Owi kpe dati 2:18 - WE NU GALE 1995

¹⁸ 'Da fala kɛ NWA tombo wi kpe dati owinɔ 'da a ia, nɛ a yolo 'do a kɔ dungu nza 'da a vɛ̃, nɛ a kpasa Oisraɛlɛ tambala kɔ owi sɛnɛ wa. NWA kpasa obe Israɛlɛ, we duzu kɛ a zɔa ngamɛ kɛ owi sɛnɛ wa wa hã hã wa ni, nɛ a zila hia kɔ̃a 'da wa, nɛ a ĩ 'bako hã wa.

Owi kpe dati 2:18 Iomraidhean Croise

Ndo Nyanga Dɛ Mɔ 6:6

Nɛ 'bako ba a, nɛ a sa tɛ a we kɛ a dɛa wa, nɛ a ia wa ngɔ nù gɛ ni.

2 Onwanɔ 13:4

Yoakazɛ nɛa we zɔ ni, nɛ a ala nu a hã NWA Gale, nɛ NWA zila sambala 'da a, tua kɛ a zɔa tɛlɛ tɛ kɛ nwa ngɔ nù Siri zɛlɛ do tɛ Oisraɛlɛ ni.

Zumanɔ 12:5

“Lɛ dɛ́ kili wele kpo gɔ, lɛ ĩ ti wele we wena, nu lɛ ma amba sɛ zu lɛ” ni.

Zumanɔ 90:13

Aa Nwa, zã mɔ nɛ nɔ̃lɔ̃ dɛ tɛ lɛ fai nde? Mɔ kpóló tɛ mɔ dɛ 'da lɛ, mɔ ĩ 'bako hã lɛ Owi dɛa tonɔ 'da mɔ.

Kulu Tɔa 2:24

Gale zila kɛ wa ala nu wa ni, nɛ ta zu a gba ngɔ gba tɔkɛ kɛ a gba zi do Abrahama, Izaka do Yakɔbɔ ni.

Kulu Tɔa 3:12

Nɛ Gale tɔ̃ hã a na: “Mi sɛ do mɔ boe. Kpo soe mɔ fo sɛ obe Israɛlɛ ngɔ nù Ezipeto do'do ni, nɛ nɛ mba sɛ li ngba nɛ vɛ̃ dɛ ngɔ kala gɛ, nɛ nɛ gbɛ sɛ sa'de we dɔnggɔ do mi. Nɛ ki ni ma be sɛ na, mi a mi tumba mɔ.”

Kulu Tɔa 32:14

NWA nɛa we zele ní, nɛ a kpolo nu a tɛ 'dã mɛ kɛ a nɛ dɛ sɔ do owinɔ 'da a ni.

OZE 11:8

“Aa nɛ, obe Israɛlɛ, mi nɛ bɛ̃ gɛnɛ nɛ we ge nde? Mi nɛ la nɛ we ge nde? Mi wè tɛ zɛlɛ tɛ nɛ, nɛ mi kumu nɛ, ɔ nɛ kɛ mi dɛa zi do owi kɔ le Adma do Sɛbɔimɛ ni gɔ. Mi dɛ mɔ na mɛ ni, nɛ ma yɛkɛ sɛ sila mi wena, nɛ ma hã sɛ 'bako hã mi.

YONASI 3:10

Nɛ Gale zɔa mɛnɔ vɛ̃ kɛ owi Ninivɛ wa dɛa, do kɛ wa la fala 'dã mɛnɔ 'da wa ni, nɛ a kpula linggamɛ kɛ a lengge zi we dɛ wa 'danga ni, nɛ a dɛ̀ ma gɔ.

Tɔlɔ Mɔ 10:9

'Da fala nɛ sɛ a ngɔ nùi 'da nɛ, kɔ nɛ nɛ we bi do owi sɛnɛ nɛ, nɛ nɛ dama sɛ mɔtũlũnɔ, nɛ nɛ he hiamɔ bolo, sɛ a tɛ mi gba ngɔ nɛ de. Na mɛ ni, nɛ mi, NWA Gale 'da nɛ, mi kpasa sɛ nɛ ti kɔ owi sɛnɛ nɛ.

Mbulanɔ 32:36

“Nɛ nde NWA a kpasa sɛ owinɔ 'da a. A lengge sɛ do ngamɛ wa zɔ ni. Fala kɛ a zɔ na, ngawi 'da wa ia do'do, kɔ fo 'bɔ wi gbaka wa bina,

Yozue 1:5

Nɛ mɔ Yozue, kɔ dungu nza 'da mɔ vɛ̃, wele yóló sɛ ti mɔ gɔ, we kɛ mi sɛ fala nɛ kpo do mɔ, nɛ́ kɛ mi zi fala nɛ kpo do Mɔizɛ ni. Mi lá sɛ mɔ gɔ, nɛ mi élé sɛ mɔ fala kpo gɔ.

Owi kpe dati 10:16

Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.

Owi kpe dati 11:32

Nɛ Yɛfte kũ lì do owinɔ 'da a we bi Oamoni, nɛ nwa 'dɔlɔ wa hã a.

Owi kpe dati 2:19

'Da fala kɛ wi kpe dati obe Israɛlɛ fe, nɛ wa kpolo tɛ wa vɛ̃ dɛ ngɔ ã 'dã dɛa mɔ tɛ wa, nɛ wa dɛ 'bɔ 'danga nɛ ngɔ kɛ 'da oyaa wa zi ni. Nɛ wa ndo dɔnggɔ gele galenɔ do gu nù ti wa. Wa kɔ̃̀ zi we la fala 'dã mɛnɔ do nga zu 'da wa gɔ.

Owi kpe dati 3:9

Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 6:12

Nɛ anzɛ 'da nwa hɔa dati a, nɛ a tɔ̃ hã a na: “Aa mɔ nga soda bi bole gɛ, NWA Gale do mɔ fala nɛ kpo.”

Owi kpe dati 6:16

Nɛ nwa tɔ̃ hã a na: “Mi sɛ fala nɛ kpo do mɔ. We duzu ki ni, mɔ zɔ sɛ Omadianɛ li mɔ ɔ nɛ wele kpo iko ni, nɛ mɔ gbɛ sɛ wa vɛ̃.”