Owi kpe dati 2:22 - WE NU GALE 1995

²² Wa sɛ a wi tonɔ 'da mi, wa gala sɛ mi we ĩ na, nɛ obe Israɛlɛ, nɛ kɔ̃a we nɛ 'do mi, ɔ nɛ kɛ oyaa nɛ wa dɛa zi ni, tabi nɛ kɔ̃̀ gɔ nde.”

Owi kpe dati 2:22 Iomraidhean Croise

Ndo Nyanga Dɛ Mɔ 22:1

'Do mɛnɔ ni vɛ̃, nɛ Gale yamba sila Abrahama. Gale sa mɔ hã a na: “Abrahama!” Nɛ Abrahama kɔ̃, nɛ a na: “Mi kɛ!”

2 Sakonɔ 32:31

Nɛ nde 'da fala kɛ ogã wi ngɔ nù Babilonia wa tumba zi Owi nɛ to we aka a ngɔ gba ɔngbamɛ ma hɔa ngɔ nùi 'da a ni, nɛ Gale ia a na, a dɛ mɛ kɛ zã a kɔ̃a ni, takɔ a yamba sila a we zɔ dɛa mɔ tɛ̃ a.

YƆBƆ 23:10

Gɛnɛ kɔ ní, nɛ nde a ĩ̀ ti wala mi la do ma ni. Fala kɛ a yamba sila mi, nɛ a zɔ sɛ na mi a wi bɔlɔ zu, mi ɔ nɛ mɔ mbali kɛ 'dɔlɔ nɛ 'bànà zã nɛ gɔ ni.

Zumanɔ 66:10

Aa Gale, mɔ fi lɛ kɔ ngamɔ we yamba sila lɛ, ɔ nɛ kɛ wa fi fɛ̃a mɔ bolo li we, we fa dia nɛ zã nɛ ni.

Kulu Tɔa 15:25

Na mɛ ni, Mɔizɛ ala nu a hã NWA Gale, nɛ NWA zila, nɛ a be dɔ te hã a. Mɔizɛ ba te ni, nɛ a da 'dɔ lì, nɛ ma kifi dia lì nɔ nɔa. Dɛ kpo fala ni, nɛ NWA Gale hã mbulanɔ kɛ a kɔ̃a na, obe Israɛlɛ wa dɛ ma ni hã wa. Nɛ a yamba 'bɔ sila wa dɛ di ni.

GBA WENƆ 17:3

Wa yamba mɔ mbali, do fɛ̃a mɔ bolo li we we ĩ ti dia nɛ. Nɛ nde wi yamba sila wele, wi a NWA Gale.

Mbulanɔ 13:3

Nɛ a sa 'bɔ mɔ hã nɛ na, nɛ dɔnggɔ ogele galenɔ kɛ nɛ ĩ̀ ti wa gɔ ni. Kɔ gɛnɛ kɔ ɔngbamɛ ni ma dɛ tɛ̃ ɛ ɔ nɛ kɛ a tɔa ni, nɛ nɛ tɛ zèlè a gɔ. Mba gɔ, wi a NWA Gale 'da nɛ hã a tombo a na, a yamba sila nɛ, takɔ a ĩ na, nɛ kɔa ɛ do sila nɛ vɛ̃ tabi gɔ nde?

Mbulanɔ 8:16

Nɛ a hã mana hã nɛ na nɛ nyɔngɔ. Mɛ a nyɔngɔmɔ kɛ nɛ nyɔngɔ zi mbe kuti nɛ gɔ, nɛ oyaa nɛ wa nyɔngɔ 'bɔ kuti nɛ gɔ. Nɛ a hã zi zɛlɛ tɛ hã nɛ li gba zɔ̃ i we yamba do sila nɛ. Nɛ 'do nɛ, nɛ nɛ kpa dia mɔ, nɛ nɛ dungu do yangga.

Mbulanɔ 8:2

Tɛ nɛ tɛ èlè ngɔ 'bu sabɛlɛnɔ nalɛ, kɛ nɛ yɛnggɛ zi do li gba zɔ̃ɛ gɛ ni gɔ. NWA kɔ̃a zi na, nɛ yɛnggɛ na mɛ ni, nɛ tɛ nɛ zɛlɛ, takɔ a yamba sila nɛ. A dɛa na mɛ ni, takɔ a ĩ ti linggamɛ kɔ sila nɛ ni, nɛ a ĩ 'bɔ na, nɛ dɛ sɛ mbulanɔ 'dɛ ɛ, tabi nɛ dɛ́ sɛ gɔ nde.

Owi kpe dati 2:23

We duzu ma, NWA la zi owinɔ kɛ Yozue ndàkà wa gɔ ni, nɛ wa 'bana dɛ ngɔ nùi ni. Nɛ a wɛ̀lɛ̀ we ndaka wa do ti gɔ.