Owi kpe dati 2:21 - WE NU GALE 1995

²¹ We duzu ki ni, owinɔ kɛ Yozue fia, nɛ nde a ndàkà wa gɔ ni, mi ndáká sɛ tɛ mɛ 'bɔ wa gɔ.

Owi kpe dati 2:21 Iomraidhean Croise

EZEKIƐLƐ 20:24

Mi kana tɛ mi na mɛ ni, we duzu kɛ wa dɛ̃ zi mbulanɔ 'da mi gɔ, nɛ wa dɔnggɔ kɔ̃ tũ ɔmɔ tɛ wi gɔ. Nɛ nde wa ba zi tɛ wa hã okpikimanɔ 'da obaa wa.

Yozue 23:13

We duzu kɛ nɛ mba ngba nɛ do ogele winɔ ni, nɛ nde NWA Gale ndáká sɛ 'bɔ wa dati nɛ gɔ. Nɛ wa ɔ sɛ dɛ sanga nɛ ɔ nɛ bili we ba nɛ ni. Wa zɛlɛ sɛ tɛ nɛ, ɔ nɛ zufa kɛ wa zɛ do wele, tabi tɛ̃ kɛ ma dumu li wele ni. Nɛ nɛ kpa sɛ zɛlɛ tɛ gbaa na, nɛ kumu ngɔ dia nùi kɛ NWA Gale ba hã nɛ gɛ do'do.

Yozue 23:4

Nɛ mi kɛ̃a nùnɔ, yolo tɛ nu lì Yɔrdanɛ, si 'biti gba wese gbaa we hɔ nu gba lì Meditɛrane, si 'biti gɛ̃a wese hã owi nu kpala nɛ. Nùnɔ lɛ ba ia ni, mba do kɛnɔ lɛ tɛ bà gɔ ni, mi tua zeke, nɛ mi kɛ̃a ma hã nɛ vɛ̃ ia.

Yozue 23:5

NWA Gale 'da lɛ, a kpua mbulu hã lɛ na, ɛ do tɛ̃ ɛ, ɛ ndaka sɛ owinɔ ngɔ nùi ni vɛ̃. Fala kɛ lɛ nɛ, hã lɛ kɔlɔ do wa, nɛ ɛ dɛ sɛ na, wa yu, nɛ lɛ ba nùi olo wa ni.

Owi kpe dati 1:1

'Do kɛ Yozue fia ni, nɛ obe Israɛlɛ wa aka nwa na, a saka nu kpala winɔ sanga wa, kɛ wa kulu sɛ ngɔ dati, nɛ wa nɛ we bi Okanana ni.

Owi kpe dati 2:3

We duzu kɛ nɛ dɛa ní ni, mi tɔ̃a hã nɛ na, mi ndáká sɛ winɔ ngɔ nùi ni dati nɛ gɔ. Wa 'bana sɛ dɛ sanga nɛ, nɛ wa dɛ sɛ na, nɛ dɔnggɔ galenɔ 'da wa. Na mɛ ni, ogalenɔ 'da wa wa ɔ sɛ nɛ bili kɛ ma 'bɔ we ba nɛ ni.”

Owi kpe dati 3:1

NWA la zi owinɔ ni dɛ ngɔ nù Kanana, takɔ a yamba sila obe Israɛlɛ kɛ wa bì zi bolo do Okanana gɔ ni.

Owi kpe dati 3:3

Owinɔ kɛ NWA la zi wa dɛ ngɔ nùi ni, wa zi dati a Owi kɔ lenɔ mɔlɔ tɛ ngɔ nù Filisti. 'Do nɛ 'bɔ a Okanana vɛ̃, do Osidoni, do Ohivi kɛ wa dɛa lenɔ 'da wa ngɔ kalanɔ tɛ Libanɛ, ndo do nyanga kala tɛ Bala-Hɛrmoni gbaa we hɔ tɛ le Lɛbo-Hamatɛ.