Owi kpe dati 3:1 - WE NU GALE 1995

¹ NWA la zi owinɔ ni dɛ ngɔ nù Kanana, takɔ a yamba sila obe Israɛlɛ kɛ wa bì zi bolo do Okanana gɔ ni.

Owi kpe dati 3:1 Iomraidhean Croise

2 Sakonɔ 32:31

Nɛ nde 'da fala kɛ ogã wi ngɔ nù Babilonia wa tumba zi Owi nɛ to we aka a ngɔ gba ɔngbamɛ ma hɔa ngɔ nùi 'da a ni, nɛ Gale ia a na, a dɛ mɛ kɛ zã a kɔ̃a ni, takɔ a yamba sila a we zɔ dɛa mɔ tɛ̃ a.

YƆBƆ 23:10

Gɛnɛ kɔ ní, nɛ nde a ĩ̀ ti wala mi la do ma ni. Fala kɛ a yamba sila mi, nɛ a zɔ sɛ na mi a wi bɔlɔ zu, mi ɔ nɛ mɔ mbali kɛ 'dɔlɔ nɛ 'bànà zã nɛ gɔ ni.

Kulu Tɔa 15:25

Na mɛ ni, Mɔizɛ ala nu a hã NWA Gale, nɛ NWA zila, nɛ a be dɔ te hã a. Mɔizɛ ba te ni, nɛ a da 'dɔ lì, nɛ ma kifi dia lì nɔ nɔa. Dɛ kpo fala ni, nɛ NWA Gale hã mbulanɔ kɛ a kɔ̃a na, obe Israɛlɛ wa dɛ ma ni hã wa. Nɛ a yamba 'bɔ sila wa dɛ di ni.

GBA WENƆ 17:3

Wa yamba mɔ mbali, do fɛ̃a mɔ bolo li we we ĩ ti dia nɛ. Nɛ nde wi yamba sila wele, wi a NWA Gale.

Yeremi 6:27

Yeremi, mi ia mɔ do wi yamba sila owinɔ 'da mi, ɔ nɛ kɛ wa yamba do dia mɔ bolo ni. Mɔ fá we ĩ ti dɛa to tɛ wa.

ZAKARIA 13:9

Nɛ mi yamba sɛ sila tala kpo mbee talɛ sanga winɔ wa 'bana nza ni, ɔ nɛ kɛ wele yamba do mɔ mbali do fɛ̃a mɔ bolo li we we fa dia nɛ zã nɛ ni, nɛ wa hɔ sɛ sa wi li mi. Na mɛ ni, nɛ wa sambala sɛ mi, nɛ mi zele sɛ wa. Nɛ mi tɔ̃ sɛ hã wa na, wa a owinɔ 'da mi, nɛ wa tɔ̃ sɛ hã mi na, mi a Gale 'da wa.”

YOANƐ 2:24

Nɛ nde Yezu gbìnì zã ɛ do wa gɔ, we duzu kɛ a ĩ zi ti we kɔ zã wa ni vɛ̃.

Mbulanɔ 7:22

“Kɔ fala kɛ nɛ nɛ kɔlɔ do nùi we ba ma, nɛ a ndaka sɛ owinɔ ngɔ nùi ni do'do. A ndaka sɛ wa gɛɔ gɛɔ, nɛ nɛ wé sɛ we gbɛ winɔ ni fala kpo do ti gɔ. Nɛ gbɛ wa vɛ̃ do ti, nɛ osa'de zamɛnɔ wa ko sɛ dɛlɛ wena, nɛ wa hã sɛ ngamɔ hã nɛ.

Mbulanɔ 8:16

Nɛ a hã mana hã nɛ na nɛ nyɔngɔ. Mɛ a nyɔngɔmɔ kɛ nɛ nyɔngɔ zi mbe kuti nɛ gɔ, nɛ oyaa nɛ wa nyɔngɔ 'bɔ kuti nɛ gɔ. Nɛ a hã zi zɛlɛ tɛ hã nɛ li gba zɔ̃ i we yamba do sila nɛ. Nɛ 'do nɛ, nɛ nɛ kpa dia mɔ, nɛ nɛ dungu do yangga.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

1 PETRO 1:7

Mba gɔ, ngamɛnɔ ni, ma yamba nɛ we ĩ na, kɔ̃a we 'da nɛ mɛ a ngbongbo kɔ̃a we nde? Nɛ zɔ́ mɔ mbali, gɛnɛ kɔ ma ɔ́ fai gɔ, nɛ nde owele wa ba ma, nɛ wa fi li we we yamba ma na, ma a dia nde. Do kpo wala ni, Gale yamba kɔ̃a we 'da nɛ kɛ ma dia nɛa ngɔ mɔ mbali wena ni, we ĩ na, mɛ a ngbongbo kɔ̃a we nde? A dɛ ni, takɔ nɛ kpa dɔngga wi, do dɔ̃lɔ̃ li, nɛ sako li nɛ he do ngba soe kɛ Yezu Kristo a tɛ sɛ 'bɔ nɛ ni.

1 PETRO 4:12

Aa oyali ngba mi, nɛ tɛ ɔ̀ngbɔ̀ do ngamɛnɔ kɛ ma kpa nɛ ni gɔ. Nɛ tɛ zɔ̀ ma nɛ́ nga gele mɔ gɔ, we kɛ ma kpa nɛ ní we yamba sila nɛ.

USU MƐNƆ 2:23

Dɛ ngɔ nɛ, mi gbɛ sɛ 'bɔ owinɔ wa nɛ 'dɔkɔlɔ a ni. Na mɛ ni, nɛ eklezianɔ vɛ̃ wa ĩ sɛ na, mi a wi kɛ mi zɔ kɔ sila wele, nɛ mi ĩ ti linggamɔ zu a. Nɛ mi gese sɛ do dɛa toe 'da wele do wele hã a, nɛ ma we do toe a dɛa ni.

Owi kpe dati 1:1

'Do kɛ Yozue fia ni, nɛ obe Israɛlɛ wa aka nwa na, a saka nu kpala winɔ sanga wa, kɛ wa kulu sɛ ngɔ dati, nɛ wa nɛ we bi Okanana ni.

Owi kpe dati 2:10

Nɛ ongba Yozue kɛ wa gã zi do a fala nɛ kpo ni, wa fia 'bɔ. Nɛ nde owinɔ kɛ wa kua wa dɛ 'do wa ni, wa zɔ̀ zi oɔngbamɛnɔ kɛ nwa dɛa hã obe Israɛlɛ ni gɔ, nɛ wa ĩ̀ zi ti nwa ngboo gɔ.

Owi kpe dati 2:23

We duzu ma, NWA la zi owinɔ kɛ Yozue ndàkà wa gɔ ni, nɛ wa 'bana dɛ ngɔ nùi ni. Nɛ a wɛ̀lɛ̀ we ndaka wa do ti gɔ.

Owi kpe dati 3:2

A dɛa ni, takɔ obe Israɛlɛ kɛ wa nɛ̀ zi mbe kuti bolo fala kpo gɔ ni, wa yambala bi bolo.