Owi kpe dati 2:3 - WE NU GALE 1995

³ We duzu kɛ nɛ dɛa ní ni, mi tɔ̃a hã nɛ na, mi ndáká sɛ winɔ ngɔ nùi ni dati nɛ gɔ. Wa 'bana sɛ dɛ sanga nɛ, nɛ wa dɛ sɛ na, nɛ dɔnggɔ galenɔ 'da wa. Na mɛ ni, ogalenɔ 'da wa wa ɔ sɛ nɛ bili kɛ ma 'bɔ we ba nɛ ni.”

Owi kpe dati 2:3 Iomraidhean Croise

Zumanɔ 106:36

Nɛ wa dɔngga osɛa tenɔ 'da wa, nɛ ma fi wa kɔ 'dã mɔ.

Kulu Tɔa 23:33

Nɛ nɛ tɛ kɔ̃̀ na, wa ɔ ngɔ nùi 'da nɛ gɔ, da dɛ kɔ wa ɔlɔ nɛ, hã nɛ dɛ 'dã mɔ dɛ 'da mi Gale gɔ. Fala kɛ nɛ dɔnggɔ kpikimanɔ 'da wa, nɛ nde nɛ tia li 'dã mɔ ia.”

Kulu Tɔa 34:12

Ma wè na, nɛ gba tɔkɔ do owi kɔ lenɔ kɛ nɛ ba sɛ ma ni gɔ. Nɛ dɛ ní, nɛ ma tombo sɛ nɛ na, nɛ dɔnggɔ ogalenɔ 'da wa.

Tɔlɔ Mɔ 33:55

Nɛ nde fala kɛ nɛ ndàkà owinɔ wa ɔ ngɔ nùi ni gɔ, kɔ nɛ la wa na, wa ɔ dɛ sanga nɛ, nɛ wa zɛlɛ sɛ tɛ nɛ, ɔ nɛ 'bulu zɔ̃ kɛ ma te li wi, tabi tɛ̃ kɛ ma dumu nyanga wi ni. Wa bi sɛ nɛ dɛ ngɔ nùi nɛ dungu do ma ni.

Mbulanɔ 7:16

Nɛ ma wia na, nɛ kumu onu kɔnggɔnɔ vɛ̃ kɛ NWA Gale 'da nɛ ia wa dɛ kɔ̃ nɛ ni. Nɛ tɛ dɛ̃ 'bako hã wa gɔ, nɛ nɛ tɛ dɔnggɔ 'bɔ ogalenɔ 'da wa gɔ. Nɛ dɛ na mɛ ni, nɛ ma ɔlɔ sɛ nɛ na, nɛ le kɔ 'dã mɔ.

Yozue 23:13

We duzu kɛ nɛ mba ngba nɛ do ogele winɔ ni, nɛ nde NWA Gale ndáká sɛ 'bɔ wa dati nɛ gɔ. Nɛ wa ɔ sɛ dɛ sanga nɛ ɔ nɛ bili we ba nɛ ni. Wa zɛlɛ sɛ tɛ nɛ, ɔ nɛ zufa kɛ wa zɛ do wele, tabi tɛ̃ kɛ ma dumu li wele ni. Nɛ nɛ kpa sɛ zɛlɛ tɛ gbaa na, nɛ kumu ngɔ dia nùi kɛ NWA Gale ba hã nɛ gɛ do'do.

Owi kpe dati 2:21

We duzu ki ni, owinɔ kɛ Yozue fia, nɛ nde a ndàkà wa gɔ ni, mi ndáká sɛ tɛ mɛ 'bɔ wa gɔ.

Owi kpe dati 2:4

'Da fala kɛ obe Israɛlɛ wa zila we kɛ anzɛ 'da NWA tɔ̃a hã wa ni, nɛ wa te nù ngɔ kɔ̃a.

Owi kpe dati 3:6

Nɛ wa kala wuko sanga tɛ ngba wa do owinɔ ni, nɛ wa dɔnggɔ 'bɔ ogalenɔ 'da wa.

Owi kpe dati 8:27

Zedeoni kala mɔ mbalinɔ ni, nɛ a dolo ma do kpikima, nɛ a e kɔ le 'da a, tɛ Ofra. Nɛ obe Israɛlɛ vɛ̃ wa kifi 'do wa, nɛ wa lo do Gale, nɛ wa ma ngɔ dɔnggɔ kpikima ni. Na mɛ ni, kpikima ni hɔa zi ɔ nɛ bili we ba Zedeoni do nu fɛlɛ kula 'da a.