yolo dɛ di ni, NWA zi do a fala nɛ kpo. Nɛ 'do nɛ, nɛ Samuɛlɛ kpula tɛ̃ ɛ dɛ Rama i.