Owi kpe dati 2:4 - WE NU GALE 1995

⁴ 'Da fala kɛ obe Israɛlɛ wa zila we kɛ anzɛ 'da NWA tɔ̃a hã wa ni, nɛ wa te nù ngɔ kɔ̃a.

Owi kpe dati 2:4 Iomraidhean Croise

Ɛsdrasi 10:1

Do 'da fala kɛ Ɛsdrasi gu gba zugolo dɛ dati Tɛmpɛloe tɛ he nɛ, do sambala Gale we fo 'dã mɛ zu Oyudanɔ ni, nɛ nde ngɔ gili Yudanɔ, owi wili do owuko do obe, wa mba li ngba wa dɛ kɛ zã a. Nɛ owinɔ vɛ̃ wa mba tɛ mɛ 'bɔ do a tɛ he kɔ̃a ni.

GBA WENƆ 17:10

Mɔ kɔ'dɔ wi hã zã fala kpo, nɛ ma gala sɛ a. Mɔ zɛ yɔndɔ wi fala kama, nɛ nde ma gálá sɛ a gɔ.

Yeremi 31:9

Wa kpolo sɛ tɛ wa do mili kɔ̃a li wa, nɛ wa ala sɛ nu wa tɛ si nɛ. Nɛ mi be sɛ wala hã wa, nɛ mi kã wa dɛ nu be wayanɔ. Wa la sɛ do li dia wala, nɛ wa kpá sɛ ngamɔ gɔ. Mi sɛ a baa Oisraɛlɛ, nɛ Efraimɛ sɛ a kutu bulu be 'da mi.

YƆƐLƐ 2:12

NWA tɔ̃a na: “Ngangga ni, nɛ kífí sila nɛ, nɛ nɛ kpóló tɛ nɛ dɛ 'da mi. Nɛ bɛ nyɔngɔmɔ, nɛ nɛ álá nu nɛ hã mi, nɛ nɛ hé kɔ̃a tɛ nɛ we be na, nɛ dɛ 'bako 'dã mɛnɔ 'da nɛ.

ZAKARIA 12:10

Mi dɛ sɛ na, obe zã Davidi do ogele winɔ kɔ le Yeruzalɛmɛ ni, wa hɔ wi dia zã, nɛ wa sambala mi. Nɛ wa lengge sɛ wi toe 'da mi kɛ wa dumu zi gbãlã ngu'du a, nɛ wa gbɛ a ni, nɛ wa he sɛ kɔ̃a a wena, ɔ nɛ kɛ wele he do kɔ̃a fio kpo bulu be tabi kuti be 'da a ni.

LUKA 6:21

Nɛ, owinɔ kɛ nɛ do wɔ ngangga ni, nɛ a wi yangga, we kɛ zã nɛ ma hɛ̃ sɛ. Nɛ, owinɔ kɛ nɛ tɛ he kɔ̃a da dɔ̃ gɛ, nɛ a wi yangga, we kɛ nɛ mɔmɔ sɛ.

LUKA 7:38

nɛ a yolo dɛ kɛ zã nyanga Yezu do 'do a, nɛ a ma ngɔ he nɛ. Nɛ mili kɔ̃a li a 'bɔa tɛ nyanga Yezu, nɛ a dili ma do mili zu a, nɛ a hɔlɔ tɛ nyanga a hɛɔɔ, tɛ a nɔ yɔmbɛ ni tɛ nɛ.

2 KORINTƐ 7:10

Mba gɔ, fala kɛ Gale hã 'bako hã wele, kɔ 'bakoe ni kpasa wi ni, nɛ gulu kɛ wi ni wia tɛ sa tɛ ɛ ni bina. Nɛ nde fala kɛ wele dungu do 'bako we mɛnɔ nù gɛ, nɛ 'bakoe ni wia we gbɛ a.

ZAKE 4:9

Nɛ ɔ́ do 'bako we 'dã mɛnɔ 'da nɛ. Nɛ dúngú gɛla, nɛ nɛ hé kɔ̃a. Nɛ dɛ́ na, mɔmu 'da nɛ kifi hia kɔ̃a, nɛ yangga 'da nɛ kifi 'bako.

Owi kpe dati 2:3

We duzu kɛ nɛ dɛa ní ni, mi tɔ̃a hã nɛ na, mi ndáká sɛ winɔ ngɔ nùi ni dati nɛ gɔ. Wa 'bana sɛ dɛ sanga nɛ, nɛ wa dɛ sɛ na, nɛ dɔnggɔ galenɔ 'da wa. Na mɛ ni, ogalenɔ 'da wa wa ɔ sɛ nɛ bili kɛ ma 'bɔ we ba nɛ ni.”

Owi kpe dati 2:5

Nɛ wa sa li fala ni na Bokimɛ, gulu nɛ na: “Owi he kɔ̃a.” Nɛ wa gbɛ osa'de dɛ fala ni we dɔnggɔ do NWA.

1 SAMUƐLƐ 11:4

Owi nɛ tonɔ ni wa nɛa, nɛ wa hɔ kɔ le Gibea, le 'da Saulo. Nɛ wa tɔ̃ we mɛ ma la do wa ni, hã owinɔ kɔ le ni. Owinɔ wa nɛa we zele we ni, nɛ wa he wena.

1 SAMUƐLƐ 7:6

Obe Israɛlɛ wa mba li ngba wa vɛ̃ tɛ kɔ le Mispa. Wa sua lì, nɛ wa a ma nù dati NWA we be na, wa hã tɛ wa hã a. Do kɔ̃ tũi ni, nɛ wa bɛ̃a 'bɔ nyɔngɔmɔ we dɔnggɔ Gale. Nɛ do ndɔti nɛ vɛ̃, nɛ wa gbala tɛ wa na: “Lɛ dɛa 'dã mɔ dɛ 'da NWA.” Nɛ Samuɛlɛ hɔa wi zɔ mɔ tɛ obe Israɛlɛ dɛ Mispa ni.