Owi kpe dati 21:2 - WE NU GALE 1995

² Nɛ 'do kɛ bole ia ni, nɛ wa kpolo tɛ wa dɛ Betɛlɛ, nɛ wa dungu nù dati Gale, nɛ wa ala nu wa, nɛ wa he 'bɔ kɔ̃a tɛ wa gbaa, nɛ wese gɛ̃.

Owi kpe dati 21:2 Iomraidhean Croise

Ndo Nyanga Dɛ Mɔ 27:38

Gɛnɛ kɔ ní, nɛ Ezau ala nu ɛ hã baa a tɛ mɛ ala fai. Nɛ a tɛ tɔ̃ na: “Aa baa mi, tala wila nu kpo iko ni 'bànà mbe gɔ nde? Mɔ wélé tɛ mɛ nu mɔ tɛ mi iko!” Nɛ a ma ngɔ he ma.

Yozue 18:1

'Do kɛ obe Israɛlɛ wa ba nùi vɛ̃ ni, nɛ wa mba li ngba wa vɛ̃ tɛ kɔ le Silo. Nɛ wa zĩ tɔa Tande kpa Ngba Wi do Gale.

Owi kpe dati 2:4

'Da fala kɛ obe Israɛlɛ wa zila we kɛ anzɛ 'da NWA tɔ̃a hã wa ni, nɛ wa te nù ngɔ kɔ̃a.

Owi kpe dati 20:18

Obe Israɛlɛ wa nɛa Betɛlɛ i, nɛ wa aka Gale na, a sa li nu kpala kɛ a nɛ sɛ dati we bi do Obɛnzamɛ ni hã lo. Nɛ NWA bia kɔ̃ ɛ tɛ nu kpala Yuda.

Owi kpe dati 20:26

Obe Israɛlɛ wa nɛa we zɔ ní, nɛ wa la dɛ Betɛlɛ. Nɛ wa dungu nù dati nwa, he wa he kɔ̃a tɛ wa do ngba soe ni gbaa nɛ wese gɛ̃, nɛ wa nyɔngɔ mɔ gɔ Nɛ wa dɔ sa'de we dɔnggɔ do Gale, nɛ wa gbɛ 'bɔ mbe we be dɛa na.

Owi kpe dati 21:12

Wa hɔa i mɔ, nɛ wa kpa obe zɔnga kama nalɛ, kɛ wa ĩ̀ ti wi wili gɔ ni sanga owinɔ kɔ le ni. Nɛ wa kala wa, nɛ wa la do wa dɛ fala ɔi kɛ wa 'dafa ma tɛ Silo, kɛ ma ngɔ nù Kanana ni.

Owi kpe dati 21:3

Nɛ wa na: “Aa NWA Gale 'da lɛ obe Israɛlɛ, gulu 'bakoe lɛ kpa gɛ na ge nde? Gulu kɛ mbe kpo sanga nu kpala lɛ obe Israɛlɛ nɛ kumu nɛ we ge nde?”

1 SAMUƐLƐ 11:4

Owi nɛ tonɔ ni wa nɛa, nɛ wa hɔ kɔ le Gibea, le 'da Saulo. Nɛ wa tɔ̃ we mɛ ma la do wa ni, hã owinɔ kɔ le ni. Owinɔ wa nɛa we zele we ni, nɛ wa he wena.

1 SAMUƐLƐ 30:4

Nɛ Davidi do owinɔ 'da a, wa ma ngɔ bi tɛ wa, nɛ wa hia gbaa, nɛ hi wa ma ha.