Owi kpe dati 20:9 - WE NU GALE 1995

⁹ Mɛ kɛ lɛ dɛ sɛ do Owi Gibea ni, ma kɛ: Lɛ to zeke, takɔ lɛ ĩ ti winɔ kɛ wa nɛ sɛ we bi Owi Gibea ni.

Owi kpe dati 20:9 Iomraidhean Croise

1 Sakonɔ 24:5

Wa tua zi zeke sɛ a wa kɛ̃ do sanga owinɔ ni de, we kɛ ombe sanga obe zã Elazarɛ do Itamarɛ ni, wa zi a ogã wi ngɔ dɛa toe tɛ fala dɔnggɔ do Gale, nɛ ombe wa zi a owi tɔ̃ mbula 'da Gale.

NEHEMIE 11:1

Ogã wi ngɔ winɔ, wa ɔa Yeruzalɛmɛ, le kɛ ma santo. Nɛ tala ogele winɔ wa tua zeke na, ma ba wele kpo kɔ 'bu, takɔ winɔ ni wa ɔ Yeruzalɛmɛ. Nɛ nde tala winɔ kɛ zeke bà wa gɔ ni, wa ɔa kɔ lenɔ kpi do kpi ngɔ nùi ni.

GBA WENƆ 16:33

Owele wa to zeke we ĩ ti mɛnɔ kɛ ma hɔ sɛ do 'do ni. Nɛ nde wi 'bili we, nɛ a gese nu nɛ ɔ nɛ kɛ ma wia ni, wi a NWA Gale.

YONASI 1:7

Nɛ wi dɛ tonɔ wa tɔ̃a hã ngba wa na: “Lɛ 'bɛ́nɛ́ mɔ, takɔ lɛ ĩ ti wi kɛ ngamɛ gɛ kpa lɛ we duzu a ni.” Wa 'bɛnɛ mɛ, nɛ ma te ngɔ Yonasi.

Owi Nɛ Tonɔ 1:26

Nɛ wa tua zeke, takɔ wa saka sanga wa bɔa ni. Nɛ zeke tia ngɔ Matiasi, nɛ wa ia a sanga owi nɛ tonɔ 'bu ngɔ wa kpo ni.

Yozue 14:2

Wa kɛ̃a ma do 'da mbula kɛ NWA hã zi hã Mɔizɛ ni. A tɔ̃a zi hã a na, wa kɛ̃ nùi kulu lì Yɔrdanɛ, si 'biti gɛ̃a wese, hã onu kpala winɔ kusi do dɔ nɛ, kɛ wa tɛ kpà nù gɔɛ ni. Nɛ nu kpala wele do wele to zeke we nù kɛ a nɛ ba ma ni.

Owi kpe dati 20:10

Nɛ lɛ saka owele kɔ onu kpala Israɛlɛ kpo kpo: Mɛ sɛ a kpo mbee 'bu sanga Owi wilinɔ. Nɛ owinɔ lɛ saka sɛ wa ni, wa fa sɛ nyɔngɔmɔ we nɛ nɛ 'do owi bi bolonɔ, nɛ tala owinɔ wa nɛ we bi le Gibea we hã etumbu hã wa olo gba mɔ sape kɛ wa dɛa dɛ ngɔ nù Israɛlɛ gɛ.”

Owi kpe dati 20:8

Nɛ owinɔ vɛ̃ wa kulu ngɔ, nɛ wa tɔ̃ na: “Ma wè na, wele kpo sanga lɛ gɛ si nu tɔa 'dɛ ɛ gɔ.